¹ Biba bi batukara a'ira kero nai ma'a Kotirai bimanta bira panabainti bira abata bare buara. ² Bi entara mono kuari-abu anibo, biba mono nabu Iuta iara'i ori etero bainti nahenti tiba nimiro airu bainti nahenti bi ubara iri rantu'abi, bika mantima ti, biba taihairo bi abu atora barero'e? Tabe bi abu atora amibo'e? Biba nana ahuba haika nai kau'u'i autibo? ³ Ma biba kia nabu ka'a bainti bauma, Mariara ma'uma bira atabaka Iemisira, Iosira, Iutasira, Saimonira ma bira auranaka kiama ti nabu hampata bai minti manta Ihura arara itorama. ⁴ Bira nantira Ihuba mintiti bakero bainti nahenti tiba nimiro, poropeti bano nora autu barareba,bonai hairo ma baranaro. Bika kiama nai ma'a okaraihai bata, nai antu ihai bata nora autu bareba. ⁵ Kiama biba nora nora kai'a autua naro ibaro, biba nai kau'u robara baraika'a bari batero nunamu iramanta bika ho'ama ibarabe. ⁶ Biba rantu'a biro nanare bika kia muntuka mara'ura utuabaro. Bira hairo eka batana biro Kotira uba tiba nimura. ⁷ Bira nantiara Ihuba nai panabainti 12 nabu tarau tarau atitaimanta buabaro bika Kotira uba tibanimi'i buara, Ihuba bika kempuka nimiro ora aiho bara a'ini kate. ⁸ Tiba nimiro kia bo haika bare buate, monu pauhi'i aama utae ara'ini kaurura bira aima bare buate. ⁹ Mintira ai'u irara'i nakuate. ¹⁰ Ihuba bikara tiharo, tai'e hanto nabu'ie ori etaira.A'i bi nabura'i bari'i bima buate. ¹¹ Bo batukabano kia ni bitareka ibera'e , kia ni uba bata irireka ibera mintira ne bi batukara tutareka'iha kokoma ai'u'ira rintatiate nenta uba bo'ara bikaini. ¹² Bika betai mintitibake tiba nimi ne nenta ba'u okara tauba'a utu amiate. ¹³ Bika ora aiho bainti'i baira a'ini barake ha robara baraka, bahubera iata'a ahia nimita baro bika robara bano ho'ama bura. ¹⁴ Iata bainti Herotiba biba, Ihurara nora baintibe tia ubara iriro bokiaka birara tiha, Ioniba namai a'unimite baiba utu buaka batukai hairo himpiroma nora nora kempuka kai'a bare baibo. ¹⁵ Hini kiaka tiha, Ilaisarabe, bo kiaka tiha nai biba poropeti haru baibabe. ¹⁶ Mintibo Herotiba bi ubara iriro, biba mintima tiro, te namai a'unimite bai baintira Ionira iata te'aunarabe, mintibo nantiakero'e biba a'i mara'ura barianaro. ¹⁷ Herotiba bainti atita kaimanta, Ionira raba'abuke buru kanta ruakara bira nanahare, biba nai ata bakara naata Herotiasira barareba ibaibaro. ¹⁸ Ioniba, Herotira minti tibakero, tibamiro bira kia'e ho baria narora nena ata bakara barairo. ¹⁹ Mintibo Herotiasiba aarara itaibo Ionira arukareba ibo kia ho ira. ²⁰ Herotiba Ionirara eterharo biba taberoma Ioniba abuabu taku'ira baintibano baibo mintibo Herotiba bira ko'eke ra'ikiro. Herotiba, Ionira uba iriro, biba kia boha auha batero bata biba uaheho bira uba irira. ²¹ Herotira bira noba batai entaba ani baro, biba nora kara nai kai'a bainti bata soldia ra'ikirauka bata Galili abuni iakabata heno ama nimitero. ²² Herotiasira raburabano nai'ake aniharo ai'u a'u'iro bika abu'a aniro biba Herotira batake bira'i kara naka uaha nimi tero. Biba mintibo Herotiba bira tibamiro tiharo,tiba timiane are nana haikara'e antu'arina te ai amiainarabe. ²³ Ti hini ko'e hai karara a'ima irenara. ²⁴ Mintibo biba bebarero nai nora tiba miharo tiro, te nanaha'e kinira narirabe?Bira noba tiharo, Ionira iatara naruane. ²⁵ Kantero oru kinira irero bate ai Ionira iata te'akera katari'a aututa tanura'i batera biri