¹ Ari nagah lul araq diqta kaitab gwahitiqsa ya ahol way. Nagah na in kazaq, aw araq osad in ezq anuwan waqmi bilaqne tubusan nog ahol sihenim osta, teq in osen ahaqenib kalam oyad ussa ulig 21 nazaq bilaqne king ago balaw nog afaqinib giqusyaq. ² Aw na agemiyim ossa amun tubaysa in ahol titiysa tiqek tonyaq. ³ Sa nagah lul ta araq diq kaitab gwahtimmo: Na in nagah ahulinaqta ayata kakaqta afaqin 7 nazaq inaqta teq adanidin 10 nazaqmo afaqinib nagab gituryaq. Sa in in afaqin 7 nagab king ago balaw amikta 7 nazaq giqusyaqmo. ⁴ Nagah ahulinaqta na obiliknib in ulig kabemmo kaitib tunyta na gworonam ogibmo tuwoqiy. Ari nagah ahulinaqta na in aw amun emid ya tilondaiq haqad amen emim os. ⁵ Ossa aw na amun matta tiqam, amunna God atowun eman in teq gwatuq ain-ibta wazeq on mataw en bunmo gwamuzdaqta ain-ibta wazeq on mataw en bunmo gwamuzdaqta. Aw na amun tiqeman hid naqmo in aw waqim ad God agerab gwalehim God ago ban tawonta nab tiqemiy. ⁶ Sa awna eraqim tukim saw amatawun haiqtab tilah, saw nab in osad ananmur emdaqta haqad God inayon tuwastitaya usta, awna saw nab ossa in alowan tonad wamuzad didaq ugsa kam 1, 260 nazaq tiqiyday. ⁷ Ari heven-ib ban araq ayahta gwahtim. Na angelo gigo amebta Maikel in ago angelo nenaq nagah ahulinaqta ayahta na inaq bab tiqem yaqay, bab emsa nagan ahulinaqta na ago walmataw nenaq in eraqim bab na amenin tiqem yaqaymo. ⁸ Amenin emad nagah ahulinaqta na ayogniz nenaq gigo zaway haiqgam iyan in heven-ib osgo haiq tiqiyiy. ⁹ Nazaq iyan God ago angelo eraqim in nagah ahulinaqta na wazim hunegan ogibmo tuwom, nagan ahulinaqta na in mat meqinta kwaziqmo osta in anan satan haqaitamo, mat na in og kab on mataw God gileh ugayta na bunmo gikat negaqta. Teq God ago angelo in nagah ahulinaqta na ago walmataw nenaqmo giwazim ginunegan ogibmo tuwoq bugiy. ¹⁰ Sa heven-ib mat araq aqez atoranmo lileyim kazaq bilaqsa ya hurit. I gigo God in i bunmo gilumsiheq i giwaqsa in ago zaway ulal iysa in king ayah diqta iyeq osdaqta akaman na tugwahtim ham, teq in ago Kris zaway bunmo waqdaqta akaman na tubolmo ham. Na ezaqgo ham mat meqinta i gimaqbaban gimalib nan emaqta na hunegan ogib tuwom ham mat na taromab teq zeqab inaqmo i gimaqbaban gigilehunan God ameb bilaqaqta ham. ¹¹ Sa nagah gigermo i gimaqbaban na gilumsihan in dimunmo turiy ham, nasipsip amidon anedan na teq God ago gamuk in atoranmo wazad bilaq yaqayta naqmo in gilumsihsa in gigo bab meqinta na uriyamiy ham. Ad in bab meqinta na inaq an wolad in agib kayeqmo os titgo ginad a hi diq bilaqyaq ham. In ginad em yaqay, i gibabun ka inaq an wolad oseq moqamta na dimunmo haq yaqay ham. ¹² Nazaq iyan ne on mataw bunmo heven-ib osayta na ne ginad dimniyiy ham. Ari og ninyow kamis inaq ne timeqniyiy ham, satan ne gigo hib ogib nab ago in agem timeqniy hasaq ham. ¹³ Ari nagah ahulinaqta hanegad ogib womta na inmo ahol tiloyin loyinad in agem meqniysa lehim aw amun matta tiqamta na wol emnan muzad tiluwyaq. ¹⁴ Sa God tirgaw ayahta aben gayik gigermo waqim aw na tuqug, in amalib meleq tukeq saw amatawun haiqtalo in ayon ban wastitayan usaqta nab tilehdaq haqad. An saw nab in aw na alowan tonad didaq ugsa le ukig ezeqmanmo teq ulig aweweqta na asormo tiqiy. ¹⁵ Ari aw na tukim lehsa nagah ahulinaqta na nilad ateb yuw ayahmo gwahtiqsa yuw na uq ayahta hog iyim aw na ago hib sibim tilehyaq, in aw na soreq ad leheq neqid moqdaq haqad. ¹⁶ Samo og in aw na ulumsihim ate akim in nagah abulinaqta ateb yuw gwahtimta na titilon bug. ¹⁷ Nazaq emsa nagah ahulinaqta na aw na anan agem meqniysa in ahol buliyim tilah, in le aw na ago onmin nenaq bab emnan haqad. Aw na ago onmin in God ago gunun muzinbugad teq in Yesus awagamun ana helmo haqad adan emad osayta. ¹⁸ Ari nagah ahulinaqta na kamisib lehim lan ezab titur.