¹ Cakacitika muli imwi nsabata, ino nakainka mu ngandu yomwi mupati wa Bafalisi kuyolya cikwa, bali kumulangisisya. ² Amubone, kumembo lyakwe kuli mwalumi wali kuciswa dondamwaka. ³ Jesu wakababuzya basi milawo yama Juda a Bafalisi, "Ino muwamba mulawo kumponya u nsabata, na nee?" ⁴ Pele bakaumuna buyo. Mponya jesu wakamujata, wakamuponya, mponya wakamuleka wainka. ⁵ Wakati kuli mbabo, "Ngwani umwi akati kenu ujesi mwana mwalumi na musune wawida mucikala mu buzuba bwe nsabata utakwe kumungwisya?" ⁶ Bakakacilwa kumutaba kulezi zintu. ⁷ Ino nakabona abo bakatambwidwe kusala zibbula zyobulemu, wakabambila mambilambali, wakati kuli mbabo, ⁸ "Kuti watambwa omwi muntu kupobwe lyobwingo, utakali acibbula cobulemu, nkambo mwendi kuli umwi watambwa angwe ulemekwa kwinda yebo. ⁹ Mponya ooyo wamutamba nyweense nobile asika, ulamwambila, mupe muntu oyu busena bwako. Mponya yebo uyotalika kunuwa nsoni kuyokala abusena bulansi. ¹⁰ Pele kuti kotambidwe, koya ukakale mubunsena bulaasi, kokuti oyo wakutamba asika, ulakwambila kuti, 'mweenzuma, nyamuka winke kunemb.'mponya uyosumpulwa kuli abo bakala atebule aibo. ¹¹ Nkambo kufumbwa ulisumpula uyoselusigwa, uyo ulicesya uyosumpulwa." ¹² Jesu wakambila mwalumi oyo wakamutamba, "Kuti wapa cilalilo na pobwe utatambi bezinyoko na bananyoko na babbululu na bavwubide babambwanyoko, nkambo mwendi ambabo bayokutamba, kuti ujane kubweedelwa. ¹³ Pele kuti wacita pobwe, tamba bacete, balevukide, balema, abofu, ¹⁴ mponya muyo lelekwa, nkambo takonzi kumupilusizya, nkambo muyopisisingwa mububuke bwabasalali." ¹⁵ Ciindi umwi waabo bakede atebule o Jesu wakanwa ezi zintu, wakati kuli nguwe, "Ulilelekedwe oyo uyolya cinkwa mubwami bwa Leza!" ¹⁶ Pele Jesu wakati kuli nguwe, "Umwi mwalumu wakabamba banji. ¹⁷ A woola lye cilalilo, wakatuma mubelesi kuyoambila abo bakatambidwe, 'Amuze, nkambo zyeense zilibambidwe kale.' ¹⁸ "Beense bakatalika kulitamikizya. Wokusanguna wakati kuli nguwe, 'Ndakaula muunda, ndelede kwinka okuyoubona. Ndakumbila undijatile.' ¹⁹ "Umwi wakati, 'ndakaula zipani zyamapulu zyosanwe, ndiya kuyowasola. Ndakumbila amundizumizye.' ²⁰ "Mponya umwi mwalumi wakati, 'ndakakwata mwanakazi, mponya sikonzi kuza.' ²¹ Mubelesi wakaza okwambila mwami wakwe ezi zintu. Mponya mwamiwe nganda wakanyema okuti kumubelesi wakwe, koya cakufwa mbama mumigwagwa omutuzila twedolopo ukaite ba cete, balevudikide, boofu, abalema.' ²² "Mubelesi wakati, 'mwami, kwatwa mbuli kulailila kwako, pele kucili busena mu nganda.' ²³ "Mwami wakati kumumbelesi, 'koya munzila zipati omutuzila tunini ukabasongelezye kuti banjile, kuti nganda yangu izule. ²⁴ Nkambo ndamwambila, takwe waabo bantu bakatambidwe batakalabile cilalilo cangu.'" ²⁵ Ino nkamu zipati zyabantu zyalikuyobulya anguwe, wakacebuka okuti kulimbabo, ²⁶ "Na kuti umwi wenu waza kulime utasuli isi, banyima, mwanakazi wakwe, bana bakwe, bazyalwanyima, abacizi bakwe, nikuba buumi bwakwe takonzi kuba sikwiya wangu. ²⁷ Kufumbwa utayumuni cigamo cakwe okundicilila takonzi kuba sikwiyawangu. ²⁸ Ino nguuli akati kenu uyanda kuyaka ngandu ndamfu utasangumi kukala ansi okubala mweelwe wamali na ulijesi zikwa na kwimaninizya nganda? ²⁹ Mwilimwi nzila, kuti wamana kuyaka ntalisyo pele takoni kumaninizya, beense baibona balatalika kumufubazika, ³⁰ okwamba kuti, 'oyu mwalumi wakatalika kuyaka mponya wakakacilwa kwimana. ³¹ Na mwami, mbuli mbuwainka kuyoswanana omwi mwami munkondo, tayosanjuni kukala ansi a kukulaizigwa kuti na ulenguzu abasilumamba bali zynulu zili kumi kulwana umwi mwami uza ezyuulu zili makumi obile zyabasilumamba? ³² Natakwe, bamwi basilumamba kabacilikule, ulatuma kukumbila milawo yolumuno. ³³ Mbonya obo, umwi, wenu utasiyi zintu zyeense zyajesi takozi kuba sikwiya wangu. ³⁴ Santu mubotu, pele na santu wasampuka, ino niga walungwa buti? ³⁵ Tucikwe mulumo kumuse neba bufumba. Ulasowigwa. Oyo ujesi matwi okunwa, anuwe."