¹ Kade ana Jubata Panampa' mangkitatn kao Barage Karistus , gago'lah hal - hal ka atas, tampat Karistus duduk ka sabalah kanan Jubata Panampa'. ² Bapikirlah tentang hal - hal nang ka atas,buke' hal - hal nang ka bumi. ³ Sabab kao udah mati, ba idup batapor ka Kristus daapm Jubata. ⁴ Waktu Karistus nyata, daapm idupnyu, maka kao nyata uga' basama Iya daapm kamuliaan. [ sangahe versi di maca ] [ " Saat Karistus tiba, sae idup diri', maka kao uga akan muok basama iya daapm kamuliaan. "] ⁵ Kamudian matiatnlah hal - hal duniawi--- pacabulan, kanajisatn, hawa napsu, kainginan jahat, ba sarakah sama dengan panyambahan barhala. ⁶ Samua nyian ngatangan murka Jubata Panampa' ka anak - anake nang ina' taat. [ sangahe versi dimaca] [" untuk hal - hal nyianlah murka Jubata Panampa' jaji atakng."]. ⁷ Daapm hal nyian kao uga paranah bajaatn basamae waktu kao idup basama kabatne. ⁸ Tapi angkitn kao udah dimarasehatn daapm hal - hal nyian---murka, pamera, kajahatatn, garigisatn, fitnah, ba kata - kata kotor nang muok umpat ka mootnyu. ⁹ Ame pangalok ba nang laine, sabab kao udah dinaap umpat ka manusia lama ba kalakuanne. ¹⁰ Kao udah makeatn manusia barahu , nang dimarahui' dappm pangatahuan sasuai ka gambar nang nyiptaatn iya. ¹¹ Daapm pangatahuan nyian, ina ada urakng YUnani ba urakng Yahudi, urakng babaak ba ina' babaak, urakng Barbar,urakng Skit, budak, urakng merdeka,tapi karistus adalah sagalae ba kadaapm samuee. ¹² Lau pakelah ,sababgai urakng pilihan Jubata Panampa', nang kudus ba dikasihi, pakelah murah ati, kabaikatn , karendahan ati, kalamahlembutan, ba kasabaratn. ¹³ Tanggongan lah seko ba nang lainne. Kasihi'lah nang lainne uga', kade' ada urakng nang ngeluh ka nang lainne, amponi'lah ayamae Jubata ngamponi' kao. ¹⁴ Ka atas samuee koa, miliki'lah kasih, nang adalah pangikat dari kasampurnaan. ¹⁵ Biarlah damai Karistus mamerntah daapm atinyu. Sabab damai nyianlah nang nyaru' kao daapm sote' tubuh ba basyukurlah. ¹⁶ Biarlah pakataatn Karistus diapm ka daapmnyu ba sagala kakayaanNe. Ba saluruh kabijaksanaan ba nasehatilah satu ba nang lainne ba mazmur puji-pujian uga nyanyian rohani.banyanyilah ucapan syukur daapm atinyu ka Jubata Panampa'. ¹⁷ Ba ahepun nang kao karajaan, daapm pakataatn atau parbuatan, lakukan koa daapm nama Jubata Yesus. Mangucap syukur ka Jubata Panampa' Apa' diri' malaui' Ia. ¹⁸ Bini-bini tunduklah ka akinyu,ayamae mestie daapm Jubata. ¹⁹ Aki - aki kasihi'lah bini- bininyu,ba ame minjawat kapahitatn ka kabatne. ²⁰ Anak - anak , taatlah ka urakng tuhanyu daapm sagala hal, sabab koa nyenangan ati Jubata. ²¹ Apa' - apa' amelah nimbulatn sakit ati ka na' anak - anaknyu, biar kabatne ina sakit ati. ²² Amba - amba taatlah ka tuannyu daapm sagala hal, buke' kahe nyenangan ia waktu tuannyu nee' kao, tapi arus sapanuh ati. Gai'lah ka JUbata. ²³ Ahepun nang kao karajaan, lakukan ba saganap jiwanyu saparati untuk Jubata, buke' untuk manusia. ²⁴ Kao nahui' kade' kao mao' narima' upah nang udah di nyanjiatn iyakoa harta warisan umpat ka Jubata. Harta warisan umpat ka Jubata Karistus nang kao layani. ²⁵ Untuk satiap urakng nang ina' banar pasti narima' ukuman dari nang ina' banar nang ia lakukan ina' pandang bulu.