¹ Tara enta bai nora no kaha umate baura bata bareti na entara ruba'ura. Iata baainti bata Ro mintiaka uba tiba tatauri Ihura ua'tabare arukareka. ² Bika tiha, "kiama nora ruba'abi kuari abu'a obarai 'ia nobe, baainti nahenti kiama nai abutana ra'i tiroriba." ³ Ihuba Betani Saimonira reprosi aiha baira nabu'i aana bare haro tainta'a baibo, bo nahenti bano bahabera Nora koa'a baira bare bibinai aniro, Bahabera ta'u abu antua kero Ihura baari iatata ihia amitora. ⁴ Mintumanta hinikika arara iteha nai abutana tiha, "Nana okara baibo bi nahentiba umina bahabera ihiaraibo?" ⁵ Bi bahaberara nimiha 300 ko'a barake behi baainti nahenti nimia tarama nantiara bika tauba'a uba bi nahentira tiara. ⁶ Ihuba bika tiba nimiro, "Ne a'ira bira ka'te . nanti'e bi nahenti rara tibariabo? Biba ko'e okarama mintibo. ⁷ Eka anta behi baria baainti nahentika ni hampata bariabo , ta enta ra'e ne bika kaha'i ko'ema nimitabo? ⁸ Ma nahentiba nanahika ho mintia inaa mintibo, biba ti bahabera a'utimitaira te utu aina kubaibo. ⁹ U'ai amakema te ni tiba nimuro , hanto batanae bika ko'e uba tiba o'ai amake bi okarara nahenti bano mintira bika iribara. ¹⁰ Iutasi Ikariotiba pana baainti 12 nabu hairo Ihura tauba'a utu amiro , Iata baainti ra'iki rauka ianaini Ihura nimireba bura. ¹¹ Iata baainti ra'iki rauka , Iutasiba tira iri uahe mone amireka tiba amura. ¹² Abuhaina enta bareti ki'a bohika u'ike na entaba bata sipisipi uara aruke atarakai opara ,mintireka , pana baainti Ihura tiba ami "Tainie tenabu oru ruba amabi ne karara bata atarakai karara hena'irabe?" ¹³ Ihuba nai pana baainti taarau tiba nimiro ,"Ne nora tauni'i buate baainti bobanora nama'i ta'u a'ubarero ainima tabanaro . Mintira ne birama abata bare buate. ¹⁴ Hanto naabu'ie ori etaina , ne bira abatabare bira'i ori etate, naabu ora tiba ami tiha, 'tinabu tisaba mintima tibo ," Ti rumu tai'e baibo te tenta pana baainti hampata aatarai karara nainara?"' ¹⁵ Bi baaintiba nora rumu benta ata era matainama ni numi anaro ." ne bira aatarai karara nainarara heno iate . ¹⁶ Pana baainti batuka baura a'irake bika nora tauni'i bura. Oru bika eka hika tababo Ihuba tiba niminte ke baura ,bika aatarako karara hena'ura. ¹⁷ Kuari abu bibo , Ihuba nai pana baainti 12 nabu batakero anur. Ani o'ubi tinta'a kara ne bariabo , Ihuba bika tiba nimiro tiharo, " U'aiakema ni tiba nimuro ni ihairo bobano ti batakero karane baira biba ti naabuta kau'u'i bata narobe." ¹⁹ Eka auhano aurihi tomanta , bohau bohau pana baainti tiha," ki'a te'aube ?" ²⁰ Ihuba bika uba ani rantero tiba nimiro tiharo, "12 nabu pana baainti niihairo bobanoma mintianarobe , tabae bareti ti batakero tanu'i nairababe. ²¹ Baainti ma'u bika naabuta kau'u'i nimibarabe , bira Kotira uba banora tintemake . Imanta te bo amakema umpo uro taba'e baainti maa'u naabuta kau'uni nimiara! Bo'abata ko'era bi baaintira bira noba kia bata tarama. ²² Bika kara neha bariabo Ihuba bareti , bo barakero ku'i ina inakero , biba bohau , bohau pana baainti nimiro , Ihuba bikara tiharo , "Ti baatama