¹ Naloela kulishangala, shanga ci kashi kwathsa shimweya. Unone enge nithza kwei ina monahala nei inahokoliwa kutunda kwa Fumu. ² Nalimuka mukwa kilesite pa myaka thzo likumi na thzine -hinga koshilama peulu thzo shilama, kanilimuka, nyambi alimuka -wa mushimbelile muliwilu lyo mushihatu. ³ Nokolo na limuka eci oyo mukwelume-anga koshilama anga peulo thzo shilama, kanilimuka, Nyambi alimuka- ⁴ wa mushimbelelile kupaladise no kuyuva maywi okukana kuyuvishishiwa nawa ci kali komulao anu ku aamba. ⁵ Ku munu wo hengeyo henge ni lishangala. Unone ko amekani lishangala, kutundisha kou mango wange. ⁶ Ngecipo nahangula kulishangala, kanikala shihanga, mukonda inge niamba yo shemwa. Unone nashiya yo kulishangala, eci kupile yo foci anakela yange kushiya ei anamono kukwange nei anayuvu kukwange. ⁷ Kunishiisha kulithzineke ame noshinda mukonda koukulu umweya ou unahokoliwa, ina piwa mungonga muilama yange, watundelela kwa satani kunanilwesha-neci lelo nalithzineka ame noshinda. ⁸ Luhatu konilomba kwa Fumu eyi, ci aye nitundishe kukwange. ⁹ Unone aye po amba kukwange, "shihemo shange shina kwama kukoye, mukonda maci thzili no ukolo kuhumango." Naloela kulishangala kuhumango wange, ne kalo ci maci thza kilesite thzikale kukwange. ¹⁰ Nehoni nakulupela kilesite ma kando, matuka, muhukalu mukunyandishiwa nomumukalelo oukalu. Mukonda ou nopila maci, nehoni na kolopa. ¹¹ Ninakala shihanga! munanibotela kweyi, mukonda ninaloela kushangaliwa kwenu. mukonda ci kali uwa kukala kushi thzoo ashiwaci apositola owakulu, anga hengeyo inapili. ¹² Shimonisho shoshemwa ya apositola shina kwamahala mukaci kenu no noukuluwouhe, yimonisha no inu yushokulu no kukomokisha. ¹³ Ngepi munapili komona uwa kupita ma keleke amweya, kupita ci kananikala umango kukwenu? Munikwatele kuhumango wu! ¹⁴ Mukenge! ninaliloishela kukeya kukwenu lo mushihatu kana kumilemisha, mukonda kanifota yenu. Nafota yamwe mukonda ana kaliwoliwo ana loishelanga ashemi. Unone, ashemi oliyo alohishela ana. ¹⁵ Ame naloela kutundisha yangeno kukwamena myoyo thzenu. Ngeci namihima nene, ne ame enge nimihima wa muhonye. ¹⁶ Unone hanga ci engeyo, kani mileshile yamwe, unone kutundelelooko ni munyanyami, yami nina mitundisha kuhunyanyami. ¹⁷ Nishimbe uwa wuyu yumweya inatumu kukwenu? ¹⁸ Inalombo Tite kukeya kukwenu, no kalo ina tumu yumwe wa penji kuthza nenji. Ici Tite unamono uwa wenu? Ici katuendile mu mupepo ofoci? Ici kana tuende mu muendelo ofoci? ¹⁹ Ayene mwayala ci shoshihe eshi shikati yatwe twa shenda natu lihamwenanga kukwenu? Meho a Nyambi, aimiwitwakala kwa Kilesite okutuamba yoihe mukonda ko kumitanulisha. ²⁰ Mukonda nayapa ci ou nikeye kanimiwana eci omu muhimena. Nayapa ci enge kukala kulwa, shipululu, kulilwesha, kulithzimba, kulihopa kulshangala, muyoyo. ²¹ Nayapa ci ou niuka, Nyambi enge anihenisha amwe kumunapiliko. Nayapa ci ou nilila myihothzi mukonda wowa ananingi shivi kale ao anakana kuhumba yo mathzilo no luthziho noi kwama yoimango na kwamanga.