¹ Kami nahui kade tampat kami diapm ka bumi nyian daapme di ancuratn, kami ada bangunan nang dari Allah, yakoa sabuah rumah nang buke di minjawat kokot manusia, tapi sabuah rumah kekal ka saruga. ² Karana daapm kemah nyian diri ngeluh, rindu untuk di kanaan pakean ba kadiaman diri nang surgawi. ³ Kami rinduatn hal nyian sabab ba nganaan nyian kami inak di tamui baanto. ⁴ Karana samintara kami ada ka daapm kemah nyian, kami ngeluh. tarus di bebani, kami na mao baantoa. Malainkan, kami mao nganaan pakean, supay ahe nang fana nyian bisa di taatn ka idupatn. ⁵ Ia nang dah nyiapatn kami untuk hal penting nyian koa Allah, nang mare roh ka diri sabagai jaminan dari ahe nang mo ataknga. ⁶ Karana koa yakinlah tarus , awaslah pas kami ada ka rumah daapm tubuh, kami jauh dari Jubata. ⁷ kami bajaatn oleh iman, buke karana nee., ⁸ Jaji kami punya kayakinan, munkin kami labih baik jauh dari tubuh dan ka rumah basama Jubata. ⁹ Jadi kami jajiatn koalah tujuan kami, mao kami ada ka rumah ato pun ada kaluar rumah, untuk nyenangan Ia. ¹⁰ Karana kami samua akan ka teeatn ka adapatn pangadilan karusi Kristus, supaya masing - masing urakng bisa narima ahe hal -hal nang di ngalakuatn daapm tubuh, ahe ge koa jahat atopun baik. ¹¹ Oleh sabab koa, pahamilah gaik ka Jubata, kami ngayakinan urakng. ahe ge kami dah kateeatn sacara jalas oleh Allah. Aku harap hal koa uga jalas ka daapm ati nurani nyu. ¹² Kami inak nyoba ngayakinan kao agi untuk nee kami sabagai nang tulus. Malainkan kami gi mare ka kao suatu alasan untuk jaji bangga untuk kami,. supaya kao ada jawaban untuk kabatne nang bamegah ka panampilan tapi tapi buke ahe nang ada ka daapm ati. ¹³ Karana kalo kami di luar pikiran - pikiran kami. koa untuk Allah. kalo kami ada daapm pikiran - pikiran nang banar koa demi kao. ¹⁴ Karana kasih kristus desak kami, sabab kami pasti akan hal nyian: sabab seko urakng mati untuk samua, dan karana koa , samua udah mati. ¹⁵ Dan Kristus dah mati untuk samua, supaya sae pun nang idup inak agi idup untuk dirie babaro, malainkan, kabatne harus idup untuk Ia nang udah mati dan udah di bangkitatn. ¹⁶ Sabab alasan nyian, mulai angkitn kami inak agi hakimi sae pun manurut satandart manusia, walopun kami paranah ngangap Kristus daapm cara nyian. tapi angkitn inak agi hakimi sae pun daapm cara nyian agi. ¹⁷ Karana koa, sae pun nang ada ka daapm Kristus, ia adalah ciptaan baru, dan hal -hal lama dah balalu. tee lah kabatne dah jadi barahu. ¹⁸ Samua hal nyian barasal dari Allah, Ia dah damaiatn diri ba dirie ngalalui Kristus, dan dah mare palayanan perdamaian ka diri. ¹⁹ Yakoa, ka daapm Kristus Allah damaiatn dunia ba dirie tanpa maretongan palangaran - palangaran nang ngalawan kabatne . Ia micayaatn ka kami barita perdamaian. ²⁰ Kami di tojok sabagai duta Kristus, saolah - olah minjawat pamintaatn ngalalui kami. kami minta basama kao. demi Kristus: "bareatn lah diri nyu di damaiatn ka Allah. ²¹ Ia dah jajiatn Kristuas korban untuk dosa kami. Ia koa uraknge nang inak paranah badosa . Ia ngalakuatn nyian supaya kami sadapat mungkin jaji kabanaratn Allah daapm Ia.