bareti ." ²³ Biba kaapu bakero Kotirara ko'ebe tiro bira bata nimumanta bira naara. ²⁴ Ihuba minti tibakero bika tiba nimura, ma ti naarebe tiba taunabe, binaareba niaara bata airu baainti nahentiara raurirabe. ²⁵ Te u'ai amakema turo ma waini katari taabara'a aututa namaira kiama narabe , ani rante bi entara ani'e Kotira ti ora batuka'i oru narabe." ²⁶ Bika i'hi bo tibake anirante Oripi ai'ina bura. ²⁷ Ihuba tibanimiro ,"eka ne hi'irima bibarabe ara tanu'i araru'a tairabe. 'Te uara natiarai kiaka oi'a nimitari uara naati ekama hampiauri biba.' ²⁸ Te nantiara utubuaina iha'i himpi, Kariri'ima ni tabara" ²⁹ Pitaba tibamiro tiharo , bika hi'iribi'e te kiama hi'irirabe." ³⁰ Ihuba tiharo , "u'a ubama ai tibamuro, u'abe ma entara'i kokorara bano taaratata uba tira , ki'a tabauna baainti rabe tira , ti unahama taara mo tata tinabe." ³¹ Pitaba tiharo, te kiama ai a'ikarabe , te ai batakema utirabe. Kiama te ai una tira ." Eka boha'ai uba Ihura tiba amura. ³² Ketsamanibe ti'a batuka'i, anintobaro Ihuba nai pana baainti tiba nimiro , " Ne maa'a bai'e te bu nunamu tirebe." ³³ Biba Pitara , Ionira, Iemisira bitakero biro norai akero iri orai'iro. ³⁴ Ti mara'ura bano bo'akero umpo'ibo te utuaina orara'i timitabo. Ne ma'a baiha ra'ikiha nunamu tiha bariate.'' ³⁵ Ihuba bo'a bata butunto biro , bataini hi'iriro biba nunamu tira, bate ma kuari abuba ti atara'ire. ³⁶ Biba tiharo, "Koti'i Ti'o , eka hika ai'i ho'a biroma baibo . Are maa kaapura ti ihaira a'ini barakane. Nena antu'a abatane, ki'a ti antu abe." ³⁷ Biba anirantero ani tabaibo bika a'i ai baite bariabo , Pitara tiharo ,"Saimoni'o, are baitate bariaro? Are ho'e bo kuari abu ata himpi baiha ra'ikiha tabena? ³⁸ Ne raki'iha nunamu iha ki'a ora aara'i a'ubuate. Mara ura baainti ba uahai boma baata mahabama kia uahero." ⁴⁰ Biba ani rante ani tabaibo , bika a'i ai baite bariabo , bika taunteha ki'a bo ubabata bira tiba mi'ara. ⁴¹ Biba taarau bohau e'a aniro bika tiba nimiharo, "Ne a'i ie baite bariabo? Hobe! Bi entaraba anibo. Tabate baainti maau kumi baainti kau'ui amirekabe. ⁴² Himpuate '. Himpi'e nabu buare. Tabate, baainti ti bitakero naabuta kau'u'i amireka aniabo." ⁴³ Ihuba uba ti baibo, Iutasiba, bibabata pana baainti bika iraba ani rero, orautaha baainti bira abatare ani, bika hintutirauka bata mono nabu'i iata i'aka bata airu baainti buka uba abate bariaka , Bika i'oka paipe bata i'oka irahika bata uatabare aniarabe. ⁴⁴ Baainti tabae Ihura naabuta kau'ui ami'airaba , biba minti tibakero tibanimiro, "Tara'e te mo'a'kauna bi baaitirama ne uatabare bitabare buate." ⁴⁵ Iutasiba bira'a ani raibaro , Ihura ani tabero tiharo Nora'o tibakero bira mo'akero. ⁴⁶ Minti manta bika kau'u a'uke bateteake bita bare buara. ⁴⁷ Bo baainti bano bika hampata himpiba nai i'oka paipe a'ukero bo iata bainti kai'a baainti aato te'a kora. ⁴⁸ Ihuba bika tibanimiro,tiharo," ne muara baainti uatabararekara bo'arama paepe batake i'oka hika bare ani? ⁴⁹ Bibakaka te airu enta ni hampata baiha ko'e uba mara mono naabu'i tiba o'ai