¹ Twa fotaci mulimuka, apange, koshihemo sha Nyambi eshi anapa ku chechi thzo Mesedonia. ² Mushikati sho kulikiwa no kulila, mukuhima kwenu manene kuna onyisa likando no kumipa kuwawa shifumi mumoyo. ³ Napaka ci kenge atupa manene omuana tweshela, kalo kupitelela apo atwesha, kalo no kukala nawa mumaayalo o. ⁴ Atulomba atwe manene ci tuteelele mushikati sho kuliela mukulombela Nyambi kwanu enji owakenu. ⁵ Ei kaikwamahalile aci omutuna anekela, unone mulipe tango mwashinda kwa Fumu kalo ne kukwetu ko mayalo a Nyambi. ⁶ Kalo twalomba Tite, oyu natateka ekwama, kumanisha mukaci ekwama yo shihemo. ⁷ Unone munana wana inu yoihe -mushihemo, mukuamba, muku limuka, muku nyanyama, kalo no kuhima kwenu atwe, kalo mukwame manene muningithzo shihemo. ⁸ Na amba ee kalici kutumina, kalici juamba eci kumilika manene mukulihima mukufekisa kwenu kwa kulu amweya. ⁹ Mukonda mwa limuka shihemo sha Tata wetu Fumu Nyambi. Hinga hime nakala no shefumu, mukonda kalo nakala mulikando, ici kutwala muhutu wange watwesha kufuma. ¹⁰ Mukalu henge nimipa mayalo amikwasa, mwaka umweya, kamutwesha kutateka kuninga shimwaya, unone mwahima kuininga. ¹¹ Nehoni mumanishe, aci omu kukalela akulu namihimi kuininga kalo, mwatwesha kuileta ci tuimanishe, momuhe omu mutweshela. ¹² Mukonda mwanjipa kuninga eyi, yoihe lwa kutambula inu. Shatwesha kukala komunu omu anakalela, kalic kwei ana kwamanga eyi anapili. ¹³ Mukonda ei kalic ya kupa kenge kwamweya kali kulila kukwenu, kalici kwalukanela kukala nawa. ¹⁴ Mukonda kukwama kokuningela pofoci mushikati esho kufuma kwenu kenge kumipe kuwana mukufota kwenu, mushikati kalo mukufota kwenu kumipe kuwana kwenu, kalo ci muwane kokulikanelela. ¹⁵ Moliyo kunana n'oliwa "Yumweya oyu napaka manene kashiile shimweya, kalo yumeya oyu napaka shoshi onye kafoto." ¹⁶ Unone kushangala Nyambi, oyu napaka mucima wenji kwa Tite muningi thzo pofoci kumimamela amwe. ¹⁷ Mukonda katawile kulomba kwetu, mukonda kalo kokuhima kwenji. Nakeya kukwenu kokuhima ko mucima wenji. ¹⁸ Pofoci nenji ninawa tumu namwanenji kokulimukiwa manene mwilombelo mukutwala ikwama yo liywi. ¹⁹ Kali ei pohuma, mukonda yoliyo nahangliwa mwilombelo ci a endelele naye mwikwama yo shihemo, ei tukwama ci Nyambi ashangaliwe mukihima kwenji kwetu. ²⁰ Tukwame kengeyo ci tele atushomolole muinu yo kulikwathsa yoingi ei ituendisha. ²¹ Kakuli twa fota ci tuninge owa, kalici mumeho aFumu, mukonda no mumeho anu. ²² Tuna tumiwa kalo no mwapetu yumweya kalo, tuna muliki muma kun'wa okulishiyana shiyana tuna muwana oyu munu ci ona liloisha muikwama yoingi. ²³ Kalici Tite, mbushange kalo mukaikwama yange kukwenu. Awa apange, atumiwa oka ilombelo, kokwathsa kwa Kilesite. ²⁴ Honi muwa monishe shihemo, kalo muwa monishe posho thzo ilombelo no livaka thzo kuli shangala kwenu.