¹ Mwami wakati kuli Mozesi, ² Ambila ba Isilayeli kuti, na mwanakazi wamita okutumbuka mwana mwalumi, nkokuti tanosalali kwa mazuba ali musanu aobile, mbuli mbwatasalali nali ku mwezi. ³ Mubuzuba bo musanu otutatu mubili o mwana mwalumi kumpela welede kupalulwa. ⁴ Mponyina kulisalazya kwabanyina kuzwa mukuzwa bulowa kuyozwidilila kwa mazuba ali makumi otatwe amazuba otatwe. Taelede kujata kufumbwa ce cikombelo kusikila mazuba okulisalazya kwakwe amane. ⁵ Pele kuti watumbuka mwana mwanakazi, uyokala nsunda zyobile katasalali, mbuli cindi nali kumwezi. Mponyina kulisalazya kwa banyina kuyozwidilila kwa makumi osanwe ekumi lyomwi amazuba osanwe ezuba lyomwi. ⁶ Ino mazuba okulisalazya akumana, o mwana mwalumi nanga o mwana mwanakazi, welede kweta mwana we mbelele ujesi mwaka omwi cibe cipayizyo cokutenta, ape aka nkwilimba na nziba kuti cibe cipayizyo ce zibi, azyete kumulyango we tente lyokuswananina ape mupaizi. ⁷ Mponyina uyopa kumenso o mwami kucita kuti asalazigwe, uyosalazigwa kuzwa kuku kunka ko bulowa bwakwe. Oyu ngo mulawo kujatikizya mwanakazi utumbuka mwana mwalumi nanga mwana mwanakazi. ⁸ Kuti katakonzi kupa kabelele, nkokuti welede kutola mombo zyobile nenga ntwana twe nkwilimba tobile, cimwi cibe cipayizyo citentidwe cimwi cibe cipaizyo ce cibi, o mup