¹ Yonse mbunga yabantu yakanyamuka ape okutola Jesu kuli Pilato. ² Bakatalika kumutambikizya, okwamba kuti,''twamujana oyu muntu kalikusowa zisi zyesu, kupa mitelo kuli Siza, okwamba kuti enguwe mukamwini ngu kilisitu, mwami.'' ³ Pilato wakamu buzya, kuti,''te uli mwami wama Juda na? Jesu wakataba okwamba kuti,''wamba.'' ⁴ Pilato wakati kubapaizi bapati embunga yabantu,''takwe ninda jana bubi muli oyu muntu.'' ⁵ Pesi bali kutunda mena, kati,''wakupa ndakamizi kubantu, kwiyisya mbwi zulwa yonse Judiya, kutalikila ku Galili mane okuno kubusena.'' ⁶ Mponya Pilato nakavwa eci, wakabuzya kuti na oyu muntu ngoku Galili. ⁷ Nakaziba kuti wali kwendelezigwa o Helodi, wakamutumizya Jesu kuli Helodi, welwakwe wali ku Jelusalemu mumazuba ayo. ⁸ Helodi nakabona Jesu, wakanonenwa, kambo walikuyanda kumubona kakwindide mazuba manji. Walikuvwa anga kujatikizya nguwe ape waliku yandisisya kubona zitondezyo zyali kucitwa anguwe. ⁹ Helodi wakamu buzisisya Jesu mumabala manji, pele Jesu takwe cakataba. ¹⁰ Bapati pati aba lembi bakaima, cobukuli okumutambikizya. ¹¹ Helodi aba sikalumamba bakwe bakamu tukayika Jesu okumufubazika. Mponya bakamu zwatika cibiya cilamfu cibotu mponya bakamutola kuli Pilato. ¹² Kambo Helodi o Pilato bakaba bezinyina bomwi obuya buzuba, kambo musule bali balwani. ¹³ Pilato mponya wakabaita antomwi bapaizi bapati aba leli embunga yabantu ¹⁴ Okwamba kuli mbabo,''mwandetela oyu muntu ulikusowa bantu kandibwene, nindabuzya kulinwe takwe nikwajaika bubi muli oyu muntu kujatikizya ezi zintu zimwali kumutamikizya. ¹⁵ Takwe, naba Helodi, kambo wakamupilusya ape kuliswe. Okubona, takwe cinda olufu cakacitika anguwe. ¹⁶ Ndiyo mupezya ape okumugwisya.'' ^{17 18} Pele bense bakaonglola kulila, bakati,'' azwe muntu oyu, amutwangunwide Banabbasi'' ¹⁹ Banabbasi walimwalumi wali muntolongo Kmbo kolupyopyongano mucisi ape, olokujaya. ²⁰ Pilato wakabalailila ape, okuyanda kwangununa Jesu. ²¹ Pele bakongolola , bakati'' akankaminwe, akankaminwe.'' ²² wakati kuli mbabo lwatatu,'' kambo nzi, ncibi nzi ncakacita munyu oyu? takwe mulandu welede lufu ngundajana mulinguwe. Nkokuyi ndamana kumusubula, ndilamwangununa.'' ²³ Pele bakazumanana kongolola, kuyanda kuti akankaminwe . Majwi abo akazunda Pilato. Mponya ²⁴ Pilato wakayeya kuyatula mbuli mbobayanda. ²⁵ Wakangununa oyo ngubalikukumbila wabikidwe muntolongo akambo kolupyopyongano ape olo kujaya. Pele wakaba Jesu mukuyanda kwabo. ²⁶ Nibacili kuyomutola, bakajata umwi Saimoni woku Kirene, walikuyobuzwa kucisi, mponya bakamupa mpanda kuti ayumune, kucilila Jesu. ²⁷ Imbunga yabantu, ape abanakazi bakamulila okumufwida luzyalo, balikuyo bucilila. ²⁸ Pele nakabacebuka, Jesu wakati,'' nobanakazi be Julusalemu, mutandilili, pele amulile lwenu ape abana benu. ²⁹ Nkambo amulange, mazuba ayosika nibayoti, 