¹ Ihuba mono naabu'i ori,etero baainti kau,u utubira tabaibaro biba o'ubi bira'i baura . ² Hini baainti bika bira'a abubate , Ihuba ho'e aurara baira'a bira ho'akano . Bika bira ko ami a'arara rantara . ³ Ihuba kau'u utubi baintira tiba amiro "Himpuane , baainti abutana." ⁴ Naantiara biba baainti nahenti irama nimitero , tiharo . "Bira aituarae baibo , ko'e rae baibo aurara baira'a mintiana orai'ake aru utueke"? Bika ki'a uba tura ⁵ Ihuba arara itara hika bata kero bika aitu iro e'a biba bikara aurihitora ,nanara'e bika auhabano tintabura . Mintibo biba bibaaintiara tiba amiro , nena kau'u tutuaane , bi baintiba kau'u tutukaibo I huba ho'ama amitaira. ⁶ Mintu manta Parisi bira taabe , bika totara Herotiba inaini bura , bika buru uba tiba rumpake Ihura aari reka tura . ⁷ Bira nantiara , Ihuba nai kai'a baainti hampata namai aba hatara bura . Airu Kariri batana bata Iudia batanabata . ⁸ Ierusarem , Itumia Iotan , atarero Taia bata Saitan batana bira abatabare bura . Airu taha bika Ihuba nanahika mintura iri bika bira'i ani'ara . ⁹ Ihuba nai kai'a baainti tiba nimiro , tiharo botu hena'a timita te , nanarae airu baainti ti tabareka aniabo . Nai'a nai'a maabi ti be'e borabe . ¹⁰ Biba airu baainti nahenti ho'ama nimitora . ¹¹ Aiho bano bira taabero , bika bira abu'a rupitaitabi naberai tibake tiha , are Kotira ma'u banobe . ¹² Iabo biba kempukai akero tiharo ki'a tiba o'ai'iate . ¹³ Biba ai'ina orubiharo , nai antu'a batoka aromanta bika bibinaini aniara . ¹⁴ Bira'a biba "12"nabu kai'a baainti bitora. Biba bika barakaira buru ko'e uba tibanimira . ¹⁵ Bika kempuka bata nimiro ora kai'a aihora atitakora . ¹⁶ Kai'a bainti 12nabu nai kamata'ira Saimonra , Pitarabe turo autu amura .' ¹⁷ Iemisira Sebetira ma'u , Ionira Iemisira , bira okara maintima bairo , naaruba takiro maa'ube '. ¹⁸ Enturura , Piripira , Bataromira , Matiura , Tomasira , Iemisira Aripusira maa'u Tatiusira , Serotira betiro , ¹⁹ e'a Iutas Iskariotora Ihura nabutai ika kau'i kaina . ²⁰ Nantiara anirantero naabu'i bumanta , airu bainti naahenti e'a ruba umabura , bika airu taha umanta kia ho kara ne batukara buara . ²¹ Mintumanta bira noka oka atabakaka bira'i bika bira bitakareka buaka , bika tiha , " Bira irirahika bano hampi aura ama bibo " ²² Mintimanta ro araruaka Ieruharemi hai tubuaka tiha , bersibur bama bira bitai bo , ora aiho iata baintibano bira a'ini atita kaibo . ²³ Ihuba bika ara bibikero tuantara uba bika'i tura . " Nantiakero saataba satara atitaka narobe ?" ²⁴ Bo batukano abuta ahairo tu'abu taara'a biro , nariara nariara nabuta'i taarahairo , bi batukaba kiama kempukai akero himpuano . ²⁵ Boha naabu'i hairo tu'abu taraha'aibina , bina buba kiama ho himpuana robe . ²⁶ Sataba himpiro nai'ira tu'abinara , kiama ho himpuano ekarama tai'anaro. ²⁷ Kia bobano kempuka bainti naabu'i ho ori'etero bira onana baranara , Abuni bira ai'u kau'u rumpatero biba ina haikara barenara . ²⁸ U'ai akema , te ni tiba nimuro , eka baainti nahenti kumi okara mintiaka bata kotirara turo , ara uba tika , Kotiba bika kumi okara tutama nimitarobe . ²⁹ Taba'e kia rupintira Aiho turo arairaba , Kotiba kiama ho bika ba'u haika tuta nimi tana robe . bika kumi bano airu enta airu enta ma baria naro . ³⁰ Ihuba bi ubara tura , bira nanara'e baainti bika tiha , "Biba ki'a ko'e aiho bano bira'i bai babe . ³¹ Minti manta bira noba bata bira atabakauka ani baha 'aini bariara . Baainti bo tiba ami , oru bira arai bo bebaraira . ³² Airu baainti nahenti bika o'ubi Ihura uturanta baro bika bira tiba ami tiha , "Ai noba bata ai atabakuka ai tabareka ani baha'ai bariabo ." ³³ Taba'e ," ti noba bata ti atabakaukabe ?" ³⁴ Biba aitu'ua buru biri taukae bira uturantabi o'ubi bariakara tiharo , "taabate , ma birama tinoba bata ti atabakaukabe . ³⁵ U 'ai'amakema turo , taba'e Kotira , antu'a abatairaba bi baainti nahentika bika ti atabaka , aura naka , nokabarabe."