¹ Unone mulimuke ei: Kenge kwakukala ukalu ku mayuwa o mamaneno. ² Mukonda anu kenge akulihima ashinda, o kuhima mali, kuliyuvishisha, o likamba, o kapopo, o kupila likute kwa shemi, o kupila ukandelelo, no mathzilo. ³ Kaa kukala o shihemo shikeya, o n'ole aka kuhopa anu, aka kufa micima, o miyoyo aka kuthzimbz o kupila umango. ⁴ Kenge a kukala o kupaishisha, aka kulinuneka, aka kuli lipa, awa ahima yo kaye kushiya ya Nyambi. ⁵ Kenge a kukala no shifwa sho u Nyambi, unone kenge a kuu hamula. Muwa shiye awa anu. ⁶ Mukonda amweya kuko anu anengenanga mu manjiyo no kukwata ambuyama a etomba. Awa oliyo ambuyama anayala ivi ne anakonjiwa ku umango. ⁷ Awa oliyo ambuyama aninga ci analifundishanga, unone kaatwesha kuwana maano o shimwa. ⁸ Mulikun'wa lo kulipitula Janesi no Jambretsi ahushile Mushe, nawa afundishi owamango nao alwishila yo shemwa. Anu anaolo mu wongo, ne shitawo sho shina monahala ci shan'anda. ⁹ Unone kaa kuthza kokule. Mukonda utomba o kenge umonahala ku kowo wahe, weci waya amweya. ¹⁰ Unone kukoye, onashupwela efundisha yange, ekwama, liano shitawo, likando nene, shihimo, kuwa mucima, ¹¹ kuhumbishiwa, likando, nei yakwamahalile kukwange mu Antioke, ku Ikone, noku Listra. Nani litanalisha mweyo iumbisha. Kweyo yoihe, Fumu ona niyoisha. ¹² Waheno afota kuyoya mu liana lyo unyambi kwa Kilesite Jesu kenge akunyanda. ¹³ Anu owamango nowa on'onda kenge athza mu umango no kuamenena, akonje angenjoo ne kenge akuyonga. ¹⁴ Unone kukoye, ukalelele mu inu ona lifundisha nei ona kwatelela mu kutawa. Walimuka oku analifundisha. ¹⁵ Walimuka ci kutunda ku wanuke ona limuka man'oloo utokwa. Oliyo ana kunyanyamisha, ici oyoyishiwe ko shitawo kwa Jesu Kilesite. ¹⁶ Lin'olo lyolihe linakeya ko Nyambi. Lilino ukwathsi ku fundisha, ku kolopisha, ku kuloishisha, no kukulisha mu kukena. ¹⁷ Ici munu wa Nyambi aku loelele, ku liloishela ku ekwama yoihe yoiwa.