¹ Parisi baainti buka uba tatauka baaintika Ihura batake Ierusaremini bariara. ² Bika tavabo Ihura kai'a baainti kia kau'u hi'ake bareti naara. ³ Parisibata Iutabata eka enta kau'u hi'akeha kara nebariara, bika bo okara bo okara baataka. ⁴ Parisi maketi'i niha ani naamai tuntukeha kara neba, bika bokira okara uataka , mantiake, peresi, kaapu, beti o'ubuara hika batama hi'ake bateba. ⁵ Parisi Ihura ireha tiha, nantimante ai kai'a bainti tinabu okara kia abate? bika kiama kau'u hi'ake bereti naabo. ⁶ Aisaiaba niara koekero tibatorabe ne bo'ake una'ara tiaka. Biba tiharo, bika una'arakehama ti autu tuaherebai. Bika auhabano kiama ti bataake bairo. ⁸ Are Kotira uba a'irakera na'u tato uba uataraba. ⁹ Ne ko'ekema Kotira uba rauhake, nenta okara uatakama. ¹⁰ Mosesiba tiharo, nenta noka oka uba iriate . Tauka'e nai noka okara ora uba tibanimiaka utumabiba. ¹¹ Baintibano nai noka okara tiharo nana kaho'ira haika ti'ata baranara Kotiba ami opaara mintia'keroma tiro, Kotira ami'a. ¹² Mintibo are kai'ro nai noka oka paana'haika mintianaaro. ¹³ Are Kotira uba barakera minti'akerama nena na'u tato muani batane. Airu ora okarabata barebariana. ²⁴ Biba baatuka mini kero Tairbata Saidonibata burama. Naabu bo'ira ori etaibaro ki'a biba kuke'aaina batukara baura. ²⁵ Bo nahenti bano bira raabura bano ora aiho bataiba , biba iribo Ihuba anibo biba Ihura ai'ui ani tori kauru arairabe. ²⁶ Bi nahentiba Girik ihairo anirabe, biba Fonisia antu'iharo anura. Biba Ihura ani irero tiharo, Are ti raabura'ihara ora aiho ani baarakane. ²⁷ Ihuba bira tiba amiharo,"Kairo bainti bano bereti naire. Bainti bereti kia bairi amia." ²⁸ Bi nahentiba himpiro Ihura tiba'amiharo," U'abe Nora'o bairi bano kara hi'ibira a'ima naanarobe." ²⁹ Ihuba bira tiba'amiharo, "Are minti tiana, homa bina. Ora aihobano ai rabura'i atarabo." ³⁰ Biba naabu'i oru tabaibaro bira raaburabano tainta'a baitate baura, ora aiho bira tutake buara. ³¹ Ihuba batuka a'irakero bo bantaraini Tairini, anirora Sidonini Kariri namari'a aniro Dikaporisi bataini anirora. ³² Bika Ihura naini aatobano tinta bubo ki'a ho uba tibaiba, bika Ihura ani ire , are ka'u bira ata batane. ³³ Ihuba bira bitarero bonaini akero ki'a bainti nahenti baira'ata Ihuba nai ka'u bira aato'i batero , taara , nai kau'i bihikero bira matiri'ata bataira. ³⁴ Biba narubaini ai'tuakero aana barero bira tiba amiharo , "Epata are antuarane." ³⁵ Bira'ata bira aato bano antua bubaro ho irirabe. ^{36 37} Ihuba bika tiba amiharo, kia boka tiba nimiate. Bika kia uba irike eka baainti tiba nimura. Bika rantu'abi tiha, "Biba airu ko'e kai'ama bairaibo ti. Aato tinta bu'aka iriabo, no tinta buaka uba tibo."