¹ Bika namai aubahini , Gerasini batuka orurora . ² Ihuba botu ihairo babirobaro , totara baainti bobano bibi naini anura . Bi baintiba ora aiho bano ai'i utibai baaintiba utubuaka untetara ihairo anura . ³ Bi baaintiba eka enta baainti untetara'i bauba. Kia bobano bi baintira rumpa narora , ko'ata na'unta bano bata kia ho amakero bira uatanaro . ⁴ Ora enta bika bi baaintira ko'ata na'unta utubare rumpa tobaro kia ho baira . Baainti biba ko'ata na'unta raperikero inara inarai amakero . Kia bo baainti bano kekaumakero bira uatanaro . ⁵ Enta'i bata atitaira'a bata , baainti untetara'i bata a' inaini bata ori utubarero te'a'ta' ihairo baura . ⁶ Biba Ihura tabaibaro niaraini anibaro biba kantero bibinaini biro , Ihura ai'u' ira buru tori kauru arora . ⁷ Biba naberai tibake i'irateharo , te nana kai'ae aikanti barara , Ihu'o , Anutura bihaina orainti maa'u baubo ? Anutura naima te irauro , "kia aiha hika timi'ane ." ⁸ Biba nanara'e Ihuba bira minti tibakero tiba mura'e , bi baaintira " a'irakera bebarane , are ora aiho baubo ." ⁹ Ihuba bira ireharo tiharo , " ai autu tarabe?" bi baaintiba bira tibamiro tiharo ," ti autu riginirabe tiro , nanara'e tenabu orautahabe ." ¹⁰ Bi baaintiba airu tata ireharo tiharo , kia bika bo batuka atitane . ¹¹ Bate ora uarautahama inara ai'inaini auhiri neha bariabo . ¹² Ora aiho bi baaintira'i bariaka anirante Ihura ireha tiha , tinabu uara mauka'i atitai'e ori etare , tinabu a'i kai'e bika ira ori etare . ¹³ Mintubaro Ihuba e'o hobe tiro bikara ora aiho bi baaintira a'irake tubitare uarautaha'i oru etora , uara bika kante totara inara ai'inaini otubi nora namai otu raba'ubi aumantaka 2000 uara namaira mutu utubura . ¹⁴ Nantiara uara kara amibaria baaintika kante oru nora batuka'i boki batukara nora batuka aubahini bariaka tibanimiha nanahikae obarai'ibo . Mintumanta baainti nahenti minibi nanahika obara ura oru tabora . ¹⁵ Nantiara bika Ihubinaini ani bika bi baaitira oraaiho bano ra'ikitai baaitira tabobaro bi baaintira oora aiho raki'itora baaintiba o'ubiro baura . Biba ko'e uta ba'a nonkutero ko'e iri hika anirante barero bau manta bika bira tabe bo'amake etora . ¹⁶ Tauka'e baiha tababaro nana hika bi baaintira ora iho bano ra 'ikito baaintira'a obarai'i manta tabaka bika anirante tauka'e bira tabareka ani'akabata ko'e make nanahika'e obarai'ira tiba nimura , tiha nana hika'e uara'a bata obarai ira tibanimura . ¹⁷ Nantiara baainti nahenti Ihura ireha tiha , Kia ma batukara bariane . ¹⁸ Ihuba botu'i barirobaro , bi baaintiba baka ora aiho bano ra'ikito baintiba , Ihura ireharo tiharo , te ai batake birerabe . ¹⁹ Mintitubaro Ihuba kia birara eotiro , Ihuba bira tibamiro tiharo , nena naabu'i bira buru nena aura ata nanahika'e nora bano aini mintura kaho aira . ²⁰ Mintubaro bi baaitiba , biharo Ihuba naini norahika Dikaporisini mintura bika tibanimura , eka bi ubara iru baro bika abubano antua bumanta , bika bo'amake bihaikara obarai ira uahora . ²¹ Ihuba