¹ To'a tabaara, maara okara tibariaka, iata bainti buka uba uataaka Iutabatake Ihura bitabare Paratira buru ami. ² Paratiba Ihura irero tiharo, Are Iuta abuhaina babe? Tubaro, Ihuba tiharo, "Ne nenta birama tiabo." ³ Iuta abuhaina bainti Ihura' a airu uba bira tiba mitara. ⁴ Pairatiba Ihura irero tiharo, are uba tinarae kia'e tinara? Tabera'e ariara ora uba ai'ata tibariara. ⁵ Ihuba a'i kia uba tubaro, Pairatiba airu abuaato utibaura. ⁶ Noora Kara no entara bainti nahenti noo Pairaatiba bare haro karapuhi'i bainti tutebaura. Karapuhi bika ti'aira baaintira. ⁷ Noo rauhebariaka bata bainti aru u tibariaka tabarai bira autu Barabasirabe. ⁸ Noora bainti nahenti Paraatira biri tiba ami tiha, haaru inantema iane tubaro, ⁹ Pairaatiba tiharo, ni antu'a bano Iuta kinirae ninta nimirara? ¹⁰ Biba taberoma mara okara tibariaka Ihura bitabare biri amura. ¹¹ Maara okara tibariaka bainti nahentiara tibaro Barabasira kubantu karire. ¹² Paraatiba tibanimiro tiharo,Iuta kinirara tebo nantie irara? ¹³ Bika ai'a Nora naberai bate tiha, ¹⁴ Paraatiba bika tibanimiro tiharo, biba nana ora okarae mintiro? Bika ai'a naberai tiha, Ihura katari'a hiriate tura. ¹⁵ Pairaatiba bainti nahenti tabe uahate tiro Barabasira barabeba Kora. Ihura i'oka bainti ahi barakobaro, Pairaatiba tiharo,bitabare buru katari'a hiriate. ¹⁶ I'oka bainti nabu Ihura bitabare kamanira nabu'i ori'etomana airu i'oka bainti abatabare ori'etora. ¹⁷ Bika bukai tabuna nonku amite au'ubai ,na'untara iatana kinibe tibake amitora. ¹⁸ Bika Ihura kau'u a'uamiteha naberai'amakeha tiha,Iuta kinibe! ¹⁹ Bika bira iataata ru'uti, taara bihi amite, tori kauru areha karana'a amiteha una'arake bira tuahere bariara. ²⁰ Ihura karaana amite, naare tabuna bi uke nai'ura bukai tabuna autu amite ho aruke hirireka bitabare bura. ²¹ Bainti bo tiba ami tiha Ihura maripo a'ubarera buru amia ne ti. Bainti bira autu Saimonira, Sairini batuka iraba Aleksentaka Rupusika oba. ²² I'oka bainti Ihura bita bare Kolkota ai'ina'a buruke. Bi ubara okara " Iata Buhari'a." ²³ Bika waini namai'i uhi tuantake amubaro kia biba bira naira. ²⁴ Ihura katari'a hiritora naantira, bira tabuna rapepamake saatu ruhareka bohaanta bohaanta barora. ²⁵ To'a'i bika Ihura katari'a buru hiritora. ²⁶ Boo uba ararubake katari'a Ihurara tiha, "Iuta Kinirabe." ²⁷ Ihura batake muara bainti taara anta hiritora, kau'u tanarai bora kaataini bora. ^{28 29} Aarana bianibauka bira karanaa amite, Ikee! Are tiahara ti maara naabu rakabuke taaramo enta ka'atairabe tiarabe. ³⁰ Katari'a haira nena kaho'ira bataini tubuana. ³¹ Mintia kero maara okara tibariaka bata buka uba uatakara bata karana amite tiha, biba boka'ai kaho'i baibama nantibaro'e nai kia kaho'iro. ³² A'ikaibo Karaisiba Isareri Kiniba kataria ahairo tubi'e tabe terenabu bata u'abe tiare. Muara bainti taurau katari'a hiritoka bika bata karana amitora. ³³ Kara ne bai kuari abu'a konkira bano eka batamata a'u raba abu biro kuari abu bitini a'ubura. ³⁴ Bitini a'ububaro, Ihuba nora naberai tiharo, "Eli Eli lema Sabatani? Bi ubara okara baireba "Ti'o Ti'o are nantibara'e ti tauba'a utu timiaro? ³⁵ Bainti bokiaka bira'a bauka bi ubara iri tiha,"Tabate" biba poropeti Ilaisarama araibo. ³⁶ Bainti bo bano kantero kaabu bukai'a hunkabu namaira unta barero Ihura nona biri bate tiha, bai'e nabu tabare, Elaisaba ani bira kaho'ianaro'e. ³⁷ Bira naatiara, Ihuba nora naberai tibakero utuabura. ³⁸ Maara naabu'i tabuna hiritoba bihairo unahibarero miani muntubi taaru'i bura. ³⁹ I'oka bainti'a ra'ikuba tabobaro Ihura utirai haika bano mintu baro bika tiha,"U'aa u'aama, maa baintira Kotira maa'ube." ⁴⁰ Bira'a nahenti boonabu niaranto himpi baiha aitu'ibaura.Mary Maktaraba, Mariaba Iemisira, Iosira, saromera nooba bata himpite baura. ⁴¹ Biba Galilini baumanta nahenti bika ko'e okara umi'e bauka nahenti bokuka Ierusaremini abatabare buka bata. ⁴² Eromanta, aurara baria entaba anireba heno'ura. ⁴³ Arimatea hainaba Iohepiba No'ara ko'e entara bekai ibauba. Biba Ihura baata barareba Pairetira oru irora. ⁴⁴ Ihuba utububaro Pairetiba iriro rantu'a bibo biba i'oka bainti ra'ikura irero u'ae Ihuba utibo? ⁴⁵ Pairetiba Ihuba utubi ubara iriro, Ihuba baata Iohepira Arimatea hainara amura. ⁴⁶ Iohepiba tabuna ko'a barero Ihura baata katari'a hairo bu'ukero kapu'akero, ori araaka baurutora'i batora.Biba noora ori ohai matipa noo tintatora. ⁴⁷ Ihura untamatora Iohepira noba bata Mektareniba bata tabora.