¹ Olupo lumoshihatu ni keya kukwenu. "Yambo yoihe yaloela kutanala ou ikala no ipaki eli shanga ahatu." ² Enamba kale kwao ana kwama shivi kale no kwao walu ou nakalileko lomushili, nai amba kalo: ou nikeya kalo, kana kumifela n'eke. ³ Nani miambela ei mukonda mwa fotishisha nawa ci Kilesite amba kuli kwathsisha yame. Aye kali no omango ko amwe. Unone, akala no maci kukwenu. ⁴ Owu angongoteliwe pa mbinda mukonda ko umango, unone ayoya ko maci thza Nyambi. Mukonda atwe nou tuna kala nenji no umango, unone natwe twa yoya nenji ko maci thza Nyambi thzili kukwenu. ⁵ Mulipime amwe mwa shinda, kumonaci mulimushitawo. Muliheleke mwa shinda. Eyine kamu nangulile ei amwe mwa shinda, ci Jesu Kilesite oli nenu? shime ngeci, nga muna kwanga ci muna ipuliwa. ⁶ No kalo twa kulupela ci atwe katupalelwa ei tuna ipuliwa. ⁷ Twa lombela kwa Nyambi ci lelo mwa kwama umango. Kanilombelile ci tumonahale ci awa anatwesha ieleko. Unone na lombela ci muninge ei iloela, shanga ci twa monahala kukana kutwesha ei ina ipuliwa. ⁸ Mukonda ka tutwesha ku kwama shimweya kwei yo shemwa, unone shime yo shemwa. ⁹ Mukonda twa nyanyuka ou tubapa kalo amwe mwa kolopa. Nekalo twalombela ci mukwame yo kupwa. ¹⁰ Namin'olela ei inu ame kuinapili kukwenu neci ou nikala nenu eci lelo naninga yoikalu kukwenu no ukolo-ei Fumu onanipu ci nimikulishe, kali kumihusha pashi. ¹¹ Shomatumwena, andengenu, munyanyuke! Mupindule ikwama, mukale aka kuhotela, muanekele ei muhima, muyoye mukuliyala. No Nyambi oshihemo no kuliyala enge akala nenu. ¹² Mulibumenene angenjenu kokulicuveta kkuwawa. Wae anu aNyambi ami bumenene. ¹³ Shihemo sha Fumu Jesu Kilesite, no shihemo sha Nyambi, no kuliwana ko mupepo oukenu ukale nenu mwahe.