¹ Aurara enta aitaraibo , Meri Maktaraba bata Meriba Iemisira noba bata Saromeba bata Ihura aaraka bahabera unta baira ko'amake bira baata'a aumitareka aniara . ² Abuhaina enta bi wikira'i to'a tabara himpi bateni kuari urimanta bira untamatanai buara . ³ Bika nai nai aaranaini aniha tiba amiha tiha ," tabae bira a'ute orira baraka narobe?" ⁴ Bu tababo ori a'utaba kia bira ata bairabe , bi orira nora oribe . ⁵ Bika bira untata ori kara'i ori ete tababaro baaintibano kau'u taara bantaraini hanta utaba'a ankutero baibo , bika oraha rantu'a buara . ⁶ Biba bika tiba nimiharo , "Kia rantu'ate . Ihurama rantabo , bi baaintira aruke maripo'a hirita baaintiba . Himpibo! Kiama biba ma'i baibo . Tabata bira untara'i ki'a baibo . ⁷ Ne bi , bira pana baainti tiba nimiha Pitarabata tiba amiate . Kariri atama oru barianarob , haru ni tiba niminte ." ⁸ Bika untatara ihai kante aitare uahara . Kia baainti boru bata tiba nimiara oraha etara . ⁹ Abuhaina enta bi wiki'ira , Ihuba to'a tabara utira'ihairo himpiro birabe , Meri Maktaraba haaru 7 nabu ora aiho a'ini barakai nahenti ba bu tibanimiro . ¹⁰ Bika nabu'i baiha ora abu aato iriha i'irate bariabo bi nahentiba bu tiba nimirabe . ¹¹ Bu tiba nimiro tiharo , Ihuba himpibo timanta , bika bira uba iri kia maraura utuarama . ¹² Bira ahairo Ihuba bo baata ku'ubiro baainti taara abu'a obariro , bika bo batuka birekahanta buabaro . ¹³ Bikahanta kante bu bira pana baainti tibamiara , bika kia mara'ura utu'arama . ¹⁴ Ihuba nantiarama bira pana baainti'a obariro tabaibo bika tainta'a o'ubi bariabo , biba tiba nimiharo ne kia ho'ake mara'ura ti'ata batabo ti tabaka bata biri tia iri kia abu aato mara ura utuabo . ¹⁵ Ihuba tiba nimiro tiharo , "Ne bi eka bata mata bariaka ma bi ubara tiba nimiate. ¹⁶ Taaba bi ubara iriro abu aato mara'ura utiraba bira autu'a namari bareraba ko'emabi bainara , taba are ki'a mara'ura utiraba ma batara'ama tai'ena ¹⁷ Bi entara ti'a mara'ura utika homa ora aiho autu'a barakeba . Bika aaraka uba'ihaima ubatiba . ¹⁸ Bika memaru kau'u no haima u'atabarema , ora nama'i bata ne kiama bika orai'akanaro. Bika robara baraka atama kau'u bate nunamu tira bika robaranora tai'anaro ." ¹⁹ Ihuba Norabano minti tiro tiba nimura , biba narubaini Kotira kau'u tanaraini oru o'ubura . ²⁰ Pana baainti bira iri eka bata mata bi Kotira uba baainti nahenti tiba nimura , Ihuba nai baiharo kempuka nimiro mintike baarate tinte