¹ Honi Afilisita awopo awaneka mashwalale kuliloishela mvo. Kuma aliwanenine ku Soko, litunga lya Juda. Kuma akwamine shilombo mukaci ka Soko na Azeka, mu Efesi Damimi. ² Saule no akwelume omu Isilaele awopo aliwana no kukwama shilombo mu lyandaana lya Ela, ne awopo aliloishela kukaliwana no Afilisita. ³ Afilisita awopo aimana pa mukinya ku lineku lyofoci, ne ana Isilaele awopo aimana pa mukinya ku lineku limweya mukaci ko kuma kwakalile lyandaana. ⁴ Mukwelume o mukolo ayepo tunda mu shilombo sho Afilisita, mukwelume o lithzina lyo Goliati, ule wenji neli moko mutanu na lyofoci(6) no lyoko linayandumuka. ⁵ Kuma avatile huthsi thzo shifu ku mutwi wenji, kalo kuma avatile eto yo shifu yo kulwisha, ulemmu wayo neli mashekel 5000. ⁶ Kuma avatile ilwisho yo shifu ku maulu enji kuma ashimbile mikili thzo shifu mukaci ko mapee enji. ⁷ Teku thzo ñothzi tzenji neli thzikulu, ethzi thzili nomu mo kukwatela ci thzikuhiwe shuwana. Mutwi o ñothzi thzenji kuma wakalile no ulemu ukuma ita mutanu na shofoci (600) yo msahekelele o shifu. Muka kushimba teve thzenji yoliyo walitangethzile pa posho thzenji. ⁸ Ayepo imana kukuwelela ku mashwalale o Isilaele, ''Ine munakeyele ku mvo? Kali no Mukafilisita ame, ne amwe kali mwa apika a Saule? Muhangule mukwelume mukaci kenu ne akeye kukwange. ⁹ Ngeci kenge atwesha kulwa nange ne ayepo nipaa, pohuma kenge tupiluka apikenu no kumikwamena. Ambene ngeci nimutweshe ne amepo nimupaa, nehoni kenge mupiluka apiketu.'' ¹⁰ Kalo Mukafilisita ayepo amba, ''Lelo nashomolola mashwalale o Isilaele. Munipe mukwelume nilwe nenji.'' ¹¹ Saule no ana Isilaele wahe apa ayuvile ei ambile Mukafilisita, awopo ahuka munyima ne awopo ayapa nene. ¹² Honi Davida neli mwana Muefereta wo mu Betelehema mu Juda, olithzina lyo Jese. Kuma akalile no ana owakwelume mutanu no ahatu (8). Jese neli akulupala mu mayuwa a Saule, o kukulupala nene mukaci ko akwelume. ¹³ Ana a Jese owakulu ahatu kuma ashupwelile Saule ku mvo. Mathzina o anenji ahatu awa athzile ku mvo neli Eliabi o mweli, oyu mutatama neli Abidanabi, ne omushihatu neli Shama. ¹⁴ Davida neli yoliyo omwanuke kukwo wahe. Owakulu ahatu kuma ashupwelile Saule. ¹⁵ Honi Davida kuma nahukanga oku no ku mukaci ko mashwalale a Saule no mangu a tata wenji ku Betelehema, kukaalisha. ¹⁶ Mu mayuwa makumi ane oyo Mukafilisita o mukolo kuma nawahenyenanga mashikushiku no lungulo kukeyanga ci nalwe. ¹⁷ Nehoni Jese ayepo ambela mwanenji Davida, ''Otwalele akulwoe efa thzo uloto o kupona no ei inkwa likumi(10), oyakame otwalele akulwoe ku shilombo. ¹⁸ Kalo otwale aa makende likumi o shikuwa kwa mukakuendisha mashwalale owangi. Okamone akulwoe nji ali shuwana, ne okahushe upaki umonisha ci ali shuwana. ¹⁹ Akulwoe ali na Saule no akwelume wamweya o mu Isilale mulyanda lya Ela kulwa no Afilisita. ²⁰ Davida pinduka mashikushiku ne ayepo shiya mangu mu moko a mulisini. Ayepo shimba ei napiwa ne ayepo thza, eci omu namutune Jese. Ayepo kuma mu shilombo mashwalale kwathza ko kulwela kwa kuwelela mvo. ²¹ Nehoni ana Isilaele no afilisita awopo aliloishela mvo, mashwalale