¹ Kukwamena pafoci nenji, natwe kalo twa mi longethsa eci mwa tambula shihemo sha Nyambi sho tumbako. ² Mukonda ona amba, "Mushikati sho shiwa nina ku teelela, kalo mu liyuwa lyo ku yoisha na ni kukwathsa." Omone, honi shikati sho shiwa, omone, honi liyuwa lyo ku yoyisha. ³ Katu pakela munu yo muhe liwe lyo kumu kun'ukisha, mukonda katu himine eci endisho thzetu thzi kale thzo ku shomoloka. ⁴ Kali, tuna tawa atwe twa shinda ko ikwama yetu, eci twa apika a Nyambi. Twa apika enji muku kolopa nene mucima, mu kuli shoshomwa, mukupila, mu ukalu, ⁵ ku fuliwa, kupakiwa muka menga, mu nyaka-nyaka, muku kwama nene, mushi lavu-lavu, munjala, ⁶ mu uwa, mukulimuka, mu mucima ou thzungi, mu shihemo, mu mupepo oukenu, mu shihemo shoshiwa, ⁷ twa apika enji mu liywi lyo shemwa, mu okolo wa Nyambi. Tuna kwata yo kulwisha yo muombela ko lyoko lyo shilyo neli lyo shimolyo. ⁸ Twa kwama mu kupiwa likute no ku kana ku piwa likute, muku tuhopa omango, kalo no ku kutekiwa, eci twa kwa kwangela kandi twa ka shemwa. ⁹ Twa kwama eci kana atu limuka kalo tuna limukiwa. Twa kwama eci twa afa kandi twa mona nashingeno twa yoya. Twa kwama kupakiwa mukashitiko ko ekwama yetu ambene kali twa ka kufa. ¹⁰ Twa kwama eci aka kuena, ambene tuna nyanyuka mushikati sho shihe. Twa kwama eci twa ehutu, ambene twa ka kupila shimweya kandi tuli no inu yoihe. ¹¹ Natu amba yo shemwa yoihe ku kwenu, aka korinte, kalo micima thzetu ina yahama nene. ¹² Ka mu lishinenekile ko atwe, ambene mwa lishinenekethza mu mucima thzenu. ¹³ Ne kowoto muhushe na miambela eci mwa nuke muli yanjulule mwa shinda kalo. ¹⁴ Mwa shinda mupanga ofoci no aka kukana kutwa. Mukonda likothzi mwine elyo munu omuwa akala nalyo no munu oyu uli kushi? Mukonda ku liyuwa mwine kuli mukaci ko liyeye no milema? ¹⁵ Kuli yuvishana mwine kuli mukaci ka Kilesite no Veliele? nji shianga muka kutawa shine nga aliela no munu oku kana kutawa? ¹⁶ Kalo ku liyuva mwine kuwaniwa mu tempele thza Nyambi no tumbonya? mukonda twa tempele thza Nyambi oyu yoya, eci eli Nyambi na amba. "Kenge na kutunga mukaci ko kalo ni ende mukaci ko kenge na kukala Nyambi woo, kalo kenge akukala anu ange. ¹⁷ Nehoni, "Mukeye kutunda kukwoo, kalo mu lihande no, "Kwa amba Fumu. "Mwa kwata shinu sho mathzilo, ne kenge na kumitambula. ¹⁸ Kenge na kukala Tata wenu, kalo kenge mwa kukala anange o akwelume no ambuyama," kwa amba Fumu omukolo yo muhe.