¹ Aku mao' kao nahui' sangahe aya' pajuanganku nang udah aku parbuat untuknyu, untuk kabatne ka Laodikia, ba untuk kabatne nang nape' nee' muhaku sacara langsung. ² Aku barusaha biar ati kabatne tasorong ba ngicakng kabatne basama - sama daapm kasih ba daapm samua kakayaatn ba jaminan rahasia kabaratn Jubata Panampa', yakoa Karistus. ³ Ka Ialah batapor samua harta ba hikmat ba pangatahuan. ⁴ Aku ngataatn hal nyian ka kao biar ina' ada saorangpun nipu kao ba kata-kata kabatne nang mayakinkan. ⁵ Biarpun aku ina' basama - sama kao sacara jasmani, aku tatap basama - sama kao daapm Roh.Aku repo nee' baik parbuatannyu ba kuate imannyu basama Karistus. ⁶ Saparati kao nang udah narima' Jubata karistus, bajaatnlah ba Ia, ⁷ Baakar kuatlah ka Ia, di mangun ka atasE , di taguhatn ka daapm iman nang udah di ajaratn ka kao, balimpah - limpahlah ba syukur. ⁸ Tee'lah kade ina' seko' urakngpun nang bisa manjaratnyu malaui' filsapat ba tipu dayae nang kosong nang adalah asil dari adat - istiadat manusia, nang sasuai ba unsur - unsur nang barasal dari dunia, nang ina' sasuai ba Karistus. ⁹ Sabab ka Ialah badiapm saluruh kasampurnaan kajasmanian Jubata Panampa'. ¹⁰ kao udah di insi' ka daapm Ia.Ia adalah kapala dari sagala kakuatan ba kakuasaan. ¹¹ Ka daapmE, kao udah dimaak, babaak nang buke dimajaan manusia, malainkan babaak kadaapm Jubata Panampa'. ¹² Kao udah dinyubur ba Ia kadaapm baptisan, Kadaapme kao di bangkitatn oleh iman ba Kuasa Jubata Panampa', nang mangkitatn Ia dari antara urakng mati. ¹³ Lalu kade' kao mati sabab palanggaran - palanggaran ba ina' b baak sacara jasmani, Ia minjawatnyu idup basama ba ia ba samua ngamponi palanggaran diri'. Ba ngamponi samua palanggarannyu. ¹⁴ Ia ngamponi samua dosa - dosa nang tatulis ba paraturan - paraturan nang ngalawan diri'. Ia ngapusatn koa samua ba makuatn iya ka kayu salib. ¹⁵ Ia ngapusatn sagala kakuatan ba ka kuasaan.Ia sacara tabuka' nojokatn ka kabatne atas kamanganan-Ne malaui' kayu salib. ¹⁶ Maka dari koa, ame biaratn seko' urakngpun mangakimi'nyu daapm hal makanan maopun cocokatn nyu, atau masalah ari raya atau buatn barahu, atau masalah ari sabat. ¹⁷ Samua nyian adalah bayangan dari sasuatu nang anae, tapi akekate adalah Karistus. ¹⁸ Amelah ada urakng mangakimi kao lalu kao kaluar dari anugerah nang kao tarima' iyakoa kabatne nang pura' - pura' ngarendahatn diri'e lalu mamuja para malaekat. Saparati urakng nang taama' ka sasuatu nang udah ia nee' lalu jadi sombong malaui' pikiran kadaginganne. ¹⁹ Ia ina mampaut ka kapala,. Dari kapala koalah saluruh tubuh ba roas - roase ba ensel - ensele tahubung jaji sote' ; koa batumuh ba patumbuhatn nang dimare'i' Jubata Panampa'. ²⁰ Kade' kao udah mati basama - sama ba Karistus ka parinsip - parisip dunia nyian, ngahe kao idup manurut kamaoan dunia. " ²¹ Ame di jamah , ame di cacapi' ame di santuh"? ²² Samua hal nyian diminjawat untuk kacurangan,badasaratn parentah - parentah ba pangajaratn dari manusia. ²³ Aturan - aturan nyian miliki' kabijaksanaan nang dibuat - buat. Tapi kabatne ina' milik' nilai nang bisa malawan kasenangan nang umpat ka kadaginan.