¹ Ihuba airu baainti nahenti namai aubahini ani ruba uka tiba nimireba auti baura. Biba botu bi'i oru obiro, biba baainti nahenti tiba nimi baumanta bika bira uba iri baura. ² Ihuba airu uba tu'anta kero baainti nahenti tiba nimiharo tiharo, maa bi ubara nana uba'e baibo. ⁴ Biba kubuka naubu kubu bira utiharo, hini kubu kaibaro aara'a hi'iri bi baro antau bano ani namai kaira. ⁵ Hini kubu kanaubu ori bata'a hi'iri raba biba kia ko'emake tuataibo? ⁷ Hini kubu kaunaubu bano ora ahaka abutana a'ubiraba kia umpi'a narobe. Nanare ora ahaka bano bira arukai baro biba kia karabata iranarobe. ⁸ Hini kubu taba bano ko'e bata'a a'ubiba biba ko'e tabama ira narobe. Hini bano 30 irairaro, hini bano 60 irairaro, hini bano 100 ira narobe. ⁹ Ihuba tiharo, taba'e aatto batairaba ko'e makera iriane? ¹⁰ Ihuba bira'a baumanta, baainti nahenti bata, bira kai'a baainti bata anire bira ireha tiha, are nana okarara'e maa bi ubara tiara'o. ¹¹ Biba bika tiba nimiharo tiharo, Ne heka Nora Kotira kuke'ara irira haika Kotira batukai bai haikara ne ho barabo, taa baainti nahentike bika baha aini bakiaka bika ama, maa bi ubaba anibo. ¹² Ne tabe, ho tabema Kia tababo, Kia tababo, no iri ho irima Kia kanko'i. Noraini anibaro Biba no kumi hi' ama kanaro. ¹³ Biba bika tiba nimiharo tiharo, ne Kia ma bi ubara okara kanko make iriabo, ho ne hini uba taba kiama ho iri kanko'i barabe. v 14 Baainti bano naho kai'a bare haro, Kara uti bairaba Biba baireba, Baainti bo bano Nora uba utibai baaintira bo' arama baibo. ¹⁵ Katari taba bano aarana a'ubiro baira bo ara, Nora uba bano Baainti nahenti i'ata'i o'ubiro baire tibaro, bana noru'ara bano ani bika ihairo bara aini kaira. ¹⁶ Katari taba bano Ori bata'a a' ubiro baira bira bo' arama Nora Kotira uba baainti nahenti bara reka uahara. ¹⁷ Bika Kia Katari tu'a bano bata'i tuatai Nara bo' ara baibaro, mara bano animanta bika eka hi' iribi buara. Hini Katari taba bano hi'iri reba biba ora hika bano baira bira' i a'ubira bo'ara bika Nora Kotira uba iriha bata, ¹⁹ bika norai' ake Abu ato utu'i biha nai ora onana Batara bata nai nora autu barera birara iriha bika Nora uba birabara bataini'a kabaro bi Kia ho Kara taba iranaro. ²⁰ Nantiara Katari taba ko'e bata'a hi'iri raba Biba ko' e Katari taba iranaro. Bira bo'ara Baainti nahenti Nora uba irika bika ko' e karama irebara. Hini bano 30 irairo, hini bano 60 irairo, hini bano 100 iranaro. ²¹ Ihuba bika tiba nimiharo tiharo, ne oba umpi bare naabu oriete no buru tainta baitaira bira'ie batabo? Ho Kia ne bare buru oba batebai kabu'a bira ama bate bara. ²² Nanare Kia bo haika kuke abiro bairaba Biba kuke anaro, eka haika bano o' aama baria narora. ²³ Baainti bano ato bairera, ma bi ubara ko'e makera iriane? ²⁴ Biba bika tiba nimiharo ,tiharo, ho ato batera iriane Nana na'e Noraini aniraro, Nora bano boha ara makero tinta nabuni ania naro. ²⁵ Nanare, ti Baainti nahenti tibe ho'a makero bataira'a ho bi aama bika aba' ake ami bara. Taba'e kia ho'a makero batainara, bika biraihai a'irama bara kebara. ²⁶ Biba e'abata minti tiba kero tiro, Nora kotira batuka bano baireba mintia kero baibo, bainti bo bano kubu kanaubu bata'i utireba auti baira bo'ara. ²⁷ Biba enta'i baitero himpi to'a'i taibai baro, heka bi kubu kaunau buba umpi'abira. ²⁸ Kubu kanau bubano bata bira'i umpi'a biro, biba ko'e mare bata, ko'e karabata amiraro biba ko'emake ampi'arire. ²⁹ Kubu kanaubu bano biba a'uta bibaro naho oba nai paipe bara kairo tubu kubu kanaubu bira heno abira te'akero baranaro. ³⁰ biba e'aa tiba nimiro, nana haika'e tenabu Nora Kotira, bira batukara ti'arirara irinarobe? ³¹ Biba baireba ho inara kubu kanaubu boru bata'i ututa kubu kanaubura bo'ara baibo. ³² Kubu kanaubu bira airu kaara batai baro antau bano ani bira'i nabu ka'eha baura. ³³ Ihuba bika oraa uba tu'antakero bika nimira, bika ko'emake Kotira uba bira iriate. ³⁴ Heka uba tu'anta kero bataira bika heka tiba nimiru, bibabata nai kai'a bainti nabubata bitabarero buru bika heka kanko makero bi ubara tu'antakero tiba nimura. ³⁵ Bi entara entaara haikabano anibaro, Ihuba nai kai'a bainti nabu tiba nimiharo tiharo, Ho ani'e tenabu namai hini bantaraini buare. ³⁶ Minti tumanta, bika Ihura bitabare bainti nahenti bira'a ruba'uka a'ira minike bika botu bo'i barire bika namai hini bantaraini bumanta hini botu bata bika abatabare bura. ³⁷ Bika abu bira'a bibau baro, nora ubai utiro, bika bu'a botura'i namai bano pi'aira. ³⁸ Ihuba botu bira'i baita bimanta, bira kai'a bainti ani bira baura'eha tiha, Nora baubo, tenabu utirerama autibauro. Are ho'e tinabu tabehara kaho inarabe? ³⁹ Ihuba bira ihairo himpiro, biba ubaibata, namaibata atiharo tiharo, hai nehanta ho'e iha'abi baibara. Biba minti tubaro, ubaibano bata namaibano bata bira uba iri, bikahanta iha'amabi baura. ⁴⁰ Ihuba nai kai'a bainti nabu tu'anta biro bika tiba nimiharo tiharo, Ne nanare ete bariabo? Ne kia'e ti'a muntuka mara'ura ututabo? ⁴¹ Bira kai'a bainti bika eteha, bika nariara nariara tiha, ike maa baintira tarabe? Nanara'e, ubaibano bata namaibano bata biba uba tira iriabo?