¹ O koya gona sa yali kinia na nomu ulubale, o iko na tamata yadua sa daulewa, ni ko sa beitaki iko ena nona lewa ni tani, ni ko sai valavala tiko vakakinia ko iko sa daulewa. ² Ia eda sa kila sa dina na lewa ni Kalou vi ira sa caka na ka koya. ³ O iko na tamata, sa kewai ira era sa caka na vi ka koya ka sai valavala vakakinia, ko sa nanumia beka ko na tuba rawa mai ina lewa ni Kalou? ⁴ Se ko sa becia beka na nona loloma levu, vata na nona vosotia vadede, vata na nona cudru vamalua, o sa yali ni vakasama ni sa tuberi iko i na loloma ni Kalou? ⁵ Ia o iko, me vaka na nomu yalokaukauwa vata na lomamu sa yali ni vivutuni, o sa binia tiko lia vi iko na cudru i na siga ni cudruvi, ena varaitakia kinia na lewa dodonu ni Kalou, ⁶ o koya na saumia na tamata yadua me vaka na nona i valavala: ⁷ na bula tawamudu, vi ira era sa gumatua tiko i nai valavala vinaka ka vasaqara nai ukuuku vata na varokoroko vata na tawa mate rawa. ⁸ ia na cudru vata na vivosataki vi ira era sa dauvivala, ka talaimama i nai vavuvuli dina, ia ka talaiwarawara i nai vavuvuli yali dodonu. ⁹ Na rarawa vata na yaluma, vi ira na tamata kece lia sai valavala ca tiko, sa liu vua na Jiu, vi koya voki lia sa matanitu tani. ^{10 11 12} Ia nai ukuuku vata na yaluma, vi ira na tamata kece lia sai valavala vinaka, sa liu vua na Jiu, vi koya voki lia sa matanitu tani. NI sa yali ni vinakati ira vailoa na tamata na Kalou. ¹² Ni na rusa me vaka sa yali na vunau ko ira kece lia sai valavala ca ka yali vi ira nai vunau: ia ena lewai enai vunau o ira kece lia sai valavala ca ka sa tu vi ira na vunau, ¹³ ni ra sa yali ni dodonu ena mata ni Kalou ko ira era sa rogocia wale lia na vunau, o ira lia era sa muria na vunau era na vadonui: ¹⁴ ni ra sa caka vakataki ira lia na ka ni vunau o ira a vimatanitu tani, sa yali vi ira nai vunau, e ra sa qai nodra vunau vakai ira lia, ia sa dina sa yali vi nai vunau. ¹⁵ o ira era sa vatakila sara ni sa volai ena yalodra nai valavala ni vunau, ka ni sa vadinadina tiko na nodra lewa e loma voki lia, ka ra sa dui lewa ni sa cala, se sa dodonu na nodrai valavala ¹⁶ e na siga ena lesi Jisu Karisito kinia na Kalou me lewa na nodra vi ka vuni tu na tamata, me vaka na noqui tukutuku vinaka ¹⁷ Ia kevaka o sa vakatokai mo Jiu, ka ko sa vakararavi ena vunau, ka sa dokadokai iko ena vuku ni Kalou, ¹⁸ ia o sa kila na lomana, ka vinakatia na vi ka sa vinaka sara, ni o sa vavulici mai na vunau, ¹⁹ o sa vararavi voki lia vi iko mo yadi ira na mataboko, mo nodra rarama e ra sa tiko ena butobuto, mo nodra i vavuvuli era sa lialia, ²⁰ mo nodrai vavuvuli na gone lalai, ni sa nomu e na vunau nai vatakarakara ni vuku dina; ²¹ ia o iko, o sa dauvatavulicia na tani, o sa yali ni vatavulici iko? o iko, o sa dauvunau me kua na butako, o sa bau butako o iko? ²² o iko, o sa dau kaya me kakua na dauyalewa, o sa bau dauyalewa ko iko? o iko, ko sa daucatia na vimatakau, o sa bau butako mai na vale-ni-soro? ²³ o iko, o sa dokadokai iko ena vuku ni vunau, o sa bau valialiai koya na Kalou ni sa talaidredre i nai vunau gona? ²⁴ Ni sa dau vosavacacataki na yaca ni Kalou vi ira na vimatanitu ena vukumudou, me vaka sa volai. ²⁵ Ni sa dina sa yaga na vicili, kevaka o sa talairawarawa ki na vunau, ia kevaka ko sa talaidredre ki na vunau, sa yaco kinia na nomu cili me yali cili. ²⁶ Ia kevaka e dua na sa yali ni cili, ka sa muria nai valavala dodonu ni vunau, ena yali li ni wili na nona yali cili me cili? ²⁷ Ia o koya sa yali cili vayago, ke sa muria na vunau, ena yali lewai iko, o iko sa talaidredre ki na vunau, ka sa tu vei iko nai vola ni vicili? ²⁸ Ni sa yali ni Jiu koya sa vakinia na varairai loa lia, ia sa yali ni vicili na ka sa rairai loa lia ena yago: ²⁹ ia sa Jiu o koya sa vakinia i loma, a sa vayalo na vicili, sa ka ni yalo, ka sa yali ni ka ni vosa loa lia, o koya sa yali ni doka o ira na tamata, sa doka lia o koya na Kalou.