¹ Ahimiwa, hinga ci tuli no ikulupisho, tuli kenishe twahe koihe yo imango yo nyama no mupepo. Tuninge kokukena kokuyapa Nyambi. ² Mukwame ndao thzetu! katu ningile omango munu. katuipishelile munu. ³ Kali kumininga omango ou nina amba ei. mukonda nina amba kale ci mwakala mucima thzetu, mukonda twafota pofoci no kuyoya pofoci. ⁴ Nina kulupela manene kukwenu, okulu okulishangala nambo ci yamwe. Naliyuva nawa. nina nyanyuka mulikando lyolihe. ⁵ Apa natukeya manene kuma Sedonia, nyama thzetu kana thzilitulumwisha . Unone hime twakala nokalu mulikun'wa lyolihe kokulwa pola no kuyapa mukaci. ⁶ Unone Nyambi, oyu tanalisha owa alipaka kushi, oyu tanalisha atwe kukuma kwa Tite. ⁷ Kalici kukma kwenji ci Nyambi natutanalisha atwe. Kalo koku tanalisha, kwa Tite kokutambula kukwenu. Natu ambela yokulu kukumbelwa, mukulila kwenu, no kutwalela maano yange. Nehoni ninanyanyuka manene. ⁸ Hinga ci lin'ola lyange nali mianjipisha, kanili nyathza, unone kani linyathza owu nina mono ci lin'olo linamianjipisha, mushikati shosho onye. ⁹ Nehoni nina nyanyuka, kalici mukonda kanani miningi omango, unone mukonda kuanjipishiwa kwenu kunaleta ci muhumbe. kuliuka kwa thzimu kulila, nee munanyanda kokupila mukonda atwe. ¹⁰ Mukonda kwa thzimu kulila kuna letisha kuhumbe ci mamaneno okuyoishiwa kokupila kulyela. Kulila ko kaye, hanga hengeyo, kuna leta kufa. ¹¹ Mumone okulu owo likando owuhima Nyambi. Okulu mwine wumingisha ci kolino mulandu. Okulu mwine owanji, wo kuyapa, kufota, kuhima kwenu kwakumna ci mulao ukwamiwe! Muinu yoihe muna loisha mwashinda ci kaili no mulandu mwei. ¹² Hinga ci nina min'olela amwe, kani min'olelile ci mukonda ko omango, shanga oyu nyanda manene, unone eci owa kenge utu keyela atwe ci tulimuke kukwenu mumeh a Nyambi. ¹³ Kakuli apa twa ambeliwa. kuekethza apo kwetu kuhenga hengiwa, natwe twa loella manene mukonda ci Tite naloela. Mukonda ci owu mupepo unatuyukisha twaheno. ¹⁴ Unone hinga ci nilishangalele kwenu naye, kani pakiwile omango. Aci ipatuna, namiambela yoihe kukwenu shemwa, kuli shangala kwatu kukoye natile kutwala shemwa. ¹⁵ Kalo kuhima kwenji kukwenu kuna ningiwa ci mumamele kulipaka kwenu kokuhe, no mumuna tambulela aye ko kuyapa no kututuma. ¹⁶ Nina loela kalo, ci nina manenena kukulupela kukwenu.