akaura ne kia ti uatara. Mitahaika bano obara biro Kotira uba ho amakaira ." ⁵⁰ Eka tauke Ihurabatake bariaka bira a'irake bibuara. ⁵¹ Ubaara baainti bobano bukai tabuna bira baata'a a'u amitaiba , Ihura abatabarero bibaro naabuta utubarara. ⁵² Biba nai bukai tabuna a'ini barakero apapa bibura. ⁵³ Bika Ihura bita bare iata baainti 'a buara. Eka iata baainti bata maara naabui ra'ikiaka, bata taukae buka uba'i bariaka bira batake ruba uabi bariara. ⁵⁴ Pitaba bira abata barero niaraini akero hini iata baaintiano baunaini oruntero , biba bika abuta'a o'ubiro iha taribaira. ⁵⁵ Bika iata baainti bata maimarara buka uba tibariaka nai una irirahika obaramake Ihura uba'a bate aru utukareka tibariara. Mintibaro kia bira'i u'a uba rantake tabara. ⁵⁶ Airu taha nai una uba nohai Ihura uba'a batareka tibariara, ibaro bika ubabano kia Ihura uba bo'ara. ⁵⁷ Bokiaka himpi una ara uba tibake bira uba'i bitabatareka imanta bika tiara, ⁵⁸ "Tenabu iruro biba tiho, 'Te maa naabura kau'unohai ka'ataira, tarai'a bohai'a atitara nantira te ka'aina naabura kia kau'uano kai'nantema buanaro."' ⁵⁹ Bika uba tiaba kia u'a uba tiarama. ⁶⁰ Iata baaintiano bika tabara hairo Ihura iramamitero, "Are kiama tinabu uba orurantera tiaro? Nanarae bi baaintika ai ko amireka?" ⁶¹ Mintibo biba nai no tinta tero kia bika uba ani rantero tiba nimira. Tarai'a bairo iata baintiano ai'a Ihura ira amitero tiho, "Are Ihubae aiho ibaira Ma'u banoe?" ⁶² Ihuba tiho, "Tere bikama.' are tabairo Baainti Ma'uvano nai ora kau'u tanarai o'ubiro tonabu'a bikantiro narubai hairo tubuanaro." ⁶³ Iata baaintibano utaba'a raperikero tiharo, " Tenabu a'ie rantake tabarara? ⁶⁴ Ai irirahikae nantia'e bairo?" Eka bika bira bara orai'amake bira orai'ibai baaintira bo'ara bika tiha birara utuai're ti. ⁶⁵ Hinikiaka taara bihi amite , biri rumpa mite bira bara orai amake tiha,"Poropeti!" tiane taba'e ai ru'utibo . Huru bataka bita buruke bira ru'uturama. ⁶⁶ Pitaba Iata baainti bariara mabinto'i baubaro, Iata baainti kai'a nahentiano anira. ⁶⁷ Biba tabobaro Pitaba iha tataa'a iha tariharo baura. Biba aumanto'a biro ko'emake Pitara tabero .Nantiara biba tiharo,"Are Nasareti baainti Ihura batakera bariarabe." ⁶⁸ Mintitibo Pitaba tiharo, kia te tabauro, biba mintitiro, kia te tabauro nanahikae are tibarianara. Nantiara biba a'irakero baha'a bebarora. ⁶⁹ Iata baainti kai'a nahentibano Pitara tabero baainti nahenti himpi bariaka tiba nimiro tiharo,"Maa baaintiba bata bika irarabe tiro!" ⁷⁰ Minti tubaro Pitaba anirantero tiharo , Ihurara tiara kia te tabaunarabe. Nantiara bo baainti bano bira'a Pita kanti baiba tiharo ,"U'ai'akera are maa bika irababe, nanarae are Karirini hainababe." ⁷¹ Mintibaro Pitaba nai barakero orai akero tiharo te kia bi baaintira ne tibariara tabaunabe:" ⁷² Kokorara bano totara tara taata uba tibo. Nantiara Pitaba nanahika'e Ihuba bira tiba mura irura."Nantiara kokorarabano tara taata uba tira are tiha kia te ai tabaunabe, taara tata bohau tatama minti tinabe ," Pitaba i'iratero nanarae biba uba rauhakora.