'balilekidwe abo batazyali ape amada atakatumbuke , ape enkolo zyatakanyonsya ? ³⁰ Mponya bayotalika kwambila malundu kuti , 'amutuwide,' ape okutulundu , kuti, amutuvumbe .' ³¹ Kambo kuti zintu ezyi zyacitwa musanu kaucili mutete, ciyoba buti wakuyuma?'' ³² Bamwi balumi , zigebenga zyobile, zyakatolwa anguwe kuti bakajaigwe. ³³ Nibakasika kubusena butegwa '' kapepe komutwe,'' awo bakamukankamina antomwi ezyigebenga umwi kucilisya umei kucijoyo cakwe . ³⁴ Jesu wakati , '' tata, balekelele , kambo tabazi ncibacita.'' Mponya bakatalika kuma njuga okwabana zizwato zyakwe. ³⁵ Bantu bakaima kabalangilila awo basololi nibaliku mufu bazika , kabati, '' wakafutula bamwi. Amumu leke alifutule , kuti na ngu kilisito wa Leza , musale wakwe.'' ³⁶ Ambabo basilumamba bakamufubazika , bakaza kulinguwe , oku mupa waini wakasasa . ³⁷ Mponya bakati, '' kuti na uli mwami wama Juda , lifutule .'' ³⁸ Ape kwali citondezyo alinguwe,'' calikuti oyu ngo mwami wama juda.'' ³⁹ Umwi wezyigebenga wangidwe wakamu sampola wakati, ino toinsi ndiwe kilisitu? lifutule aswibo utufutule.'' ⁴⁰ Pele umwi wakamupatokila , wakati,'' ino '' toyowi Leza, kambo tule cisubulo celede nzi twakacita? ⁴¹ Pele swebo ncozyo twasubulwa bwelede, kambo tulatambula celede milimo yesu. Pele oyu muntu takwe cibi ncakacita.'' ⁴² Mponya wakati,'' Jesu, ukandiyeye wakusika mubwami bwako.'' ⁴³ Jesu wakati kulinguwe,'' ncozyo ndakwambila uyoba amibo mu paladaizi.'' ⁴⁴ Cali cindi ce wola lyo musanu akomwi, mponya mudima wakasika mucisi cense kusikila ku wola lyo musanu otune ⁴⁵ Izuba lwakaba mudima. Mponya cisinkilizyo ce Tempele cakayauka muzipanzi zyobile. ⁴⁶ Wakalila ejwi pati, Jesu wakati,'' tata , mumanza ako ndautambikizya muya wangu.'' nakamana kwamba namuya , wakafwa. ⁴⁷ Ino sentuliyoni nakabona cakacitika, wakalumbaizya Leza wakati, '' nconzyo muntu oyu waliluleme.'' ⁴⁸ Ino makamu ense abantu akaza antomwi kuzolangilila zintu zyaliku citika , akapiluka kayobulyuma azyamba zyawo. ⁴⁹ Pele abo bense bamwizi, ape abanakazi bakamucilila kuzwa ku Galili, bakaimina alele, kabebela zintu ezi. ⁵⁰ Mponya , kwali mwalumi utegwa Josefa, wali umwi wabolu patipati. Wali mubotu ape waliluleme. ⁵¹ Oyo mwalumi takwe nakazumina emizezo yabo ape emicito yabo. Walikuzwa ku Alimateya, kucisi cama Juda , ape walikuyandola bwami bwa Leza. ⁵² Oyu muntu, wakainka kuli Pilato, kuyokumbila mutunta wa Jesu. ⁵³ Wakauselusya ansi , okuvungaila musila bbotu, ukubika mu kumbu lyakasigwa mubbwe, omo munga takwe walinonga wabikakwa. ⁵⁴ Bwali buzuba bokuli bambila , ape nsabata yali afwifwi okutalika. ⁵⁵ Banakazi bakaza o Jesu kuzwa ku Galili bakacilila kuyobona kumbu ape okuyobona mutunta mbuwaka zikwa. ⁵⁶ Bakapiluka okuyobona Tununkilizyo ape amafuta mponya mu nsabata bakapumula mbuli mbukwa bambidwe omulawo.