¹ Tuna limuka eci njiyo thzetu thzo pano pashi-litengwe-thza epishiwa, tuli no njiyo kutunda kwa Nyambi. Nyiyo thzo kukana kuumba ko moko o anu, ambene njiyo thzo kukana kupwa, thzo ku wilu. ² Mukonda omu mulitengwe twashila, kuli kumbwethza kukala munjiyo thzetu thzo kuwilu. ³ Twali kumbwethza eshi mukonda pa kuthzipaka katwa kuk ⁴ Mukonda shemwa mushikati tuli omu mu litengwe, twa shila, no ku lemenena. Katu himine kukala shin'eke-n'eke. Kali, twa hima kubata, eci eshi shifa moyo ushi mine. ⁵ Oyu tu loishela eyi inu po Nyambi, oyu natupa mupepo oukolo ou wakwiya. ⁶ Nehoni shikati shoshihe mukulupele, kulimuka eci pano tuli ku liumb o mu ilama, tuli kule kutunda kwa Fumu. ⁷ Mukonda twa enda mu kutawa, kali mu kumona. ⁸ Ne tuna kulupela. Tuli shianga kule ku tunda kuilama kalo ku liumbo tuli na Fumu. ⁹ Ne twa kwama nene, shianga eci ku liumbo tuli nji shianga kwako, ku munyanyukisha. ¹⁰ Mukonda twa loela twahe kwiya katu shime kwiya ku kuatuliwa ku shipula sha Jesu, eci yomuhe a tambule kuthza ko inu na kwama muilama, shianga ko owa nji ko omango. ¹¹ Nehoni, mukulimuka kuyapa kwa Fumu, twa otela anu. Eyi shemwa tulinayo ya monahala kwa Nyambi, kalo na kulupela eci ya monahala kalo ku shihemo shenu. ¹² Katu eleka ku miotela kalo ku tumona eci a kwa ku hima. Kali, twa mipa eci mu liyube ko atwe, ne eci muwane shokutawa ko awo alishangala mu mu monahala ambe ne kali eyi ili mu mucima. ¹³ Mukonda kumona tuli kwako no mayalo etu, shili kwa Nyambi, kalo kumona tuli no mayalo omawa, shili ku kwenu. ¹⁴ Mukonda shihemo sha Kilesite shina tukwata, mukonda tuna manenena eshi. Oya munu yofoci ona fela anu wahe, kalo eci kalo nehoni wahe anafu. ¹⁵ Na fela wahe, eci awo ayoya ayoya awo ashinda ambene ku kwenji oyu ko awo wafile kalo no ku pinduka. ¹⁶ Ko shikuma eshi, kutunda pano no posho ka tungula amweya kuthza ku nyama, shianga eci na tulimuka Kilesite kuthza ko nyama. Ambene pano katwa kulimuka. ¹⁷ Nehoni, kumona yumweya po oliku Kilesite, oyu a ombiwa ope. Inu yo kale ina piti. Mumone, ana piluka o wapya. ¹⁸ Inu yoyihe eyi ya tunda kwa Nyambi. Ona tuhushu ku kwenji ko Kilesite kalo ona tupa endisho thzo kuhukela ku kwenji. ¹⁹ Eyo po, mu Kilesite Nyambi atushela kaye ku kwenji, ko kupila kuwa talela milandu thzo. ona ngenisha kukwetu liywi lyo kulihusha. ²⁰ Ne tuna hanguliwa okwimanena Kilesite, eci Nyambi atu lombela. Twa milombela, ko kuthza ko Kilesite: "Muhukele kwa Nyambi." ²¹ Ona mukwama oyu na kana ku limuka omango ku kala omu mango ku kwetu, eci tukale owawa a Nyambi ku kwenji.