¹ Acindi eco, bamwi bantu bakamwambila kujatikizya ba Galili abo bulowa bwabo pilato mbwaka vwalanganya zituzyo zyabo beni. ² Jesu wakataba okuti kulimbabo, ino muyeya kuti aba bagalili balibasizinyonyono kwinda bonse bamwi bagalili kambo bakapenga munzila eyi, ³ Ne, ndamwambila pele kuti na mutempwi, nonse muyoloba munzila njonya. ⁴ Na baya bantu bali kumi musanu otutatu musiloam bakawidwa nganda ndamfu okubajaya, ino muyeya kuti bali basizibi bainda bamwi bantu mu jelusalema, ⁵ Ne ndamba, pele na mutaempwi, nonse muyoloba. ⁶ Jesu wakamba mambila mbali aya, umwi wajesi musamu womukuyu ubyedwe mumunda wakwe mponya wakaza kuzolanga micelo mulinguwe pele takwe cakajana. ⁷ Mwalumi wakati kulisikulima, langa , kambo myaka yotatwe ndalizide okusola kujana micelo mumisamu woukuyu oyu okujana takwe caliwo uteme. Kmabo nzi kuluka kuti usinyenyika, ⁸ Mulimi wakataba okuti , mwami , uleke mwaka oyu buyo nduside mumbali okubikila musutelo. ⁹ Na ulazyala micelo mwaka uza, kabotu, pele na taukozyala uzouteme, ¹⁰ Ino Jesu walikwisya musinago imwi mu nsabata. ¹¹ Langa , mwanakazi umai waliwo oyo kwemyaka ili kumi musanu otutatu kajesi muya wobukandu. Walivungene mponyina salikukonzya kodoloka olo kanini. ¹² Jesu nakamubona, wakamwita okuti, mwanakazi wangununwa kuzwa kubukandu bwako. ¹³ Wakabika manza akwe alinguwe, mponya mponya wakaodololwa wakalumbaizya Leza. ¹⁴ Pele sikwendelezya sinago wakanyema, kambo Jesu wamuponya munsabata. Mponya mwendelezi wakataba okuti kumbungano, kuti mazuba ali musanu akomwi omo mwecelede kubeleka. Amuze mponya muzoponisigwe, kutainsi mubuzuba bwansabata. ¹⁵ Mwami wakamutaba okuti, nobasikupa upa amenso, ino umwi pumwi wenu tangununi mupulu niba mbongolo yakwe kuzwa mumulaka okwitola konwa manzi munsabata, ¹⁶ Mponya oyo mwana wabulahamau mwanakazi, oyo satani ngwangide kwemyaka ili kumi musanu otutatu kwecindi , ino kwangwa kwakwe kutangununwi mubuzuba bwensabata, ¹⁷ Nakamba ezi zintu, bonse abo balikumukazya bakanvwa soni, pele yense mbungano yalikusekelela kuzintu zyense zibotu zyakacita. ¹⁸ Mponya Jesu wakati, ino bwami bwa Leza buli mbuli nzi, mponyina cinzi cengandabwezyanisisya kuko, ¹⁹ Uli mbuli nseke yamusitada njakabweza muntu okwisowela mumunda wakwe, mponya yakakomena kuba musamu mupati, abayuni bokujulu bakayaka tuvumbo twabo mumitabi yawo. ²⁰ Ape wakati, bwami bwaleza ndiyobu ezya nisya enzi, ²¹ Buli mbuli mumena mwanakazi mbwakabweza okuvwalangana muzielelo zyotakwe zyobusu kusikila bwafufumuka bonse, ²² Mponya jesu wakali kuyobwenda mumadolopo omimunzi kwisya okwinka kujelusalema. ²³ Umwi wakati kulinguwe mwami aba fulwidwe bantu mbace na? ²⁴ Amusolekesye kunjila kwindila mumulyango kasyanikide, kambo, ndamwambila banji bayosoleka kunjila , pele tabayokonzyi kunjila. ²⁵ Buyo mweni nganda abuka okukiya cilyango, mponya muyoima anze okukonkota acilyango okuti, ''mwami, mwami, tujulile.' '' uyotaba okumwambila kuti, tandimuzi na muzwa kuli. '' ²⁶ Mponya muyoamba kuti, ' twkailya okunywa kunembo lyako mponya wakaisya munzila zyesu! ²⁷ ''Pele uyotaba, 'ndamba kulinguwe, tandimuzi muzwa kuli. Amuzwe kulime, nobasimucita zibi! ²⁸ Kuyoba kulila okulumya nwino mwakubona abbulahamu, isaka, jakobe, abasinsimi bense mubwami bwa leza, pele nywebo mwasowelwa anze. ²⁹ Bayoza kuzwa kujwe, kumbo, kunyika okumusanza okunokede atabule mukati kobwami bwa Leza. ³⁰ Muzibe eci, abo bomunsi bayoba bokusanguna, abo bayndikana maningi bayoba bamamanino.'' ³¹ Muwola njonya, mafalisi bamwi bakaza okuti kulinguwe, '' nyamuka uzwe kuno kambo Heloda wanda kukujaya.'' ³² Jesu wakati, '' koya ukambile ulya mwaba, 'langa, ndilagwisya madaimona okuponya sunu ejunza, obuzuba bwatatu ndiyosika ambakani! ³³ Kufumbwa kambo, ndilelede nkwinka anembo sunu, junza, obuzuba bucilila, kambo tacizuminiki musinsimi kuti anyonyokile kumbi anze okujelusalema. ³⁴ Jelusalemu, jelusalemu, ujaya basinsimi okupotola abo batumidwe kuli yebo. Kunji buti kundakayanda kubungika bana bako mbuli nkuku mbwifukatila twana twayo mumababa ayo, pele takwe nimwaka ciyanda eci. ³⁵ Amubone , nganda yenu mwilekelezya kiwide. Ndamwambila, tamuyondiboni kusikila mukambe kuti, ' ulilelekidwe oyo uza muzina lyo mwami.''