¹ Ino pobwe yomukamu utakwe mumena niyakawena, utegwa pasika. ² Bapaizi bapati abalembi bali kuyanda mbuba konzya kujaya Jesu, kaambo bali kuyowa bantu. ³ Ino satani wakanjila muli Juda, walikwitwa kuti sikalioti, umwi wabo bali kumi abobile. ⁴ Juda wakaika kubapaizi bapati abasilumamba okwambola ambabo bwati mukake Jesu kuli mbabo. ⁵ Baka nonenwa oku zumina kuti balamupa mali. ⁶ Eguwe wakazumina okuyandola nako yokubwaba kulimbabo kakutakwe mukamu abantu. ⁷ Bwakasika buzuba bomukamu utakwe mumena, ⁸ mwelede kupaizigwa mwanambelele wa pasika. Mponya Jesu watuma Pita o Joni, wabambila kuti,"amwike mukatubambile cokulya capasika, kutegwa tukonzye kulya. ⁹ Bakamubuzya kuti,Ïno muyanda kuti tukabambile kuli?" ¹⁰ Wakabataba okwamba kuti, amubone, mwajila mudolopo muntu uyumwide nongo yamanzi uyomuswana. Mumucilile munganda mwati kanjile. ¹¹ Mukamwambile mweni ganda kuti, mwiiyi wamba kuti kuliyebo, ino njili nganda, mweti lide pasika abasikwiya bangu?" ¹² Uyomutondezya ganda mpati yo mujulu ibambidwe obutu, mukali bambile kunko. ¹³ Mponya bakaika, okujana zyeense mbuli mbwakabambila. Mponyina babamba cokulya ca pasika. ¹⁴ Niyakasika nako, wakakala ansi abapositolo bakali kumi abobile. ¹⁵ Ino nakabambila mbabo kuti,"masimpe ndilayandisya kulya anywebo pasika eyi kentanopenga. ¹⁶ Kambo ndamwambila kuti, sikoyolya ape kusikila kukazulile mu bwami bwa leza. ¹⁷ "Mponya Jesu wakaza cinywido, nakamana kulumba, wamba kuti, amubweze eci, mwabane akati kenu. ¹⁸ Ndamwambila kuti sikoyonywa ape mucelo wobusansa mane bukasike bwami bwa leza. ¹⁹ Mponya wabweza mukamu, nakamana kulumba, wakomona, okupa, wamba wati,öyo ngo mubili wangu, wapegwa kuli nywebo, mucite eci mukundiyeya. ²⁰ Wakabweza cinywido muzilajiyonyina nibakamana mulalilo, wamba kuti,ëci cinywido ngomulongo mupya wobulowa bwangu butikila nywebo. ²¹ Pele amuswilile. Janza lyoyo wakandaba lili amibo atebulu. ²² Kambo mwana omuntu masimpe ulainka mbubonyina mbukwakakazigwa. Pele mayo kuloyo muntu umwaba. ²³ Ino bakatalika kubuzyanya kuti, ino nguni akati kesu unga ulacita namu? ²⁴ Ino kwakabuka kuzumanana akati kabo nkokuti nguni akati kesu uyeigwa kuti ngomupati. ²⁵ Wakabambila kuti, bami babamasi balabalela, oyo umwi izimizidwe kuli mbabo baitwa kuti mbasimalelo abo. ²⁶ Pele tacilukede kubanamuya kuli nywebo. Nikuba namuya, muleke oyo mupati akati kenu abe mbuli mwana munini, mponyina oyo uyandika abe mbuli upa kulya. ²⁷ Pele nguni mupati, oyo ukal atebule, na oyo uteta kulya? taisi guwe ukala atebule? mebo ndili akati kenu mbuli oyo ubeleka. ²⁸ Pele nywebo ndinywe mwaka zumanana amibo mumapenzi. ²⁹ Ndamubika mu bwami, mbuli tata mbwakanditola mu bwami, ³⁰ Kuti kukalye okunywa atebule lyangu mubwami, muyokala acibbula okubeteka misyobo ili kumi yaba Izilayeli. ³¹ Simoni, Simoni, langa, satani wazumizigwa kuti abe ayibo kuti akulonzye mbuli maila. ³² Pele ndakukomba, kuti lusyomo lwako lutamani. Niwatalina kusanduka, bayumye banyoko." ³³ Pita wakabambila kuti, mwami, ndalili bambile kwinka ayibo muntolongo nikuba kulufu. ³⁴ Jesu wakataba, ndakwambila, Pita mizigili takolila sunu, kotanondikaka totatwe kuti todizi. ³⁵ Ino Jesu wakamba kuli mbabo, nindakamutuma kamutakwe cikwama enkomo na endyato, ino mwakabula zi?" ³⁶ Wakamba kuli mbabo, ino omwi