¹ Nalimuka ci inga mwa likwata nange ko utomba. ² Ambene kamulikwata nange! Mukonda namiyubela mbamba. Namiyubela mbamba ko Nyambi. Mukonda shime namikulupelisha mu maluo ku mukwelume yofoci. Namikulupelishile kumuli weci mumbanda kwa kilesite. ³ Ambene nayapa ci pamweya, eci omu liyoka lya angelile Eva mu unyanyami walyo, maanekela enu nahiminenji mu angeliwe mu unu no ushemwa kwa Kilesite. ⁴ Mukonda ngeci munu akeya no kuna limukisha yo Jesu yumweya kupita oyu natukutathza. Inji mwa tambula mipepo thzo kulishiyashiya kupita ethzi namutambula. Inji kutambula evangeli thzathzo kushiya ethzi namutambula. Mukwate shiwana eyi inu! ⁵ Mukonda na anekela ci mwahi omu niwapita awa eshiwa ci a apositola oshokulu. ⁶ Ambene shianga ci na shomololiwa mu kuamba. Kani shomololiwa mu maano. Mu makun'wa owahe no inu yoihe tuna imilimukisha. ⁷ Shime nakwama shivi ou nani liushu pashi ici amwe mukulishiwe? Mukonda shime na kutathza evangeli thza Nyambi ko kupila ukalu. ⁸ Nani lombo ma lombelo amweya mukuwana maci kuko ici naku miyoyishe. ⁹ Ou nani kala nenu ne kana nikala no inu, wahi nani umbisha. Mukonda apange oku Mesodonia oliyo naani kwathsa. Mu inu yoihe nina likwata ci namipa ulemu, ne kenge niekethza kuninga kengeyo. ¹⁰ Weci ushemwa o Kilesite uyale ku kwange, kuliyuvishisha kwange kakwa kututwalishiwa mu ivaka yo Akaya. ¹¹ Yine? Mukonda kani mihimine? Nyambi yolimuka. ¹² Kalo eyi nikwama kenge niikwama, ici nakukwangishe awa afota ivaka yo kuliwana ci alipitula netu mu inu aliyuvishishela. ¹³ Mukonda anu o kengeyo a apositola o n'anda no aka ikwama yo imango. Alipilula kukala a apositola a Jesu. ¹⁴ Ne ei kaikomokusha, mukonda shianga Satani onalipilula aye shinda kukala lingeloi lyo liyeye. ¹⁵ Kaku komokihsa nene ngeci angamba enji nawo ou alipilula ashinda ci angamba owakenu. kupwa ko kenge kukala ko ekwama yo. ¹⁶ Naamba kalo: Munu a anekela ci no shianga. Ambene ngeci moliyo muanekela, muni tambule mu uanga ici nakulishangale kamanana. ¹⁷ Ei niambela yo kulishangala_kani amba muliano lya Fumu_Na amba weci shianga. ¹⁸ Mukuninga anu owangi alishangala ko Nyambi, Name kenge naku lishangala. ¹⁹ Mukonda amwe mwatambula yianga mwanyanyami! ²⁰ Mukonda mwatambula munu mitwala mu upika, shianga amilyela, nou aminyanga, ami endishe, inji ami mbandaule. ²¹ Kenge ni amba mu kuyema ci kana tunalisha kukwama. Ne ngeci yumweya alishangala-Na amba weci shianga -Name kenge nakulishangala. ²² Ici maheveru nji? Name. Ici akwa Isilaele nji? Name. Ici aka mukuta wa Abrahama? Name. ²³ Ici angamba a Kilesite nji? (Namba shianga ci no shiianga) Nawa pita: Mu ekwama yoikalu, muma tolongo owangi, mu kufula ko manene, mu kumona mafu owa mango. ²⁴ Ku maJuda natambulile "ma mbafa omakumi ane kupila kushiya thzofoci" mu miendo mutanu. ²⁵ Ani mwa shilishile mbafa mu miendo thzihatu. Shime na kuwaaniwa mawe lofoci. Nafeleliwile shisepe luhatu. ²⁶ Nakalile ushiku no mutanya pa lyanda lyo likululwale. Nakalile mu miendo thzothzingi, mu ukalu ku maviya, mu ukalu ku ethzi, mu ukalu ku anu ange, mu ukalu ku anu angana, mu ukalu mumaumbo, mu ukalu mu mbulwa kukutu, mu ukalu ku likululwale, mu ukalu uapange owa mango. ²⁷ Nina kala mu ekwama yo ikulu no okolo, mu kuungela manene ushiku, mu njala no linyotwa, nina liyumena ilya lungi, mu mepo no shin'eka n'eka. ²⁸ Kutundishako imweya, kuli ukalu umweya wo liyuwa no liyuwa ufota ci niuloshe muma lombelo owahe. ²⁹ Elye ofokola, kukane kufokola yame? Elye na kun'uka, ne nikane kupya? ³⁰ Ngeci naloela kulishangala, kenge naku lishangala kuthza mu shimonisha sho kufokola kwange. ³¹ Nyambi Tata wa Fumu wetu Jesu, oyu na fuyauthziwa ko kukana kupwa, alimuka ci kani angela! ³² Ku Damaseka, muvuthsithsi wa Fumu Aretatsi shime alonda liumbo lyo Damaseka ici ani akwate. ³³ Unone shime na langekiwa shithzuma shoku luingeneno. amepo niyoya kutunda mumoko enji.