¹ Ari nagah lul araq diqta kaitib gwahtiqan ya ahol waqim ihol riten lam. Ya angelo 7 nazaq gibiysa in nagah meqin diqta 7 nazaq in amalib on mataw gimeqin ton daqayta na giwazim tursa ya gibiy. Nagah meqinta na akaman tihiqiy bugid teq afaqan araq a ta hi gwahtiqdaq. Nagah meqinta 7 na hiqiyid teq God ago agem meqinta na inaqmo tihiqiy bugdaqmo. ² Sa ya nagah ta araq diq bilaqne kamis ayahta nog ahol waymo. Kamis na awaqan bilaqne faq teq galas inaq wastonan usaqta ya ahol waq nog iy. Teq on mataw biyahmo in God gita nagta na wazim kamis na adekib tursa ya gibiymo. On mataw nawa na in karuw kwasikta teq in ahol adul an na inaq bab emim giquriyamad in gisanib karuw kwasikta na atowun a hi waqita. ³ In turad God ago kabibiy mat Moses ago bar wazad teq in sipsip amidon ago bar waz yaqaymo. In bar wazad bilaq yaqay, iyahta God haq yaqay, ni zaway bunmo wazaqta haq yaqay. Ni daq aseseqta amo amo aiqemaqta haq yaqay. I ningo daq nagan gwahtiqsa ahol waqad gihol turuh nemaqta haq yaqay. Ningo daq bunmo in titnonta teq in hel diqtaqmo haq yaqay. Ni on mataw bunmo gigo king-ta haq yaqay. ⁴ Iyahta ninmo nimomo tawon diq iyim osaqta haq yaqay. Nazaqiyan on mataw bunmo nirabunad nibin tiqiluw daqay haq yaqay. Mataw bunmo boleq ninognib loyu tiqem daqay haq yaqay. Na ezaqgo ningo daq dimdimunta na in mataw bunmo gimeb ulalabmo tuqwahtim haq yaqay. ⁵ Ari nagah na tihiqiyan abe ban ya saw ahol a ta waqim bit karuwsanibta God abin eman ulal iyaqta na in heven-ib temple nog iyim turad aqez hasim ussa ya ahol way. ⁶ Sa angelo 7 na nagah meqin diqta on mataw gimeqin tondaqta anaghangiwazim in God ago bit na hulosim bo asanib tugwahtiqiy. In tubusan dimunta anumlan haiqta hikliyanaqta giholib emiyta tqe nagah araq gol-ibta am gan gibanib hureqan us. ⁷ Sa nagah aweweq kayeqmo osayta na gigo araq in deq gol-ib emiyta 7 nazaq a bolim angelo 7 na amulik-mulikmo tinag. Deg nab God kuluwa-kuluwmo osaqta na ago agem meqinta ate gwalim usaqta. ⁸ Sa God ahol anuwan teq in ago zaway inaqmo atoranmo oysa aqasin gwahtiqad tempel na adugan tuwaleq ton bugyaq sa mat araq le bit nab gwahtiqdaqta haiq iyyaq. Ari angelo nagah meqin diqta 7 nazaq giwazayta na gigo kabiy tihiqiy nab teq mataw le temple nab a ta gwahtiq daqay.