kulwa no angenjo nashwalale. ²² Davida ayepo shiya inu yenji kwa mukwa kunyunga itenga, ayepo ndandumukela kwa mashwalale, ne ayepo kavumenena akulwenji. ²³ Kushiamba no, mukwelume o mukolo, Mukafilisita oku Gati, o lithzina lyo Goliati ne ayepo tunda kwa mashwalale o Afilisita, ne ayepo amba maywi okulipitula eci atatekelile kuamba. ²⁴ Akwelume wahe o mu Isilaele apa amonine oyo mukwelume, awopo andandumuka kutunda kukwenji ne kuma ayapile nene. ²⁵ Akwelume o mu Isilaele awopo aamba, ''Onamono oyu mukwelume nakeya? Onakeya kuna shomolola ana Isilaele. Fumu kenge apa lufumo lolungi kwa munu yomuhe oyu mupaa, ne kenge ashekisha mwanenji owambuyama kukwenji, ne njiyo thza tata wenji ksthzikulanga mutelo mu Isilaele.'' ²⁶ Davida ayepo ambela akwelume awa aimanine kumbali thzenji, ''Kenge kukwaniwa ngepi kwa munu oyu paa oyu Mukafilisita no kutundisha kushomololiwa mu Isilaele? Elye oyu Mukafilsitai okukana kuthza ku mukanda ci ashomolole mashwalale a Shinda sha moyo oyu yoya? ²⁷ Nehoni anu awopo ahukela kuamba ei naamba ne awopo amutongwela yo, ''Ne yo munu oyu mupaa kenge ikwamiwa ²⁸ Eliabi mukulwenji o mukulu ayepo yuva ei naamba no akwelume. Eliabi ayepo anjipela Davida, ne ayepo amba, ''Ine nokeyela kuno? Aya mangu oapu kwalye onaashii mu mumbulwa? Nalimuka kuliyuvishisha koe, no omango uli nu mcima oe; mukonda onakeya kuno ci nomone mvo.'' ²⁹ Davida ayepo amba, ''Honi ine ninakwama? Kali kuma ninaipula pohuma?'' ³⁰ Ayepo piluka kutundaa kukwenji no kutanekela yumweya, ne awopo ambaula enu yokulipitula. Anu awopo atawa omu natawela pa matatekelo. ³¹ Maywi naamba Davida apa nayuviwa, mashwalale awopo akaambela Saule ne ayepo tuma anu kwa Davida. ³² Nehoni Davida ayepo ambela Saule, ''Lelo kwakala mucima o munu ou ulishoshomwa mukonda oya Mukafilisita; mupikoe kenge athza kukalwa nenji oya Mukafilisita.'' ³³ Saule ayepo amba kwa Davida, ''Kotwesha kuthza ko yu Mukafilisita kukawala nenji; mukonda owe oshili o mwanuke, kalo ayepo mukwelume o mvo kutateka ku wanuke wenji.'' ³⁴ Ambene Davida ayepo ambela Saule, ''Mupikoe kuma nalishanga mangu a tata wenji, Apa nakukeyanga nyime nji bere kunakwata lingu mu mulaka, ³⁵ kuma namundandumukishile no kukamulwisha, ne amepo nikalimunynga ku kanwa kenji. Apa akatukile kunilwisha, amepo nimukwata ku mutwi, kumufula, ne amepo nimupaa. ³⁶ Mupikoe onapaa kale nyime no bere yoihe. Oyu Mukafilisita okukana kuthza ku mukanda kenge alipitula eci shimweya kweyo iyama, amona onashomolola mashwalale a Nyambi oyu yoya.'' ³⁷ Davida ayepo amba, ''Shinda sha moyo kuma aniamwenine ku mayala o nyime no kumayala o bere. Kenge aniamwena ku lyoko lyoyu Mukafilisita.'' Nehoni Saule ayepo ambela Davida, ''Othze, ne Shinda sha moyo akale noe.'' ³⁸ Saule ayepo vateka Davida ito yenji yo mvo. Ayepo muvateka huthsi thzo kopa ku mutwi, kalo ayepo muvateka canthsi o shifu. ³⁹ Davida ayepo angelela mwele wenji pa shito shenji sho mvo. Ambene katweshile kuenda, mukonda akalifundishile kuiendisha. Nehoni Davida ayepo ambela Saule, ''Kanitwesha kuthza kukalwa noi, mukonda kanilifundishile