¹ Jesu ape wakamba kuli basikwiya, '' kwali umwi muvubi mwalumi oyo wajesi mubelesi, pele wakambilwa kuti wali kunyonyona lubono. ² Mponya mwalumi muvubi wakamwita oku mwambila kuti, '' ino ninzi eci ce nvwa akambo kako? ndipandulwide mbuli lubono mbulwenda , kambo tacelede kuba mubelesi.' ³ '' Mubelesi wakalyambozya alike, '' ino ndila cita buti, mbuli mukuti simalelo wangu wando bweza bubelesi bwangu? tandikwe nguzu zyokusya , ape ndilalisenda kukumbila. ⁴ Ndilaziba eco cete cite, kwamba kuti mponya ndazyogwisigwa kumulimo wangu obubelesi , bantu bayonditambula mu manda abo. ⁵ Mponya simalelo wakainta omwi wabasilelelo wale cikoloti, ape wakabuzya okusanguna, ' malinzi ngopa kuli simalelo angu? '' ⁶ Wakamba kuti, ' mwanda wamadilimu amafuta ! '' wakamwambila kuti, ' bweza cikoloti, kala ansi kufwambana , ape ulembe makumi one. '' ⁷ Mponya simalelo wakambila umwi , '' malinzi ngopa? '' wakambakuti, '' mwanda wamasaka amayila! '' wakamwambila kuti bweza cikoloti cako, pele ulembe makumi alilusele.' ⁸ Simalelo mponya wakalumbaizya mubelesi utasyomeki kambo wakacita zyamano. Pele bana bomunyika eyi balamano mukwendelezya bantu babo kwinda bana bomu mumuni. ⁹ Ndamba kuli nywebo , mucite mupange bezyinyoko lwenu nobeni mukuti kutasalala kobuvubi kwamba kuti zyakumana , bakamutambule mububotu butamani. ¹⁰ Oyo usyomeka muzitu zinini ulasyomeka okuzinji , ape oyo utasyomeki kuzinini pele tasyomeki okuzinji. ¹¹ Kuti na takwe niwasyomeka mukubelesya lubono lutasali ino nguni uyokusyoma mulubono lwamasimpe? ¹² Natakwe nikasyomeka mukubelesya zintu zyabantu , nguni uyokupa mali akwe? ¹³ Takwe mubelesi ubelekela bami bobile, kambo uyosula umwi ape okuyanda umwi, na uyotanda umwi okuvuya umwi . Tokonzi kubelekela Leza ape obuvubi.'' ¹⁴ Pele bafalisi , abo bali basimuyanda mali, bakavwa zyense zintu ezi, ape baka munyazya. ¹⁵ Wakamba kuli mbabo , '' mulalinonezya nobamukameni mumenso bantu, pele Leza ulizi zili mumyoyo . Eco cilumbaizigwa akati kabantu cibi mu menso a Leza. ¹⁶ Mulawo ape ezya kalembwa abasinsimi zyakambwa kusikila Joni nakasika. Kuzwa eco cindi , mulumbe obwami bwa Leza wakambaukwa, ape muntu wense ulasola kusobgelezya kunjila muzila . ¹⁷ Pele eci cuba kujulu ape enyika kwindila kwinda lyomwi balalyo mulawo kuti limane. ¹⁸ Kufumbwa oyo ueka mwanakazi wakwe ape wakwata umwi wacita bumambe ape oyo ukwata oyo wakalekwa ku mulumi wacita bumambe. ¹⁹ '' Ino kwali umwi muvubi mwalumi oyo wali kuzwata zibiya zibotu ape zitetezidula ape walikuli nonezya buzuba o buzuba buvubi bwakwe. ²⁰ Umwi mukumbizi wezina lya Lazalo, wali lazikidwe a cilyango cakwe, kavumbidwe azilonda, ²¹ Ape kalangila kulya zyali kuwa kuzwa kumwalumi muvubi atebule. Mponya babwa balikuza ape kumyanguta zilonda. ²² Cakasika cindi mukumbizi wakafwa ape wakabwezigwa abangelo kulubazu lwa Abbulamu. Mwalumi muvubi awe wakafwa ape wakabambwa, ²³ Ape kuli mumulilo, kuli mukupenga, wakanyamuna menso akwe mujulu ape wakabona Abbulamu alele ape o Lazolo kulubazu lwakwe. ²⁴ Mponya wakalila okuti, ' tate Abbulamu ndifwide luzyalo mebo ape tuma Lazalo, kuti anjizye kanwe mumanzi kuti atontozye lulimi , kambo ndili mumapenzi mumulilo. ²⁵ '' Pele Abbulamu wakamba, ' mwanangu, yeya kuti yebo mubumi bwako bwakainda wakatambula zintu zyako zibotu, ape Lazalo munzila njonya zibi zintu. ²⁶ Kunze kwezi, kuli dindi damfu lyaka bikwa mubusena, kwamba kuti abo bayanda kwinda kuza kuliyebo tabakonzi, ape takwe naba ni ukonzya kuza kuno kuliswe. ²⁷ ''Mwalumi muvubi wakati,' ndakumbila, tate Abbulamu, kwamba kuti umutume kuli batate kunyanda- ²⁸ Kambo ndijesi bosanwe bazyalwama- kwamba kuti akasinsimune, kwamba kuti citakabi kuti bakeze muno mubusena bwamapenzi. ²⁹ ''Pele Abbulamu wakamba, 'balijesi Mozesi ape abasinsimi; amubaleke babaswilile.' ³⁰ ''Mwalumi mubuvi wakataba, 'ne, tate Abbulamu, pele kuti na umwi wainka kulimbabo kuzwa kulifwide , bayo empwa! ³¹ ''Pele Abbulamuwakati kuli nguwe, 'kuti na tabanvw kuli Mozesi ape abasinsimi, nikuba kuti umwi azwe kubafu.