¹ Kusene nsene mubuzuba bukusangumuna bwe nsunda, bakuza kubbita, kweeta tununkilizyo tubakabambinde. ² Bakajana bbwe lyakwisigwa kuzwa abbita. ³ Bakajila mukati, kono takwe nibakanjana mutunta womwami Jesu. ⁴ Chakachitika namu, nibakachilitakene kuli echi, mukulaba kwelinso, bobile balumi bakaima kumbali ambo bazweete zimweka. ⁵ Mpanyima banakazi bakayowa ape okufungama busyu bwabo ansi, bakamba kubanakazi, "Kaambo nzi nimulangola bapona akati kabafwinde? ⁶ Tawo kuno, kono ulibukinde!Amuyeye mbuli mbwakambaula kulinywebo nakachili mu Galili, ⁷ kwaamba kuti mwana omuntu weelende kupegwa mukati mumanza abantu babi ape okumwanzika, mponya mubuzuba bwa tatu uyobuuka ape." ⁸ BAnakazi bakayeye majwi akwe ⁹ mponya bakapiluka kuzwa kubbita ape okubambila zyoonse zintu kuli bali kumi akomwi ape abo boonse. ¹⁰ Inawa Maliya Magdalena, Joana, Maliya banyina ba Jemusi, ape abamwi banakazi ambo bakamba ezi zintu kuli bapositola. ¹¹ Kono eyi ntuume yakaboneka anga yo buyo kubapositola, ape takwe nibaka basyoma banakazi. ¹² Mponya pita wakanyamuka okuzuzila kubbita, mpanya wakalanga mukati, wakabona masila alike. Pita mponya wakazwa kwinka kunganda kuya yakwe, kakumokindwe kuli echi chakachitika. ¹³ Amulange, bobile abo mubuzuba mbonyina bakaunka kumunzi utengwa Emmausi wali mamaile ali musanu obile kuzwa mu Jelusalama. ¹⁴ Bakambozyana umwi oumwi kujafikizya zintu ezi zyoonse zyakachitika. ¹⁵ Chakacitika kuti, nibakachili kwambula ape oubuzyana antomwi, Jesu lwakwe wakasika ape okwiinka ambabo. ¹⁶ Kono menso abo akakachilwa kumuziba. ¹⁷ Jesu wakamba kuli mbabo, "makani nzi nywebo nobile ngimwaambola mwanabweenda?"Bakalima alya kababomekende kubijilwa. ¹⁸ Umwi wabo, utegwa cleopas, wakamutaba, "Ndiwe olike muntu na mu Jelusalema utazi zintu zyakachitika kuya mumazubu aya?" ¹⁹ Jesu wakabambila, "Zintu nzi?"Bakamutaba, "Zintu zijatikizya Jesu mu Nazaleta, wali musinsini, mulemu mumichito ape amajwi kuli Leza abantu boonse, ²⁰ mbuli bapaizi bakapati mponya abe ndelezi besu bakamwaba kuti welende kujayigwa ape okumwanzika. ²¹ Kono twali kulangila kuti ngonguwe oyo uyonununa Isilali iyi, ape nzi chinji, echi inawa mbuzuba bwa tatu kuzwa zyoonse ezi zintu nizyakachitika. ²² Kono ape, bamwi banakazi mukabunga kesu bakatusesya, kuyanika abbita kusene seni. ²³ Mponya nibatakaunjana muntunta wakwe, bakaza, kwaamba kuti bakabona chilengano cha bangelo bakamba kufi walikupona. ²⁴ Bamwi balumi bali aswibo bakainka kubbita, okiyana mbonya mbuli banakizi mbubakamba. Kono takwe nibakamubona." ²⁵ Jesu wakabambila, "Nobantu bafubafuba ape nomu jesi myoyo itafwambana kusyoma muli zyoonse ezyo basinsimi zibakambinde! ²⁶ Ino chichalende na kufi kilisitu apenge ezi zintu ape okunjila mubulemu bwakwe?" ²⁷ Mponya kumatalikilo kuli Mozesi ape kwindi boose basinsimi, Jesu wakabapandulwinda zintu kujatikizya nguwe mweni mumalembe oonse. ²⁸ Nibakasika afwifwi omunzi kubokobunya, Jesu wakacita anga uuchobunya kunembo. ²⁹ Kono baka mu songelezya, ka bati, "kala aswibo, kambo kuyo busiya ape zub liyo bumana." Mponya Jesu waka njila ku kala ambabo. ³⁰ Kwa kachitika kuti, naka kala ambobo kuti balye waka bwezo chinkwa, okuchileleka, ape oku chikomona, waka bapa. ³¹ Mponya menso zbo akajuka, baka muziba, mponya wa kazwa amenso abo. ³² Bakati kuli umwi oumwi, tinsi kuti myoyo Yesu yaka pya mukati, nali kwambola awibo mu nzila, awo naka tujulila ma bala?" ³³ Ba kanyamuka alecho chindi ok piluka ku Jelusalemu. Bakajana bali abo mbibalabo, ³⁴ kabamba, "Mwami wa buka nchizyo, ape wali tondezya kuli Simoni." ³⁵ Ino bakamba zintu zya kachitika munzila, ombwaka zibinkana munzila, mbabo naka komona chinkwa. ³⁶ Ni bali kwamba ezi zintu Jesu lwakwe wakaima akati kabo, okwamba kui mbabo, "Lumuno kuli nwebo." ³⁷ Kono baka tuntuma okuba obu yofu, oku yeya kuti ba bona muya. ³⁸ Jesu wakati kuli mbabo, "Ino mupenga ngi? Ino muba buti emi buzyo mu moyo wenu? ³⁹ Amubone manza angu amaulu angu, kuti ndime lwangu. Amu ndijate mubone. Kambo muya taukwe nyama ama fuwa, mbuli mbu mubwene ba tondejesi." ⁴⁰ Amo nakamba echi, waka ba tondezya manza akwe amaulu akwe. ⁴¹ Takwe ni baka shoma kambo ko kuno nenwa, ape baka konokwa. Jesu wakati kuli mbabo, "Kulizyo kulya nzimujesi na?" ⁴² Baka mupa kanzi ke nswi iyokidwe, ⁴³ mponya waki bweza okwilya amenso abo. ⁴⁴ Wakati kuli mbabo, "Ayanga majwi nginda kamwambila nkeli anwibo, kuti zyonse zya kalebwa mu mulawo wa Mozesi aba sinsimi omu ntembauzyo zyelede ku zuzikizigwa." ⁴⁵ Mponya waka jula mano abo, kuti mvwisisisye majwi. ⁴⁶ Wakati kuli mbabo, Namu mbuku lembidwe, kuti kilisitu uzo penga oku buka ape kuzya ku bafu mubu zuba bwa tatu. ⁴⁷ Kwempwa oku jatilwa kwe zibi kwelede kukambaukwa muzina lyakwe ku mesi onse, kutulikila ku Jelusalema ⁴⁸ Muli bamboni kuli enzi zintu. ⁴⁹ Amu bone, ndi mutumina nchaka mushonamezya Tata. Kono amukale mu dolopo kusikila mu ka zwatikwe nguzu kuzwa ku julu." ⁵⁰ Mponya Jesu waka ba zulwinda mane ku sikila afwi oku Bethani waka nyamuna manza akwe oku baleleka. ⁵¹ Kwa kachitika kuti, awo na chili ku baleleka, waka asiya mponya waka nyamunwa kwika ku julu. ⁵² Mponya baka mu komba oku piluka ku Jelusalemu oku nonenwa kupati. ⁵³ Ape baka indilizya ku tembaula leza, mu tempele.