¹ Honine owe, mwanange, otanalishiwe mushihemo eshi shili kwa Kilesite Jesu. ² Enu yoingi onayuvu kukwange mukaci ko mapaki oangi, oipake mu moko o anu okusepahala awa akutwesha kuifundisha angenjo. ³ Onyande nage mu ukalu mumukalelo wo lishwalale yoliwa lya Kilesite Jesu. ⁴ Kwithsa Lishwalale oyu kwama kunengena mu ukalu ou mukalelo, ci aloelishe oyu namuingenisha omu muikwama. ⁵ Kalo, ngeci munu alikanganisha kundandumuka nangenji katwesha kushangaliwa ci yoilyo omutatekelo shime ou andandumuka kuthza ko milao thzo kulikanganisha. ⁶ Kwaloela ci mukakulima oyu lima nene yoliyo tanga kutambula yenje kwei inalimiwa. ⁷ Oanekele ei niamba, mukonda Fumu kenge akupa kuyuvishihsa mu enu yoihe. ⁸ Ovuluke Jesu Kilesite, mukashikuta sha Davida, oyu napinduiwa kwakakufa. Eipo kuthza ko maywi ange o evangeli, ⁹ aa ninyandisheliwa mane kukuma pa kuangiwa no mawenge eci no mukakuipisha. Unone liywi lya Nyamnbi kali angiwile. ¹⁰ Honine nalitanalisha mu enu yoihe mukonda wao anahanguliwa, ci nawo awane kuyoyishiwa oku kuli kwa Kilesite Jesu, ko kutethzima kokukana kupwa. ¹¹ Ou muambelo wasepahala ou uamba ci, ''Ngeci tunafu nenji, kenge twakuyoya nenji kalo. ¹² Ngeci tulitanalishe kenge twakuvuthsa nenji. Ngeci twamuhamula, naye kenge akutuhamula. ¹³ Ngeci katusepahala, aye asepahala shika shoshihe, mukonda aye katwesha kulihanula aye shinda.'' ¹⁴ Okwatelele kuwavulukishanga ei enu. Owatuminine pa meho a Nyambi ci ashiye kulikananinsha yo maywi; kaili no okwathsi ne yaipisha pohuma awa ateelela. ¹⁵ Olitanalishe kulimonahalisha kwa Nyambi kumonisha ci onatawethziwa, o muka kukwama okupila eshi nga ayuvela honyi, oyu fundisha shuwana liywi lyo shemwa. ¹⁶ Oshiye kuliamba ambela enu yokupila okwathsi, ei itwala kukutunda kwa Nyambi. ¹⁷ Kuamba koo kenge kwakuyanduluka eci ikola yo kanthsa. Mukaci ko kuli Himenausi no Filetasi, ¹⁸ awa anatundu mulikun'wa lyoshemwa. Aamba ci kupibduka kwakakufa kunakwamahala kale, ne aipisha shitawo anu amweya. ¹⁹ Shanga kengeyo, apa enemana Nyambi kunatanala. Kuli ou muambelo ou: ''Nyambi alimuka enji'' kalo ''Yomuhe oyu isha lithzina lya Fumu atunde ku umango.'' ²⁰ Mu mwanda uli no lufumo kakukalangile itofota yo gauda no shirivela pohuma. Kalo kwakalanga itofota yo itondo no lizupa. Imweya kwei inapakeliwa ku kulemekiwa, ne imweya inapakeliwa kushomololiwa. ²¹ Ngeci munu po likenisha ku kushomololiwa, oyo munu po shitofota shilemekiwa. Apakiwa kumbali, oli no okwathsi kwa n'athsile wenji, onaloisheliwa ekwama yoiwa yoihe. ²² Oyape ei ahima michaha. Ofote kuluka, shitawo, shihemo no kuliyala na anu awa alombela Fumu kutunda mu mucima okukena. ²³ Unone okane wanga no iipula yo wanga. Walimuka ci yaleta muyoyo (kulwa). ²⁴ Ngamba wa Fumu kaloelile kulwa. Unone aloela kukala munu omuwa kwa anu wahe, oyu twesha kufundisha no kukala no mucima oule, ²⁵ kushiulula awa akana kuliyuva no ko mucima ouwa. Nahimingwa Nyambi kenge awapa kuhumba ci alimuke shemwa. ²⁶ Atwesha piluka o kuluka kalo no kutunda mu kashaka ka diavulosi, oyu nawakwat ci akwame ei ahima.