¹ Bientara baainti nahenti kia karabata nobaro, Ihuba nai kamato baaintika irero tiharo, ² bi baainti nahentika kia kara bata naraiti a'ima ti abata'i ani bariabo, te bikara umpo amuro. ³ Te bika nihiteha tiha nenta maa'a buate tiai, hini baainti aaranama buakata bibarave, nanare bokiaka niaraihai aniakabe. ⁴ Nai kamatai baaintika Ihura ireha tiha taihai'e pareti barake ma bika nimirabe, ahara bata kia kara bainainima bauro. ⁵ Ihuba bika irero tiharo, "ne nantuma bareti-e batabo?" Bika Ihura tibamiha tiha 7 nabube. ⁶ Biba norai amakero tiharo,eka bainti naenti o'ubuate Ihuba bareti 7 nabu barakero Kotira ko'erave tiharo bareti kuikero nai kamatai baaintika nimi manta bika eka baainti nahentinimarabe. ⁷ Bika habuka hinikira bare bura Ihura amiabaro Koti rara ko'erave tibakero nai kamatai nabuara norai amakero timanta bika bare eka baainti nahenti nimurama. ⁸ Bika auhabano pi'abimanta inikira kia narabe,a-i baubaro tanu 7 nabu a-i bairabe. ⁹ 4 Tausen baainti nahenti amiarabe,Ihubabika nai ma'a atitairabe. ¹⁰ Totara bata nai pana bainti nabu batakero botu-i barirero Damanuta bataini burama. ¹¹ Parisi batanaka bira'a anire Ihura batake uba i'oka bara'i biha bika Ihura ireha tiha,hoe are naru bai haina ahuba okara autinarabe tiabo? ¹² Ihuba ana kempukai'ira nai aiho baainti'i barero tiharo,nanarae ma entara'a haina baainti nahenti bi ahuba okarara irabo. Te u'a ubama ni tibanimuro kiama ahuba okara baainti nahenti bi entara amianaro. ¹³ Mitubaro biba baainti nahenti a'irakero botui barirero baruba hinibantaraini ta'ora. ¹⁴ Naikamatai baaintika tauru'amake bareti kia botu'i bare bura . ¹⁵ Herotira una uba bata,Parisi baainti una ubarabata rarukaate. ¹⁶ Ihuba nai kamatai baaintika baiha nai abutana tiha tenabu nanare kia pareti batauro. ¹⁷ Ihuba bika tiara baka iriro bikara tiharo ,nantimantae ne paretiara tibariabo? Ne kiae ko'e make iriabo? Ne irihae? Ni auhabano tintaebiro? ¹⁸ Ai abu baibama,kiama tabera? Ai aato baibama kia irira? Are kiae anirantera irira? ¹⁹ Te bientara 5 ooo bainti nahenti abutana pareti kui'una nantuma tanue pi'a kabo? Bika tiha 12 nabube. ²⁰ Te bi entara pareti 7 nabu 4 000 baainti nahenti abutana rairaunara nantuma tanue pi' akabo? Bika tiha 7 nabube. ²¹ Ne ekaa kiae iri tababo. ²² Bika Betsaitaini aniabaro baainti nahenti Ihura irama amite hoe are abu impabi baaintira ku'u enabe. ²³ Ihuba abu impabi baintira oru uata barero bira abu'i tara bihikero bira irero tiharo, are ho'e eka haika tabaro? ²⁴ Bi baintira abu rampai bibo burubi tabero tiharo, bainti nahenti katari bo'ara bi ania bo. ²⁵ Minti tibaro Ihuba kau'u bira abu'i bataibo biba eka haika ko'emake tabora. ²⁶ Bira'a hairo Ihuba ma'a atitakero tiharo, kiama tauni'i buane. ²⁷ Ihuba nai panabainti nabu batakero eka Siseria Piripi batukaini bura-aara abuta biharo, nai panabainti ira nimitero tiharo, bainti nahenti tiriara tarabe tiabo? ²⁸ Bika anirante tiha, Ioniba namai a'unimite bai babe, hini kiaka tiha Ilaisarabe, hini kiaka tiha poropeti be. ²⁹ Ihuba bika irero tiharo, nebo tiriara tarabe tibo? Pitaba tiharo, are Karaisi babe. ³⁰ Ihuba bika tiba nimiro tiharo,kia hini kiaka baintika tiba nimiate. ³¹ Ihuba bika tiba nimiharo tiharo, Bainti Ma'u bano airu aihabira baranobe. Iata bainti bata, Iata ra'ikira baintibata, Irira haika baata bainti bika bira arukaibo taaramo enta utubi bairo a'i himpua narobe. ³² Ihuba nai utuaina o'a tibaro, Pitaba bira bita babi aubahini kero atura. ³³ Ihuba nai pana bainti nabu bata aitu'i kero Pitara tiharo, Sata'o are ti tauba'aini aitara ne! Are kiama Kotira'a abuato utuaro ai abuato bano bainti nahenti ana rairabe. ³⁴ Mintia kero bainti nahenti bata nai pana baintinabu bata nara makero tiharo, taa baintiba ti abata riraba nariara tauru'ama kero nai maripo barero ma ti abatarire. ³⁵ Tabe nai muntuka mara'ura raba'abiraba tai'a narobe. Tabe nai muntuka mara'ura ti autu'a bata ko'e bakaka'a kara bama a'i baria narobe. ³⁶ Nantua kero'e baintibano eka haika bataini bare baiba nai muntuka mara'ura kakakia naro. ³⁷ Ta bainti bae nora ko'a amiharo nai muntuka mara'ura baranaro.