¹ Ari karuw kwasita araq afaqin 7 nazaq inaq teq afaqinib nagah adanidin 10 nazaqmo gitursa in kamis amuganib usim bo asan ban gwantiqsa ya ahol way. Teq king gigo balaw afaqinib emayta nazaqta in adanidib 10 nagab gigusa ya gibiymo. Sa in afaqin 7 nagab inmo ahol anan meqmeqinta hi bilaqnaata gigqusyaqmo. In aholnan amo amo nagan in gamuk haresmo amalib God bilawunayta naqmo giqusta. ² Ya karuw kwasikta na ahol waqsa in ahol awaqan bilaqne kasiq kwasikta ayahta anan lepa haqayta na awaqan nog. Teq in asen bilaqne kudor ayah henan diqta anan bea haqayta na asen nog iysa atenmos bilaqne laiyon atenmos nogta ya ahol way. Sa nagah ahulinaqta lan ezab turta na in ago zaway ayahta teq inmo ahol abin ayahta teq in ago marorgo ban in amalib osad naggah giwamuzaqta na in nagah nagah bunmo karuw kwasikta na tuqug bug. ³ Teq karuw kwasikta na ago afaqin araqab asulan awaz meqinta wol emid moqgota nazaq nogta ussa ya ahol way sa hidmo asulan meqinta na mayimmo tidimniy. Nazaq iyan on mataw bunmo in daq na ahol waqad gihol riten lamsa in karaw kwaskta na tumuzin daqay. ⁴ Muzinad in nagah ahulinaqta na inmo ago zaway karuw kwasikta na ugsa ahol waqad in bunmo nagah ahuliaqta na abin wazin yaqaq. Ad in karuw kwasikta inaqmo abin wazinad bilaq yaqay, mat araq karuw kwasikta ka nog a haiq yaqay,araq karuw kwasikta ka babub uriyamdaqta haiqmo haq yaqay. ⁵ Ari God in karuw kwasikta na aholibmo hiqiyan in yaqmo ag haqad atoranmo God anan bilawunad in on mataw giwamuzad kalam 42 nazaqmo tiluw. ⁶ Luwad in ate akim God tibilawunyaq. Bilawunad in God abin meqin diq tonad teq in God ago bit in osaqta na abin timeqin tonyaqmo. Bit na in Yesus ago on mataw God inaq heven-ib osayta naqmo. ⁷ Sa God in karuw kwasikta na aholib hiqiyan in God ago on mataw tawonta na gimuzim ginolad giwazan wog yaqay. AD in ago zaway ayahta na amalib on mataw en bunmo teq gisan bunmo teq gigo nan bunmo teq in uliq saw bunmo osayta na bunmo tigiwamuzyaq. ⁸ In nazaq emsa teq ogib kab on mataw kuluw diqmo in karuw kwasikta na abin wazinad ayon lotu tiqem daqay. Kwaziq diqmo God og ka eman a hi gwahtiqsamo in on mataw kayeqmo tuteqmo os daqqyta na ginan sipsip amidon ago buk-ib mar tonan tuqusaqta. Ari on mataw sipsip amidon kwaziqmo wol eman momta na ago buk-ib giholnan a hi usaqta naqmo in karuw kwasikta na ayon lotu tiqem daqayta. ⁹ Mat aw nog in gidek inaq iyeq teq in gamuk ka huritiy. ¹⁰ Kam meqinta nab in God ago mat araq ayon bilaqeq ''In bit giqirquran osayta nab lehan'' haqad mat na bit nab tilehdaq. Ad in God ago mat araq ayon bilaqeq. Baqirib wol emiy haqidmat na baqiribmo tumoqdaq. Daq nazaqta teq gwahtiqdaqta iyan God ago on mataw tawonmta na in gituw hi hiqiysa ginad helta na waz naqmo hiqiyeq osiy. ¹² Ari karuw kwasikta ta araq og aduganib gwahtiqsa ya ahol way.In abigmanib adanidin bilaqne sipsip adanidin nogta afaqinib tursa in gamuk emayta na bilaqne nagah ahulinaqta na ago gamuk bilaqnog iyyaq. Karuw kwasikta gigerta na in karuw kwasikta amebta na anognib turad in karuw kwasikta amebta na ago zaway bunmo amalib ago kaby emyaq. kabiy emad in on mataw ogib kab osayta na giqeman in karuw kwasikta amebta na ayon lotu tiqem yaqay. Karuw kwasikta amebta naqmo in ahol asulan awaz meqinta wol emid moqgota na waqan teq asulanna hid mo mayim dimniy bugta. ¹³ Ari karuw kwasikta gigerta na in kabiy azawayin inaqta amo kabemo giqemyaq. Giqemad in on mataw gimeb faq amileq emid ulilib kaitabmo useq mileseq ogib hitiqyaq. ¹⁴ God in karuw kwasikta gigierta na aholibmo hiqiyan in karuw kwasikta amebta na anognib daq azawayin inaqta emad in on mataw ogib kabta gikat negyaq. Kat negad in gibilenyaq , ne on matawog kab osayta haqyaq ne karuw kwasikta amebta ka ahol adulah amaq abin iluwiy haqyaq. Karuw kwasikta kwaziqmo baqirib qwayan asulan awaz meqinta wol emid moqgota gwahtiqim tqe in mayan a hi momta na adulan he emiy haqyaq. ¹⁵ In nazaq gibilenan in karuw kwasikta amebta na adulan tiqemiy. Eman teq karuw kwasikta gigerta na zaway waqim in tim ulam hasan karuw kwasikta amebta na adulan aduganib lehan adulan na kayeq iyim gamuk tibilaqyaq. Sa karuw kwasikta gigierta na gibilenyaq mat aw nog on karuw kwasikta amebta adulan ka wazinad ayon lotu ahi emsa teq na ne wol emid moqan haqyaq. ¹⁶ Ari karuw kwasikta gigerta na bilaqan on mataw bunmo gisanib tow araq tuwaqiy. Asor giben aqabnib waqsa asor gimaqbelab waqiy. On mataw gibin inaqta teq gibin haiqta teq mataw ginagham kabemmo usaqta teq ginaghan haiqta teq mataw gigo og maqta tqe mataw begbeg osayta nagan bunmo in tow na gisanib waiy. ¹⁷ Sa karuw kwasikta gigerta na gunun eman mat aw nog in karuw kwasikta amebta na ahol anan o ago ahol anulinqan in gisanib a hi waqiyta na in on mataw ta asor na gigo hob didaq nagah osgta a hikidik zay yaqayta. Ad mat araq in on mataw gisan samanmo usaqta na gigo hib nagah arah a hikidik zayaqtamo. ¹⁸ Ari ne ginad em has ago adanteqin kawaqmo. Mat anad inaqta na in karuw.