¹ La tapasila, tabarabaragu, amite vikara vagari veimulia muto oilo tela Uru Isus. mae ale eme abi la veimulila lomai tamiteu tela tulugaluga ale ge igo sagege e Deo, me oilo tela gauru alele tuga oata vola, la vuhula eme ge igo bibi molitia. ² Eme rovia mae la veimulila ale amite abiamu a loio tela Uru Isus. ³ Ale la masagala te Deo, la marokala, eme ge ba malau taro la vulovulo la hilo tavu la tavile eia kamakora, ⁴ Amuto tomi isasa rovi ale ge baumuli la vovola oilo la marokala mela tilogo, ⁵ Kama oilo la gilabulabu ale vagari tela masagala ale kamakora,( mae egite la Gentael ale kama rovi e Deo). ⁶ La tahalo isa umala ge igo la iruru ale ge viruru e tabarabarala oilo tela papaga aleie, la Uru ge viligi la tahalo oilo tela papaga aleie, mae moli ale amite mera taga tiamu amite vei palaea. ⁷ E Deo kama tola e tatou soilo teale kama maroka, ouka a soio tela marokala. ⁸ Oilo vola, la tahalo ale mukupile la paga aleie eia kama mukupile la tahalo,eia igoale Deo, eia moli abia muto la kalulu marokala tetala. ⁹ La mata mulila oilo tela masagale tabaramu, eme kati ge poutali lou isa ge kekesiamu, la vuhula e Deo vimari ti le eme la vulovulo la magasa le tabaramu, ¹⁰ Oilo vola, eme igo tia soio tegiteu tabarabara gatou ale oilo e Masedonia. alamoli amite tututolea muto,tame tabarabara ge igoa bibia. ¹¹ Amite vei muli tiamuto ge matamulia amuto ge pou taho, baumuli taho la igolula taume, eme ge igolula la limamu, mae ale amite vei vagari tiamu, ¹² La vuhula eme ge paki taho la tuluga oio tela mata giteu la mosi ila eme kati lou ge savelea isa la paga. ¹³ Ate kama masaga amuto ge pou me amuto kama ge rovia, barabaragu, la vuhula amuto umala ge oilo buruko mae egite ale isahari, ale kama tahoka la tautaulailo, ¹⁴ Amite tautaulailo via e Isus peho me eia hiliti rivu lou, me e Deo tamai ge abi e Isus vikapopo me egiteu ale isahari mavutati oilo tetala. ¹⁵ Oilo te aleie amite veia muto oilo tela merera te la Uru, mae etato ale soloio mahulihuli, etato ale pou rivu oilo tela bileula tela Uru, etato kama koramuli ge tuga mamuga tegiteu ale pehoti la mavutala. ¹⁶ La Uru sekela moli ge loata la ilo lalage. eia ge gomai vikapopo mela tilola, vikapopo mela golu la mulugaluga tegite la angelo, vikapopo mela vaivai te Deo, tio egite ale pehoti oilo te Kraist ge hiliti mamuga. ¹⁷ Goio etato ale soloio mahulihuli, ale piligi, e tato tomi ge hiliti soata la mori vikapopo me egiteu ge vipoga me la Uru oata la ba bubu moli. oio tela gauru alele etato ge pou tomi la Uru la tapasila ge oukati. ¹⁸ Oilo vola, vivagari amuto isasa oilo tela merera aleie.