¹ Ala tilimuli la imamala mela mahatati, tabarabaragu, akati koramuli lou viage kekesi lou amuto isa la paga. ² Eme sele lou rovi matata selea via la logo tela Uru eia loio le age mae la tahalo la pakalila tela logo. ³ La imala egite ge vei mago, " la tia madila mela galiau, " karutu moliti la tikumula gomai ge vikarutu egiteu, age mae sele la tavile ale savulatu gabu la iligiligi tela piligo. egite kama ge tahoka isa la gauru ale ge hele. ⁴ Alamoli amuto, tabarabaragu, amuto kati lou oilo tela maligoma via la haro alele ge polo pepe eme mae la tahalo la pakalila. ⁵ Amuto tomi e latatu la matagaga me e latatu la haro. etato kama e latatu la logo ouka e latatu la maligoma, ⁶ Ala mae, etato umala ge mavuta mae e gite ale isahari igotia. akama ge maele, etato ge mata rara mela iragila, ⁷ Egite ale mavuta ti ge igo taia maele tela logo, me egite ale liliu tai ge igo taia tela logo. ⁸ Alamoli mae etato tela haro, etato ge pou mela iragila tau la tautaulailo soata mela gilogo mae la galiu la magoro, la tautaulailo tela mahulila age mae e hati. ⁹ E Deo kama turi etatou via ge tela hatemasila, ouka e tato ge abi la mahulila loio la Uru gatou e Isus Kraist. ¹⁰ Eia moli male pehoti tegatou via, mae etato oio hagologolo ouka mavuta, etato ge mahuli vikapopo mele eia. ¹¹ Oilo vola vivagari amuto isasa vimagiri amutou soata, mae moli ale amuto oio igigoa le. ¹² Amite tahi amuto, tabarabaragu, via amuto ge gabu vauru egite ale igolu kabili tamutou me egite ale loata tamuto oilo tela Uru me egite ale vagarigari amuto, ¹³ Amite tahi amuto ge hilo egite soata oilo la gilogo la vuhula tela igolula tegiteu. la tia madila ge kabili tamutou. ¹⁴ Amite vivagari amutou, tabarabaragu, mera taga egite ale igo maraparapa, vikarara suku egite ale tuhamalulu, visuli egite ale maveve, hate tola kabili tegite tomi. ¹⁵ Mata mulia isa umala ge koli rivu ale kama kora ale kama kora soio tegite isasa. akama ge maele, tuhaka tavu ale tartigi kabili tamutou isasa me egite tomi. v16 ¹⁶ Sagege tela imala tomi, ¹⁷ Oilo tela papaga tomi abiala ale tartigi, Umala maila taro la kilaka. ¹⁸ Oilo tela papaga tomi vei taho eia, ale eia la masaga le Deo oilo te Kraist Isus taume. ¹⁹ Umala bilibili la kalulu maroka. ²⁰ Umala mukupilepile la merera la veilahala. ²¹ Amuto ge tovolai tomi la papaga tomi. la rova tartigi sautolea. ²² Ba malau taro tomi egiteu la papaga ale kama kokora. ²³ E Deo la tia madila ge igo me ge maroka viruru tomi. la kalulum tomi, la mahulimu, me la vovomu ge magiri maramara tela bileu la Uru gatou e Isus Kraist. ²⁴ La tahalo Uru ale tola eme eia tautaulailo, eia moli isa sekela ge igoa. ²⁵ Tabarabaragu, amuto ge kaka tai tamite. ²⁶ Amuto ge sage robo e tabarabara mutou mela piliu ale maroka. ²⁷ Eau abiamu loio tela Uru via eme ge gigi la galagala la buku ale soio tegite tabarabara gato tomi. ²⁸ La gilogo tela Uru gato e Isus Kraist ge vikapopo le amutou.