¹ ajai kami punya palayanan nyian, dan aya mae kami dah narima kamurahan, kami inak jaji kecewa. ² malainkan, kami dah ningaatn cara - cara nang masupe'i dan nag di nutupi, kami uga inak idup licik,serta ina salah nangani firman Allah, ngalalui kabanaratn, kami nyataatn diri kami babaro ka ati nurani satiap urakng ka mata Allah. ³ Tapi kade injil kami tatutup koa kahe tatutup untuk urakng nang agi binasa. ⁴ Daapm hal kabatne nyian, yakoa dunia udah butaatn pikiran - pikiran kabatne nang inak picaya, akibate, kabatne inak bisa neek cahaya injil dari kamuliaan Kristus, nang adalah gambar Allah. ⁵ Karana kami inak nyataatn diri kami babaro, Tapi Yesus Kristus nang sabagai Jubata, dan kami sandiri sababgai hamba - hamba bagi Kristus. ⁶ Karana Allah sandiri nyataatn, "tarakng akan nyinari patakng" Ia basinar kadaapm ati kami samua, untuk tarakng pangatahuan dari kamuliaan Allah ka hadirat Yesus Kristus. ⁷ Tapi kami miliki harta nyian kadaapm bejana tanah liat, supaya koa jaji jelas kade kuasa nang hebat tarus balimpah koa nu Allah dan buke kami. ⁸ Kami di tindas daamp sagala cara, tapi inak taapet, kami bingung tapi inak putus asa. ⁹ Kami di aniaya tapi inak di tingaatn. kami di pangkong tumakng tapi inak di ancuratn. ¹⁰ Kami salalu ngicakng kamatiatn Yesus ka daapm tubuh kami, supaya ka idupatn Yesus uga bisa di nyataatn ka daapm tubuh - tubuh kami. ¹¹ Kami nang masih idup salalu di sarahatn ka kamatiatn Yesus, supaya kaidupatn Yesus bisa di tunjukatn ka daapm tubuh - tubuh manusia kami. ¹² Karana alasan nyian, kamatiatn gi karaja ka daapm tubuh kami, tetapi kaidupatn gi karaja ka daapm nyu. ¹³ Tapi kami miliki roh iman nang sama manurut ahe nang tatulis: "Aku picaya, maka aku bakata - kata" kami picaya uga maka kami bakata - kata uga. ¹⁴ kami nauan kade Ia nang bankitatn Jubata Yesus uga akan bankitatn kami basama Yesus, kami nauan kade Ia akan ngicakng kami ba kao kadaapm hadirate. ¹⁵ Sagala sasuatu koa demi kao supaya, ayamae anugerah nyebar ka urakng manyak, ucapan sukur pun batambah untuk kamuliaan Allah. ¹⁶ Maka koa kami inak kecewa, walopun sacara lahiriah kami gi marosot, tapi sacara batiniah di barahui dari ari ka ari. ¹⁷ Untuk saat nyian, pandaritaan nang rehetn gi nyiapatn kami untuk kamuliaan nang kekal ngalewati samua ukuran. ¹⁸ Karana kami inak neeatn ahe nang di tee, tapi hal - hal nang inak di tee. hal - hal nang dapat kami teekahelah samintara, Tapi hal - hal nang inak di tee adalah kekal.