¹ No kwethzelisha kwa Nyambi na Jesu Kilesite, oyu wa kuatula ayoya nawa anafu, mukonda wo kumonahala kwenji no ofumu wenji: ² Kutathze liywi; oli loishele kuuli mu umango no uwa. Oshomolole, okane, o kutathze, mu kukwata mucima no mu kufundisha. ³ Mukonda shikati kenge shikeya apo anu a kukana shifundisha shiyoisha.Inene, kenge aku liungekela afundishi kuthza mu kuhima ko, oyu wa kuamba yo uanga ateya maywi afota kuyuva. ⁴ Kenge a kukana kuyuva yo shemwa, kalo kenge a kuteelela ku matangu. ⁵ Unone awo, o likwate mu maano o inu yoihe. Onyande manene; okwame shikwama sha muambi wo evangeli; omanishelele ekwama yoe. ⁶ Mukonda nina lioleshela kumwaeliwa unyinga. Shikati shange sho kuthza shina keya. ⁷ Ninalu munvo thzothzi; Nina manisha likun'wa lyange; Nina tuleka shitawo shange. ⁸ Huthsi thzo kukena thzina loisheliwa yame, ethzo Fumu, muatuli omuwa, kenge akuthzinipa mwelyo liyuwa, ne kali yame pohuma, unone nowa awane anahimi kumonahala kwenji. ⁹ Oyakame mu kukeya kukwange. ¹⁰ Mukonda Dematsi onanishii. Ahima kano kaye ne onathzi ku Tetsalonika. Kiresensi onathzi ku Galatia, ne Tite onathzi Dalmatia. ¹¹ Shime Luka yona shiala nange. Oshimbe Mareka okee nenyi mukonda notokwa kukwange mu shikwama. ¹² Tikiko nina mutumu ku Efese. ¹³ Cathsi nanishii ku Troasi kwa Karpo, o mushimbe ou okeya, no mavuka, weciko matalo ana n'oliwa. ¹⁴ Alexandere mufuli wo ifu yo kopa ona ni monisha umango. Fumu kenge a kumuyumba kuthza mu ekwama yenji. ¹⁵ Name mulimamele kukwenji, mukonda alwisha manene maywi etu. ¹⁶ Mu kuliimanena kwange ko matatekelo, wahi naniimanena. Inene wahe awopo anishiya. Umango wo wa twaleliwa maano. ¹⁷ Unone Fumu onaniimanena ne ona nitalisha ici, ko yame, mawi aku ambiwe mu kuyala, ici anu angana owahe aku ayuve. Kalo shime na yoishiwa kutunda mukanwa ko nyime. ¹⁸ Fumu kenge aku niyoisha ku umango wouhe kalo kenge a kuniyoisha mu ofumu wenji wo kuwilu. Kukwenji mutethzime ko kukana kupwa. Amen ¹⁹ Ovumenene Pritsila, Akila no njiyo thza onetsiforo. ²⁰ Erasto ona shiyala ku Korinte, unone Trafino nina mushii mu mileta ko Kola. ²¹ Mukwame uwa wenu kufa kuthzishime kukeya. Euvulo a kukundelela, no Pudensi, Linutsi, Klaudia, no apange owahe. ²² Fumu akale no mupepo woe. Shihemo shikale nenu.