¹ Ari ya saw ahol a ta waqim sipsip amidon in mataw 144,000 nazaq nenaq garah sayon abigmanib tursa ya gibiy mataw na gimaqbelab sipsip amidon amam inaq giholnan mar tonan ussa ya gibiy. ² Sa heven-ib saw ahulan araq bolsa ya hurityaiq.Saw ahulan na bilaqne yuw kabemmo sibaqta ahulan teq kait ahulan ayahmo nazaq nogta ya hurityaiq. Teq ya idekib nagah na ahulan huritsa in bilaqne mataw kabemmo gita wolsa ahulan dimunta gwahtiqaqta nazaq nog ya hurityaiq. ³ Mataw biyahta na in king ago ban tawontab osaqta na teq nagah aweweq kayeqmo in bar araq muturta waz yaqay. On mataw God ago maror asan ban osayta nain bar na ago a hi huritayta on mataw og kabta ggilikmanib mataw 144,000 God gizayta naqmo gimomo in bar na wazayta. ⁴ Mataw biyahta na in on nenaq daq meqinta anumlan inaqta a in emiyta na ezaqgo in gihol wasihim aw inaq asit a hi usiyta na ago iyan . Mataw na sipsip amidon ezaqta lehsa in muzim inaq lehaytamo. God in on mataw og kabta bunmo gilikmanib mataw biyahta naqmo gizayim giwamta bilaqne mataw kabiy ame waqayta nazaq nog. Giwaqan mataw na in God ayow sipsip amidon na inaq gigota tiqiyim osayta. ⁵ Mataw na gimileq a hi iyayta teq in daq araq meqinta ananin waq daqayta na giholib a hi usaqtamo. ⁶ Ari ya angelo araq God ago nan dimunta kuluwa-kuluwmo usaqta na on mataw ya ahol way. In ago kabiy in on mataw en amo amo teq gisan amo amo teq gigo nan amo amo teq uliq saw haresmo osayta na bunmo in God ago gamuk dimunta na gibilenaqta. ⁷ Angelo na in atoranmo lileyim bilam, God in on mataw bunmo hazizirib gigemeq gigo daq amenin negdaqta na akaman tugwahtim ham. Nazaq iyan ne God anan rabad abin iluwad ayonlotu emiy ham. In og kait kamis teq yuw diq na bunmo inmo gigamta ham. ⁸ Haqan angelo ta araq gigerta in angelo amebta na muzimabeb bolad in kazaq bilam uliq ayahta Babilon tuwoq bug ham. Helmo in timeqniy has ham, uliq na in on mataw en bunmo gihureqan in ago daq meqinta emad gihol atoranmo eraqsa in an haresmo hureqad nenaq us yaqayta ham. Bilaqne wain ayun atoranta negan in uluwim ginad dimunta hulosiyta nazaq nog ham. ⁹ Haqanmo angelo ta araq ezeqmanta na angelo giger ameb boliyta na gimuzim bolad in atoranmo lileyim bilam mat aw nog in karuw kwasikta abin iluwayta teq in ahol adulan ayon lotu emayta teq in gimaqbelab o gibenab ago atowun waqayta, on mataw na bunmo in wain ayun lul araq meqin diqta tuquluw yaqay ham wain ayun na in God ago agem meqniy naqmo ham. ¹⁰ Sa God in wain ayun na yuw inaq buliyid asit amidemqan a hikidik iydaq ham. Haiqgam ham on mataw na God ago agem meqniy watwatmo tuquluw daqayta ham uluwad in God ago angelo tawonta nagan giyow sipsip amidon inaq gimeb santitiy meqin diqta waqsa gig oyaqta anan salfa haqayta na ginoy titaydaq ham. ¹¹ Ginoy titaysa mataw na gisan oyad aqasinkam bunmo gwalehdaqta ham on mataw na karuw kwasikta na abin iluwad teq in adulan ayon lotu emiyta ham. Teq in karuw kwasikta na atowun in gisanib waqiyta ham. Nazaq iyan in zeqab taromalo inaqmo santitiy waqad ginamur haiqmo os daqayta ham. ¹² Daq nazaq diq gwahtiqdaqta iyan God ago on mataw tawonta bunmo giwaz meqniyeq hetta na waz naqmo hiqiyeq osiy God ago on mataw ta na in God-mo ago gunun muzin bugad Yesus anan helmo diq haqad osayta. ¹³ Ari teq heven-ib mat araq lileyim gamuk kazaq ibilensa ya hurit. In bilam ni nan kazaq marton ham muran teq abeb on mataw Iyahta anan helmo haqad osimmo moqayta na bunmo tidimniyeq os daqay haqad in nazaq mar ton ham. Teq God ago bugaw dimunta bilaqaq nazaqmo haqaq. On mataw na giholtuw bulad kabiy emiyta na hulosad in ginad dimniysa ginamur tiqem daqay haqaq. Na ezaqgo in ginoituw bulad kabiy emiyta na anan abeb teq tugwahtiqdaqtahaqaq. ¹⁴ Ari ya saw ahol a ta waqim anqas husta araq ahol way. Ahol waqsa mat araq awaqam bilaqne mat atatin awaqqm nagta onqas na amalib ossa ya ahol waymo. In afaqinib king ago balaw gol-ib emiyta ussa baqir ame meqin diqta in abenab warzyaq. ¹⁵ Sa angelo araq God ago bit hulosim asam ban gwahtiqad in mat onqas amalib osta na lilewunim bulon, didaq bunmo tinam ham. Heman muran didaq urotgo akaman tiqiy ham. Nazaq iyan ni ningo baqir na amalib didaq gigqurot ham. ¹⁶ Haqan mat onqas amalib osta na ago baqir wazim hunegad didaq hemim ogib turaqta na tigiqurot bugyaq. ¹⁷ Sa angelo araq God ago bit heven-ib turaqta na hulosim asan ban gwahtiqad in inaqmo baqir meqinta wazim ad bo tugwahtim. ¹⁸ Gwahtiqan angelo ta araqmo in ago zaway in God ayon tamaz em abanan na hulosim asanib gwahtiqim in angelo baqir ame meqin diqta wazaqta na. ¹⁹ Sa nagah aweweq kayeqmo osayta na gigo araq in deq gol-ib emiyta 7 nazaq a bolim angelo 7 na amulik-mulikmo tinag. Deg nab God kuluwa-kuluwmo osaqta na ago agem meqinta ate gwalim usaqta. ²⁰ Sa God ahol anuwan teq in ago zaway inaqmo atoranmo oysa aqasin gwahtiqad tempel na adugan tuwaleq ton bugyaq sa mat araq le bit nab gwahtiqdaqta haiq iyyaq. Ari angelo nagah meqin diqta 7 nazaq giwazayta na gigo kabiy tihiqiy nab teq mataw le temple nab a ta gwahtiq daqay.