¹ Oilo vola, la imala amite kati koramuli sautola, amite gabutala via eia tartigi ge pou rivu moli omai e Aten. ² Amite bahataro e Timoti, e tabarabara mite oio tai amite vigolu vikapopo oilo te Deo oilo la lotu te Kraist, tela igo vagarila mela vimalmalu mutou oilo tela tautaulailo tamuto, ³ La vuhula isa umala ge boru oilo tela iligiligi aleie. amuto lou rovia oilo te aleie la Uru turi amiteu. ⁴ La selela, la imala amite vikapopo le amutou, amite vei laha tia muto mae amite hagavi ti ge goilo tela iligiligi,me eia sibitala sele, mae ale amuto rovia, ⁵ Ale la vuhula, ale eau kati koramuli ge sautolea, eau baha la vuhula eau masaga ge rovi la tautaulailo tamuto, karutu moliti la tahalo la tovolaila goio igo selea tovolai amutou. tio la igolula tamite eia la golu bulahu moliti. ⁶ Alamoli e Timoti loio tamuto gomai tamite eia vaharia mite la merera ale tartigi tela tautaulailo mela masagala tamutou. eia veia mite via la imala tomi amuto tahoka la gabutala ale tartigi tavu amite, amuto tai masaga sele ge hilo amite amae moli amite tai masaga sele ge hilo amutou. ⁷ La vuhula maleie, tabarabaragu, amuto igo vagarigari sesele amite tela tautaulailo tamuto, oilo la tikumula mela iligiligi tamiteu. ⁸ Ala goe amite mahuli, mae eme ge magiri vagari oilo tela Uru. ⁹ La mogela mela visalela ale mave koramuli amite ge abia le Deo taume, la sagegela tomi ale amite tahokea tela mata le Deo a loata taume? ¹⁰ La logologo mela haro amite kaka vagari sele via ge hilo la lagumu me amite ge visuli eme la rova eme savelea oilo la tautaulailo taume. ¹¹ E Deo tama gatou eia moli, me la Uru e Isus tegato, vituga matata la gauru mite somai taume, ¹² La Uru moli ge igo me ge tahoka usu oilo la gilogo kabili tamuto isasa me ale soio tela valalua tomi. mae teale amite igotia somai tamuto. ¹³ Eia moli ge igo vagari la hate mutou la vuhula egite ge maramara oilo la marokala oio tela mata le Deo tama gatou oio tela bileu la Uru gatou e Isus vikapopo me egite la valalua tomi tetala ale maroka.