¹ Jesu wakalanga mujulu okubona bantu bavubi abo balakubika zipo zyabo mucitambwindo. ² Wakabona umwi mukamufu mucete wali kubika tucobili tobile. ³ Mponyina wakamba, '' ncozyo ndamba kuli nywebo, oyu mukamufu mucete wabika kwinda bense. ⁴ Aba bonse bakapa zipo kuzwa mubunji mbubajesi. Kono oyu mukamufu, kuzwa mubucete bwakwe, wakabika zyense zyajesi zyalikupona zyo.'' ⁵ Mbuli bamwi mbubamba a tempele , mbolimbo cababidwe kabotu amabwe mabotu ape ezipego, wakamba, '' ⁶ Mbuli kuli ezi zintu nzimubona , oyosika mazuba nikutaysyali bbwe lyomwi ali limwi elyo litayo litayobulumuki.'' ⁷ Mpawo bakamubuzya , okwamba , '' omwiyi, ino ndelili ezi zintu niziyocitika? kuyoba citondezyo kuti ezi zintu zyandocitika?'' ⁸ Jesu wakataba, '' amucejele kuti mutaenwi. Kambo banji bayoza muzina lyangu, kabati , '' ndime, ape , '' cindi cilafu, ' mutabacilizi. ⁹ Mwavwa nkondo empilingano, mutayowi, kambo ezi zintu zilelede kucitika kusanguna, kono mamanino tayo citiki mponya mponya.'' ¹⁰ Mponyina wakamba kuli mbabo, '' zisi ziyobukilana ezisinyina, ape bwami kubwami. ¹¹ Kuyoba mizuzumo mipati, ape mulizimwi zibaka kunoli nzala amapezi. Kuyoba ziyosya ape ezipati zitondezyo zizwa kujulu. ¹² Kono kakutana zyonse ezi zintu, bayotandabika manza abo ali nywebo okumupezya, bayomwaba ku sinago omutolongo, bayomutola kubabami ape abendelezi kambo kezina lyangu. ¹³ Ciyomutola kucolwe cobukamboni bwenu. ¹⁴ Kambo kako amulibambe mumyoyo yenu kutainsi kulibambila kokulukwabilila kwenu kacitana cindi, ¹⁵ Kambo ndiyo mupa majwi oluzibo abo bense balwani nyoko tabayokozi kumukazya na kukazyanya. ¹⁶ Kono muyosulaikwa abazyali, bazyalwanyoko, ababbululu, ape abezinyoko, ape bayotola bamwi benu kulufu. ¹⁷ Muyosulwa kubantu bense kambo kezina lyangu. ¹⁸ Kono takukwe nekaba kasusu komumutwe enu kayomana. ¹⁹ Mukukakatila kwenu muyojana maumi. ²⁰ '' Mwabona Jelusalema uzungulukide basinkondo, mponya muzibe kuti lunyonyoko lyao luli afwifwi. ²¹ Mponyina amuleke abo bali mujudiya bacijile muzilundu, abali mudolopo balisiye, ape abo bali anze ecisi tabelede kujila mudolopo. ²² Kambo aya mazuba okupilusizya , kucita kuti zyense zintu zyakalembwa zikazuzikizigwe. ²³ Mawe kuli abo bamisi ape okuli abo banyonsya muli ayo mazuba! kambo kuyoba mapezi mapati atala enyika, obukali kubantu aba. ²⁴ Bayowinda kumpela empanga, ape bayotolwa mubuzike muzisi zyense, ape jelusalema uyolwatokwa abamasi kusika cindi cabamasi bazuzikizigwa. ²⁵ '' Kunoli zitondezyo kuzuba, kumwezi, ape okunyenyezi omunyika . Cisi cinoli mumapezi, okuyowa. Kambo kokuntuma kolwizi amayuwe. ²⁶ Kuyoba bantu banoyuminina kuzwa kubuyofu okuzwa kukulangila kwezintu ziciza munyika . Kambo nguzu zyo kujulu ziyozunganisigwa. ²⁷ Mponyina bayobona mwana omuntu kabuza mumayoba enguzu obulemu bupati. ²⁸ Kono ezi zintu zyakutalika kucitika, amwime okunyamuna mitwe yenu, kambo lufutuko lyenu lobuza afwifwi.'' ²⁹ Jesu wakabambila mambila mbali, '' amulange kumusamu omukuyu, okumisamu yense. ³⁰ Nayatulula , mulalibonena okuziba kuti cilimo cilikale afwifwi. ³¹ Mpawo ape, mwakubona ezi zintu zilimu kucotika amuzibe kuti bwami bwa Leza buli afwifwi. ³² Ncozyo ndamba kuli nywebo , olu lunyungu taluyomani kusikila zyense ezi zintu zikacitike. ³³ Julu enyika ziyomana, kono majwi angu takwe nayomana. ³⁴ '' Kono amuliswilizye, kucita kuti myoyo yenu italemezegwi okunwa loko ape obukolwi amangezezya obumi, ape mubuza butazojani cokutali bambila mbuli kakole. ³⁵ Kambo ciyosikila kuli onse upona atala yenyika yense. ³⁶ Kono amulibambile cindi cense, mukombe kuti mube enguzu zyokucija zyense ezi zintu ziyotola lubazu, ape okuyoima kunembo lyo mwana o muntu.'' ³⁷ Ino mulalya mazuba nalikwisya mutempele, ape masiku wakainka anze okuyokala kuli citwa kuti Oliveti. ³⁸ Bense bantu bakaza kuseni-seni kuzomuvwa mu tempele.