¹ Kumatunwelo, apange, tulishangale kwa Fumu. Kukwange ame ku min'olela inu yofoci kalo kukwenu kali ci kuni katathza ame, kalo yami paka nawa. ² Mumamele ethzo mbwa, mumamele shemwa kwa awoo- akwama omango. Mumamele shemwa kumukanda kali woliyo. ³ Mukonda atwe tuna thzile kumukanda -oyo yofoci oyo lombela ko mupepo wa Nyambi, kalo no kushimba kuliyuva kwa Kilesite Jesu, kalo katuli no okolo mwilama. ⁴ Hinga kengeyo ame noshinda nakala no kolo mwilama. Ngeci yumweya ayala ci oli nokolo mwilama, ame nga nili nokolo manene. ⁵ Hime nathzile kumukanda muliyuwa lyo mushitanu nahatu, no anu o Maisilaele, o mushovo wa Benjamine, mahevelu na kwa mahevelu no kutawisha mulao, afalisi. ⁶ Ko kupakelako manene, ame naninyandisisako keleke aci mukonda kwa anakenishiwa mushi thzo mulao, kananipithsa. ⁷ Ambene inu yoihe ei inapa nawa ame, nanishimbi ci kaili nawa kwa Kilesite. ⁸ Shemwa, honi natala inu yoihe yo kupilatuso mukonda yapita pohuma kaili kunyanyami wa Kilesite Jesu Fumu. Ambene muniu nina mupa inu yoihe, kalo naimona ci ya mathzilo- ci nikale na Kilesite. ⁹ Kalo muwaniwe kukwenji, kalici niwaniwe kokukenishiwa kwange ko mulao, unone kokuthza ko shitawo thsa Kilesite- awa anakenishiwa kwa Nyambi ko shitawo. ¹⁰ Honi nafota ci mu mulimuke kalo nokolo wenji okupinduka kwafu no kuliwana mulikando, kukeya ci aye mukuta kwenji, ¹¹ honeni kumweya nailimuka yo kupinduka kukwenji kwafu. ¹² Kalici nina ilipakela kale yoihe inu, kapa nina kala owa, unone nina kwatapo kalo kutwalelela kengeyo kwei naishimbiwa kukwatelela kwa Kilesite Jesu. ¹³ Apange, kani ayalile me ci natwesha kutawa kale kutwala kukwatelela. Unone shinu shofoci nikwama: Kuvulama yo kumanyima kalo no kutanekela ei ili kusho lwetu, ¹⁴ natenekela kusho ci nukume pashikwama no kumona shikwama sho kuyelula kwisha Nyambi Kilesite Jesu. ¹⁵ Twaheno atwe tunakulu, tuayale no kengeyo; kalo ngeci twa ayala yokuli shiya koi yihe, Nyambi kalo henga atumonisha kukwenu. ¹⁶ Ngeci po, otumone ei tuna wanako, tukwatishe kengeyo shinu shoshiwa. ¹⁷ Mutamenene ame, apange. Pepi mumamele awa aenda aci yatwe. ¹⁸ Angi aenda -waya nina miambela miendo thzothzingi amwe, kalo pano namiambela no mihothzi- eci anu oamango pa mbinda thza Kilesite. ¹⁹ Kuhula thzo katwamonine, mukonda Nyambi woo po lila, kalo kethsa koo po kwa kupila tuso. Ayala inu kaye. ²⁰ Ambene kukala kwetu po kuwilu, kutunda oko kalo tuna tatelela muyoishi wetu, Fumu Jesu Kilesite. ²¹ Henge atwala pashi ilama mu ilama kuikwama eci kwethsa ko ilama, inakwama ko kulu wo kolo okwama o inu yenji shinda.