¹ Kuthza ko ekwama ya Nyambi kwa anu enji owa kenu, kakuniloelile ame kumi n'olela. ² Nalimuka ei muhima, kulishangala kwenu kwanu a Masedonia. Nina wa ambela eci Maakaya analiloisha kale kutunda makomwa. Kuotela kwenu kuna nyanyukisha waheno kukwama. ³ Nehoni nina tumu apange ici kulishangala kwenu tele kumu kwangishe, ici munaliloisha, eci muya nina miambela. ⁴ Shinga ci, kokuli Masedonia akeya nange kuna kuwa ci koliloishile nawa, kenge tuenishiwa- kwithsa ei niamba kukwenu- kokumisepa amwe. ⁵ Ci nina ayala kulinawa kuamba apange kukeya kukoye kuna kwama ikwama kokulivanga ko ipiwa ei munasepithsa. Ei ci kale kokuloisha ci fuyathzi kalo kalici eci mweya in kokuyumena. ⁶ Inu ei: Yofoci oyukuna kenge a yanga ci anakunu, kalo yofoci oyukuna ko livaka lyo fuyothzi kenge ayanga yofuyauthzi. ⁷ Mushiye munu yofoci ape omu ana ningela mu mucima wange, kali kukala pohuma mushi thzo mulao, mukonda Nyambi ahima awa shangala kumupa. ⁸ Kalo Nyambi atwesha kuninga yoihe ko shihemo kokuhe koe, ici, shikati sho shihe, muinu yoihe, mwatwesha kuwana yoihe mufota. ei kenge ikala ici wangu okulishe inu yoiwa munaningi. ⁹ Shemwa shemwa kuna kuna n'oliwa: "Onapa yo lufumu lwenji kalo onawapa aka likando. Oku kukena kwenji kutwala kuma maneneno." ¹⁰ Awa apiwa mbuto kwa kakulima awa akuna kalo shilya mukonda yo kulya kenge kalo ipiwa kalo ikulishiwo yo mbuto ci ikuniwe. Henge ivula yo kuyanga kokukena. ¹¹ Kenge mukulishiwa muinu no inu ci mukale no nyanyami. Ei kenge ileta kupa neo kwa Nambi kukwetu. ¹² Mukonda kushimbiwa koikwama kalici pohuma kuwawa ei afota anu a Nyambi owakenu, mukonda kalo ya yanduluka muinu yoingi ko mukalelo wo kushala kupa Nyambi. ¹³ Mukonda koku milika kalo kokuta ei ikwama, kalo kenge mwesithsa Nyambi, kumukuteka ko kuliambela kutwala membo a Kilesite. Kalo kenge mwesithso ko Nyambi ko nyanyami wo kupiwa kukwo kalo kwahae. ¹⁴ Anu enu, kalo ani lombela namwe. Akwame ei mukonda koi kwama yoiwa yo shihemo thsa Nyambi eshi shili kukwenu. ¹⁵ Kukandelela kuthze kwa Nyambi mukonda ko ikwama yo shipiwa!