¹ Ahe ge kami dah mulaik muji diri kami agi? Kami inak perlu surat rekomendasi agi ka kao ato pun dari kao, tolen urakng - urakng, buke ge ayakoa? ² Kao babarolah surat rekomendasi kami, dah tatulis ka ati kami samua, dah dinauan dan udah di maca samua urakng. ³ Dan kao nunjukatn kadek kao koa adalah surat dari Kristus, nang kami hentarkan surat koa inak tatulis pake tinta tapi oeh roh Allah nang idup. Surat koa pun inak tatulis ka loh - loh batu, tapi ka Loh - loh ati manusia. ⁴ Nyianlah kayakinan nang kami miliki daapm Allah ngalalui Kristus. ⁵ Kami inak mampu ka daapm diri kami sandiri untuk ngakoi sagala sasuatu atakng dari kami. Malainkan, kamampuan kami nyian dari Allah. ⁶ Allah lah nang minjawat kami sanggup jaji hamba - hamba dari perjanjian baru. nyianlah suatu penjanjian buke dari huruf tapi dari roh. karana huruf koa munuh, tapi kade roh mare ka idupatn. ⁷ Jaji palayanan nang ngasilatn kamatiatn terpatri daapm tulisan - tulisan ka batu, dah atakng kamuliaan kade umat Israel inak dapat neek muha Musa sacara langsung , nyianlah sabab kamuliaan dari mulae, kamuliaan nang mamudar. ⁸ talabih agi akan kamuliaan palayanan nang roh lakuatn? ⁹ Karana kade palayanan pangukuman ada kamuliaan, labih - labih agi palayanan kabanaratn balimpah daapm kamuliaan! ¹⁰ Karana sabatole, nang dah paranah di minjawat mulia buke agi mulia daapm hal nyian, sabab adae kamuliaan lah nang ngalabihi Ia. ¹¹ karana kade nang udah lewat ada kamuliaan. labih - labih agi akan ahe nang permanen pumya kamuliaan. ¹² Karana koa kami punya kayakinan aya nyian, kami talalu barani. ¹³ Kami inak sama ba Musa, muhae pake tudung, sahingga umat Israel inak bisa neek sacara langsung akhir dari kamuliaan nang dah lewat. ¹⁴ Tapi pikiran kabatne tatutup bahkan sampe ari nyian. tudung nang sama tatap macai perjanjian lama. Hal nyian nape tabuka, sabab kahe ka daapm Kristus hal koa di selesaiatn . ¹⁵ Tapi bahkan ari nyian, kamie pun Musa di bacaatn, suatu tudung tatap nutupi ati kabatne. ¹⁶ Tapi pas urakng babalik ka Jubata, tudung koa di ka uasatn. ¹⁷ Angkitn Jubata koa roh, dimae roh Jubata ada di koa ada kabebasatn. ¹⁸ Angkit diri samua bamuha nang inak ba karudung, teek lah kamuliaan Jubata: kami gi di ubah kadaapm sarupa kamuliaan nang sama dari satingkat kamuliaan ka nang laine, aya mae nang dari Jubata, nang adalah roh.