yo.'' Ne Davida ayepo ihulula. ⁴⁰ Ayepo shimba mulamu wenji mu lyoko ne ayepo hangula mawe mutanu oawa (5) ku kawaana; ayepo apaka mu mukotana wenji oulisani. Legeni zenji kuma thzakalile mu lyoko lyenji apa ahenyenine Mukafilisita. ⁴¹ Mukafilisita ayepo keya ne ayepo henyena Davida, no muka kushimba teve thzenji kuposho thzenji. ⁴² Mukafilisita apa atanekile ne ayepo mona Davida, ayepo mushomolola, mukonda neli mwanuke, omukihu, no uwa. ⁴³ Nehoni Mukafilisita ayepo ambela Davida, ''No mbwa me, apa onakeya kukwange no milamu?,'' ne Mukafilisita ayepo kuta Davida ko athzimu enji. ⁴⁴ Mukafilisita ayepo amba kwa Davida, ''Okeye kukwange, ne kenge nipa nyama thzoe ku inyunyi yo muwilu no ku iyama yo mu mulundu.'' ⁴⁵ Davida ayepo tawa Mukafilisita, ''Wakeya kukwange no mwele, ñothzi, no muondo. Ambene ame nakeya kukoe mu lithzina lya Shinda sha moyo o mvo, Nyambi o mahswalale, o Isilaele, awa onashomolola. ⁴⁶ Lelo Shinda sha moyo kenge anipa kukutwesha, ne kenge nikupaa no kutundisha mutwi oe ku elama yoye. Lelo kenge nipa ivimbi yo mashwalale o Afilisita ku inyunyi yo muwilu no ku ikondwama yo mu kaye, ci kaye kokahe kalimuke ci kwali Nyambi mu Isilaele, ⁴⁷ kalo ci wahe awa analiwana pano alimuke ci Shinda sha moyo ka amwena no mwele nji ñothzi. Mukonda ethzi mvo po thza Shinda sha moyo, ne kenge amipa mu moko etu.'' ⁴⁸ Muka Filisita apa akatukile kuhenyena Davida, nehoni Davida wanguwangu ayepo ndandumuka kuhenyena kukaliwana nenji. ⁴⁹ Davida ayepo ingenisha luoko lyenji mu mukotana wenji, ayepo shimba mo liwe, ayepo likunupa mu legeni, ne alyopo likafula muka Filisita pa lupala. Liwe alyopo liingena pa lupala lwa muka Filisita, ne ayepo wishela lupala lwenji pashi. ⁵⁰ Davida ayepo twesha muka Filisita ko legeni no liwe. Kuma afulile muka Filisita kumupaa. Kakwalile mwele mu lyoko lya Davida. ⁵¹ Nehoni Davida ayepo ndandumuka ku kemana kwa muka Filisita ne ayepo shimba mwele wenji, ayepo uhomona mu shipusu, kumupaa, no kumuteta mutwi nao. Afilisita apa amonine mukwelume wo o mukolo ci onafu awopo acila. ⁵² Nehoni akwelume o Isilaele no Juda awopo akatuka kwa kuwelela, ne awopo andandumukisha Afilisita kukawakumisha ku lyanda no ku mashelo o Ekroni. Afilisita awa afile kuma alalile mu likuñwa lyo kuthza ku Sharaimi, kukakuma ku Gati no Ekroni. ⁵³ Ana Isilaele awopo ahuka kutunda ku kuchithza Afilisita, ne awopo ashimba enu yakalile mu shilombo sho. ⁵⁴ Davida ayepo shimba mutwi wa muka Filisita kuuleta ku Jerusalema, ambene ayepo paka shito shenji sho mvo mu tende. ⁵⁵ Saule apa amonine Davida kutunda kukulwisha muka Filisita, ayepo amba kwa Abinere, muka kuendisha mashwalale, ''Abinere, mwana lye oyu mwanuke?'' Abinere ayepo aamba, ''Eci eli oyoya, fumu, kanimulimuka.'' ⁵⁶ Fumu ayepo amba, ''Okaipule awa alimuka, ci mwana lye oyu mwanuke.'' ⁵⁷ Davida apa akahukile kutunda ku kupaa muka Filisita, Abinere ayepo mushimba, no kumuleta kwa Saule no mutwi wa muka Filisita mu lyoko lyenji. ⁵⁸ Saule ayepo amba kukwenji, ''Omwana lye , owe mushumba?'' Davida ayepo tawa, '' No mwana mupikoe Jese oku Betelehema.''