namai hini bantaraini bumanta airu baainti nahenti bira tabareka anura , biba namai aubahini . ²² Nantiara mono nabu'i a'i utibai baaintiba bira autu Jairus ba Ihura ani tabero , ²³ "Ti raburabano aumantakama utuanarobe , te ai irauro , are anira nena kau'u bira'a bari batairo bira robara bano taiairaro a'i bariare." ²⁴ Mintibaro Ihuba bikantiro bumanta airi baainti nahenti aumai amabi utute Ihura abata'i bibuara . ²⁵ Bo nahenti 12 ihi nare robara bataiba bira'i baura . ²⁶ Bi nahentira aiha bano aiha amibaro biba airu bure bare bara baaintika'a nora onana kakakima kai baro bira aiha bano kia tai'ero , bi aihaba aomakero norai ama bura . ²⁷ Bi nahentiba Ihuba nana hikae mintubai ubara tia baro iriro , biba bira nantiara aniro , Ihuba nonkutai utaba'a baainti nahenti abuta'i utubarora. ²⁸ Nanarae biba tiharo ," te Ihuba nonkutaira utaba'ara , uata barairoma ti aihabano tai'abuanarobe ." ²⁹ Nahentibano Ihura uatabarobo naare robara bano ekara aharuamabura , biba na'i tabobaro bi aihaba tai'abura . ³⁰ Totara Ihuba tabobaro bira ihaina kempuka bano kaka'ima bubaro . Bi baainti nahenti abuta'i tu'anta biro tiharo , "Taba'e ti uatabaraibo." ³¹ Bira kai'a bainti bira tibami , "Are tabera'e airu baainti nahenti ai ututema bariabo , "are tiha tauka'e ti uatabarobe tiarao." ³² Ihuba nai aumanto rantake tabareba , taba'e bira uatabaraina . ³³ Bi nahentiba nana hika'e nai'a obarai'ira tabero , biba etakero oraha rantu'abira . Biba Ihura abu'ata hi'iriro eka u'a uba tiba mura . ³⁴ Ihuba bira tiba miro tiharo , "Ti raburao nena muntuka mara'ura utu'arabama nina ko'e ma kaibo. Are ko'e auha batakerabuane , ekara bata aihabano tai'abuanarobe ." ³⁵ Ihuhba uba tibaumanta hinikiaka mono naabu'ira iata baainti aniaka, tiha, "Ai rabura bano utuma bibo. Kia Ihura maara amiane?" ³⁶ Bika kia taba raiti Ihuba bi ubara kia'e iribi ti , biba mono nabu'ira iata baainti tiba miro tiharo , "Kia are etane . Muntuka mara'ura utuane . ³⁷ Biba tiharo kia hinikia baainti nahentika ti abatate tiro , Pitaba j Iemisiba , Ioniba Iemisira atabakara bika'ima ti abatebarabe . ³⁸ Bika mono naabu'ira iatabaainti otu tababaro baainti nahenti nabe ra'i tibake i'irate baubaro . ³⁹ Biba naabu'i oru etero , biba minti tibakero bika tiba nimiro tiharo , "Ne nana nana harae norai ake irihae i'iratebariabo? bainti bano kiama utubio , a'i baitateroma baibo. ⁴⁰ Bika birara narahubaro . Ihuba eka bika baha'aini bare bebabakero , biba bainti orabata nora taukae bira'i bariaka bata titakero bainti batara'i oru etora . ⁴¹ Ihuba bainti kau'u uatabarero tiharo ,"Talita Koum!" bi ubara tu'antaketiha , "Ina nahenti bainti baubo , himpuane " ariarama turo . ⁴² Totara bainti bano himpiro anira . [bira nanara'e biba 12 nabu ihi baroba] Totara bainti nahenti uri himpi bo'amake uahara . ⁴³ Ihuba kempukai amaikero bika tiba nimiro tiharo, kia kaira hinikiaka bata iriate . Nantiara Ihuba bika tiba nimiro tiharo , kara amibo bainti bano naire tiro .