Mo vadonui ni ko sa vosa,
Ka gumatua ni o sa veileti.
5 Ia kevaka sa vadinadinataki nai valavala dodonu ni Kalou, ena noda i valavala yali- dodonu, a cava me da kaya? Sa yali beka ni dodonu na Kalou, ni sa saumia? (Au sa vosa me vaka lia na tamata.) 6 E yali sara, kevaka sa va koya, e na qai lewai vuravura va evei na Kalou? 7 Io kevaka sai koya na noqu lasu, sa uasivi cake kinia, na nona dina na Kalou, me vakarokorokotaki o koya, e na cava au sa cudruvi tiko kinia me vaka na tamata ca? 8 ia ena yali beka li ni vaka (ni kitou sa lasutaki, ka sa tukuni ni kitou sa vosa va-koya,) Me da kitakia nai valavala ca, me yaco kinia na ka vinaka? ia o ira koya, era na cudruvi vadodonu. 9 Ia ka vakaevei? eda sa uasivi cake beka? E yali sara e na dua na ka: ni kitou sa vadinadinatakia e liu ni ra sa cala kece lia, ko ira na Jiu, kei ira sa matanitu tani; 10 me vaka sa volai, Sa yali e dua sai valavala dodonu, sa yali sara ni dua : 11 Sa yali ni dua sa kila,Sa yali ni dua sa vasaqara na Kalou.
12 E ra sa lesu tani kece lia, era sa yaco vata me yali ni betena;
Sa yali ni dua sai valavala vinaka, sa yali sara ni dua.
13 Ai bulubulu sa dola tu na nodrai tilotilo;Era sa daivivakaisini ena gusudra;
Sa tu e ruku ni bele ni gusudra na weli gaga ni gata:
14 Sa sinai na gusudra e na ruru kei na vosa daugaga: 15 Sa kusarawaa yavadra me vadavea na dra:
16 Sa tu e na nodra sala na rusa kei na rarawa:
17 Ia e ra sa yali kila na sala ni vivacegui;
18 Sa yali vi ira na rerevakia na Kalou. 19 E da sa kila na ka kece lia sa tukunia na vunau, sa tukunia vi ira sa tu vi ira na vunau, me vagalui kinia na gusudra kece lia, ka me beitaki ena mata ni Kalou na kai vuravura kece lia. 20 Ena yali ni vadonui vua e dua na tamata e nai valavala ni vunau: ni sai koya na vunau sa kilai kinia nai valavala ca. 21 Ia ka sa qai vatakilai mai ena gauna koya na ka vivadonui kinia na Kalou, ka ni sa yali ni yaco e na vuku ni vunau, ia sa vadinadina kinia na vunau kei ira na parofita; 22 io, sa ia na vivadonui na Kalou e na vuku ni vakabauti Jisu Karisito, vei ira kece lia era sa vakabauta; ni da sa tautauvata kece lia: 23 ni sai valavala ca ko ira kece lia na tamata, ka ra sa yali ni yacovia na ka e varokorokotaki kinia na Kalou: 24 a ra sa vadonui loa lia e na nona loloma ni sa volia na bula o Jisu Karisito: 25 o koya sa lesi na Kalou mei bulubulu vi ira sa vabautia, e na nona dra, me vatakila na nonai valavala dodonu ni sa yali saumia nai valavala ca sa caka oti, ka ni sa vosotia na Kalou; 26 io, me vatakila e na gauna koya na nona yalododonu: me sa dodonu o koya, ka vadonui koya sa vabauti Jisu. 27 Sa qai ivei beka na ka ni veidokadokai? Sa takali sara. E na vuku ni vunau cava?na vunau ni cakacaka beka? E yali, ena vuku lia ni vunau ni vabautia. 28 O koya keitou sa vaka sa vadonui na tamata ena vabautia, ia ka yali lia ena vuku ni cakacaka ni vunau. 29 Sa nodra duadua lia na Jiu o koya na Kalou? sa yali beka ni nodra voki lia na vimatanitu tani? Io, sa nodra voki lia na vimatanitu tani: 30 kevaka sa dua bau lia na Kalou, ka na vadonui ira sa cili, e na vuku ni vabautia, kei ira voki lia sa yali ni cili, e na nodra vabautia. 31 Keitou sa qai vatawayagatakia na vunau e na vabautia, se yali? E yali sara: keitou sa vataudeitakia lia na vunau.