timiane. ²⁶ Kiniba bi ubara iriro bo'akero umpo ira bata biba nana ubaha'e bainti abu'a tiba kaira bihana abatakero. ²⁷ Kiniba nai huru ra'iakara atitakero oru Ionira iata bare aniate tibaro, biba oru Ionira karabuhi'i hairo iata te'a bare anura. ²⁸ Biba Ionira iata nora tanu'ira batero Herotiasira rabura bi amibo biba bira barero nai nora amira. ²⁹ Iionira panabainti bira iri, bika ani Ionira baata bare buru bainti untara'i batora. ³⁰ Mitumanta pana bainti Ihuba unaini anirante bi bika eka nana nana haika obarai'ura bainti nahenti tiba nimura. ³¹ Ihuba nai panabainti tiba nimiro,bi'e baainti kia baira'a oru kuhara barare.Airu baainti nahenti bi ani bariamanta,kiama tenabu kuahara barauro. ³² Mintimanta bika botu'i barire baainti kia barinaini buara. ³³ Ibaro baainti nahenti bika buara iri tabe,Batuka batuka bainte keha bika nane abuni buara Ihuba bi naini. ³⁴ Bika hini bantaraini aniabo Ihuba bika tabai manta airu bainti nahenti ruba umabi bariabo Ihuba bika tabaibo sipisipi bano kia bika ra'ikiariraba bairo mintibo Ihuba bika airu haika ko'e abu ato tiba nimira. ³⁵ Ku'ari abu bano tubibi manta, panabainti Ihuba unaini aniha tiabo, ma batukara kia bainti nahenti airutaha bakiabo enta rahibano ani aumai'ibo. ³⁶ Bika atitakaira tauni'ie, batuka aumanto bainanai bi aniha kara rantanate. ³⁷ Ihuba panabainti minti tibakero tiba nimiro, ne boki haikara nenta nimira bika naate. Bika Ihura tibami tiha, tenabu ho'e 200 a'haina kara nimiai nebara. ³⁸ Ihuba bika irero tiharo, ne nantuma pareti'e batabo? Ne oru tabate . Bika rantabare tiha pareti 5nabu bata habuka 2 ruhanta. ³⁹ Ihuba bainti nahenti tiba nimiro ukau'a uturantabi o'ubuate. ⁴⁰ 100 abata 50 abata uturantabi o'ubura. ⁴¹ Ihuba pareti 5 nabu bata habuka 2anta barero, biba narubai burubi aitu'iharo aiho akero biba pareti bira kuikero nai panabainti nimiro, bainti nahenti nimiate tura. ⁴² Eka bainti nahenti namapi'a bura. ⁴³ Panabainti kara neha kora untu ruba'uake basketi 12 nabu rubakora. ⁴⁴ 500 bainti nahenti bi karara narabe. ⁴⁵ Ihuba batete nai panabainti tiba kaimanta botu'i oriete. Betsaita hini bantaraini buara. ⁴⁶ Bika bu'abaro Ihubaro ai'ina'a nunamu ireba burama. ⁴⁷ Entarahi kabano a'uraba'ukaibaro bika botibanora namai abuta'a baibaro,Ihuba nariara ai'ina'a oru baira. ⁴⁸ Ihuba bika tabai mantan Kia ho'ake botu ai'i utuke bibara, nanare Nora ubaibano Bika both bentero enti rahikabano taia rebibo, Ihuba namai abu'a bika abuni bireba burama. ⁴⁹ Bika Ihura tabobaro namai abu'a bimanta, Bika bira tabe banabe ti ora keke tiarama. Nanare Bika bira tabe oraha etarama.Ihuba bika tiba nimiharo tiharo, no auha bano iha'iaire. Te ma bikabe, Kia Ne etate. ⁵¹ Ihuba botu'ira bika bariara'i Ori etaibaro, kempuka ubai bano utiharo, bira panabainti bi ubai utira tabe bo'amake rantu'ama buara. ⁵² Panabainti kia kankomake pareti bira nana haikara'e tibo. Nanare bika auha bano kempukai'a bura. ⁵³ Bika namai ta'a hini bantaraini Genesareti bataini buru botu kora. ⁵⁴ Bika botu'ira a'ini babi ramanta bainti nahenti bakarabata Ihura tabe obakai'uaka, ⁵⁵ kante eka batuka,batuka bi robara' iaka bita bare biri Ihuba unaini Kora. ⁵⁶ Ihuba batuka, batuka ni baimanta, robara baraka bita bareha maketi batuka'a bi bateha, Ihurara tiha, a'ikai manta bika ai utabaa'ai totate tumanta, airu bainti nahenti bira toteha ho'abi baurabe.