¹ Mwami wakambila Mozesi, ''Wakati ² ''Ambila bantu boku Isilayeli, 'Kufumbwa muzwakule ukala mu Isilayeli wali kupa kufumbwa bana bakwe kuli Moleki, ulelede kubikwa kulufu. Bantu bomunyika balelede kumupotola amabwe. ³ Amibo ndiyolanga ali oyo muntu mulwani okuyo mugwisya kuzwa akati kabantu bakwe kaambo wapa mwana akwe kuli Moleki, pele mbuli mbwasofwazya cibaka cangu cisalala okunyonyona zina lyangu lisalala. ⁴ Nakuti bantu bomunyika bajala menso abo ku muntu oyo cindi napa kufumbwa mwana akwe kuti Moleki, nakuti tabamujayi, ⁵ mponyina mebo ndemukamweni ndiyolanga ali oyo muntu mulwani olunyungu lwakwe, okuyo mugwisya oyo weense ucita bumambe mukucilila kusana o Moleki. ⁶ Muntu oyo winka kuli abo bambola aba fwide na kuli abo bambola emyuya pele mbuli mboba cita bumambe bamukamweni ambabo. ndiyolanga ali oyo muntu mulwani: Ndiyomugwisya kuzwa akati kabantu bakwe. ⁷ Nekuba kuti mulisalazye okusalala, kaambo ndime Mwami Leza wenu. ⁸ Mweelede kubamba milawo yangu okwicita. Ndime Mwami umwanzanyanya kuti musalale. ⁹ Kufumbwa oyo utuka baisi na banyina nconzyo ulelede kujayigwa. Watuka baisi na banyina, pele ulilubizizye ape welede kufwa. ¹⁰ Muntu ucita buhule o mwanakazi oumwi muntu, camba kuti, kufumbwa oyo ucita buhule o mwanakazi o mwenzinyina-mwalumi o mwanakazi beense belede kujaigwa. ¹¹ Na muntu walala o mwanakazi wabaisi, wavununa cinkuna cabaisi. Beense mwana o mwanakazi wabaisi balelede kujaigwa. Bulowa bwabo buli alimbabo. ¹² Na muntu walala o musangakazi, beense balelede kujaigwa. Bulowa bwabo buli alimbabo. Bali lubizizye ape belede kujaigwa. ¹³ Na muntu walala aumwi mwalumi, mbonyina mbuli mwanakazi,beense bacita cisesemyo. Balelede nconzyo kujaigwa. Bali lubizizye ape belede kujaigwa. ¹⁴ Na muntu wakwata mwanakazi, o kukwata ape banyina bakwe, oyu moyo mubi. Belede kutentwa, beense o mwanakazi, kokuti kutabi myoyo ibi akati kabo. ¹⁵ Na muntu walala o munyama, welede nconzyo kujaigwa, ape mwelede kujaya munyama. ¹⁶ Na mwanakazi wakopelezya munyama okulala anguwo, mwelede kujaya mwanakazi o munyama. Belede kujaigwa. Bali lubizizye ape belede kujaigwa. ¹⁷ Na muntu wabweza mucizi akwe, mwana wabaisi bakwe naba mwana wabanyina bakwe, o kumuvumbula cikuna cakwe, ape anguwe wabona cinkuna cakwe, cintu cusya nsoni. Balelede kugwisigwa kumenso abana babantu babo. Wavumbula cinkuna cabacizi bakwe, ape welede kunyamuna bulubizi bwakwe. ¹⁸ Na muntu walala o mwanakazi mucindi cakwe cokuciswa o kuvumbula cinkuna cakwe, wavumbula kasensa kakwe, wavumbula bulowa bwakwe. Beense mwalumi o mwanakazi balelede kugwisigwa kuzwa akati abantu babo. ¹⁹ Tamwelede kuvumbula cinkuna cabazyalwanyina abanyoko, naba bacizi babauso, kaambo mulaubya mukowa wako. mwelede kunyamuna bulubizi bwenu. ²⁰ Na muntu walala o mwanakazi wabasimizyaakwe, tabalemikide basimizyakwe. Balapegwa mulandu, ape bayofwa kabatakwe bana. ²¹ Na muntu wakwata mwanakazi o muzwalanyina mpawo muzwalanyina ucipona, cicintu cisofwede. Waubya muzwalanyina, ape ndiyogwisya kuzwa kubantu baba kufumbwa buvubi mbubayokona kuzwa kubazyali babo. ²² Mulelede ape kubamba milao yangu yeense embeta zyangu zyeense: Mulelede kucilila kokuti nyika eyo njeyo mweta nyebo kuzokala taiyomuluki nywebo. ²³ Mutendi muziyanza zyabamasi abo mbeyo tanda kunembo lyenu, pele bayocita zyense ezi zintu, mponyina ndabanyemena. ²⁴ Ndamba kuli nywebo, ''Muyokona nyika zyabo, ndiyoipa kuli nywebo kuti muvube, inyika ikunka malili o buci. Ndime Mwami Leza wenu, oyo wakamwanzanya kuzwa kuli bamwi bantu. ²⁵ Mulelede mponya kwanzanya banyama basalala abatasalali, abayuni batasalali abasalala. Tamwelede kulisofwazya abanyama. Tamwelede kulisofwazya abanyama batasalali na bayuni o kuzilenge zyanyika, ezyo zindakazanya zisofwede kuzwa kuli nywebo. ²⁶ Mwelede kusalala, mbuli mebo, Mwami, ndilasalala, ape ndakamwanzanya kuzwa kuli bamwi bantu, mboli muli bangu. ²⁷ Mwalumi na mwanakazi wambola abafwide na wambola o muya welede kujaigwa. Bantu vbalelede kumufusa mabwe. Bali lubizizye ape belede kujaigwa.