utajesi cinkwama, mumuleke abweze, enkomo izwide. Utajesi sabule auzye ngubo aule sabule. ³⁷ Kambo ndamwambila kuti, cililembidwe alimebo cilukede kuzuzikizigwa, wakabaililizya omulawo omwi. ³⁸ Makani ali mukwambwa kuli mebo azuzikizigwe." Ino nibakamba kuti,"mwami, langa! gaya masabule obile wamba kuti mbabo, cabomwa. ³⁹ "Jesu wakainka, mbuli mbwakazi, acilundu ca oliva basikwiya bakamucilila. ⁴⁰ Nibakasika, wakamba kuli mbabo, mukombe kuti mutajili mumasunko. ⁴¹ "Wakainka ale ambabo mbuli mawalilo ebbwe, wafugama wakomba. ⁴² Wamba kuti, tata, na wayanda, gwisya komoki eyi kulimebo nikuba namuya kutainsi mukuyanda kwangu, pele mukuyanda kwako. ⁴³ Ino mungelo uzwa kujulu wakaboneka kuli nguwe, okumudisya nguwe. ⁴⁴ Mukuba mumapenzi, wakakombelezya, tukuta yakwe yakaba mbuli madosi obulowa alokela ansi. ⁴⁵ Nakanyamuka kuzwa mukukomba, wakaza kuli basikwiya okujana balilede kambo kamause. ⁴⁶ Okubambila kuti,"ino kambozi mulikona? Amubuke mukombe, kuti mutajili mumapenzi." ⁴⁷ Ino nacili kwambola, langa, kwakasika makamu abantu, o Juda, woumwi bali kumi abobile, kabendelezya. Wakaswena ambali o Jesu kuti a mumyonte, ⁴⁸ Mponyina Jesu wakamwambila kuti, Juda waba mwana omuntu okumyonta? ⁴⁹ Ïno abo bazungulukide Jesu niba kabona calikutika, bakamba kuti, mwami, tuyase e sabule na?" ⁵⁰ Mponyina umwi wakauma muzike wo mupaizi mupati, waka mudusula kutwi kwakwe ko kucilisya. ⁵¹ Jesu wamba kuti,"cabo cabonwa! wajata kutwi kwakwe okumuponya. ⁵² Jesu wakambila mupaizi mupati, o mupati ku bapati we cikombelo, okuli bapati bakazakuzo mujata, mulandizida mbuli kuti mubbi ama sabule amakoli? ⁵³ Nindakali anywibo mucikombelo, tamukatambikide manza enu kudijata mebo. Pele eci cecindi cenu , mponyina enguzu zyomudima. ⁵⁴ "Bamujata, bamutola okumusiya kuganda yomupaizi mupati. Pele Pita wakamucilila kulekule. ⁵⁵ Ino nibakali kumbali mulilo akati kelamba okukala ansi atomwi, Pita wakakala akati kabo. ⁵⁶ Umwi muzike musimbi nakamubona nakakede mu mbbalabala lyomulilo wakamulangisya okwamba kuti, oyu mwalumi wakali anguwe. ⁵⁷ "Pele Pita wakakazya, okwamba kuti, "mwanakazi, mebo simwizi." ⁵⁸ Mucindi cinini buyo umwi wakamubona, okwamba kuti, ayibo uli wabo,"Pita wamba kuti,"mwalumi tandinsi. ⁵⁹ Nikwakainda cindi cinini umwi muntu wakasinizya okwamba kuti, masimpe oyu muntu wakali aguwe, kambo mu Galili." ⁶⁰ Pele Pita wamba kuti,"muntu, tandimwizi coli kwamba,"mponyina nali kwambola, muzingili wakalila. ⁶¹ Wacebuka, mwami walanga Pita, mponyina Pita wakayeya makani a mwami ngakamwambila kuti sunu muzingili katano lila ulandikaka zindi zyotatwe." ⁶² Pita wakazwa aze okulila. ⁶³ Ino balumi bakajata Jesu bakamufubazika oku muma. ⁶⁴ Bakamuvumba kumenso okumwambila, kuti, sinsima! nguni wakuma?" ⁶⁵ Bakamba zintu zinji Jesu, okumutuka. ⁶⁶ NIkwakaca, kwakabungana bapati becisi antomwi abapaizi bapati a balembi. Bakamusiya kukuta. ⁶⁷ Okwamba kuti, na ndiwe kilisito twambile,"pele nguwe wamba mbila kuti, ndamwambila tamukondisyoma. ⁶⁸ Ape kuti ndamubuzya, tamukonditaba. ⁶⁹ Pele kuzwa sunu, mwana omuntu unoyokede kujaza lyecilisya lyenguzu zya leza. ⁷⁰ Bonse bakamba kuti,"nkokuti uli mwana a leza?"Jesu wamba kuli mbabo,"mwamba kuti ndime." ⁷¹ Bamba,"kambozi tuciyanda bukamboni? swebo twalivwida tobamukamwini omulom wakwe.