¹ Mwami wakambila Mozesi o Aloni, wakati,'' ² Amwambile bantu bana Izilayeli, kuti,'' Ezinzezintu zipona nzimukonzya kulya akati kabanyama beense abo bali anyika. ³ Mulakonzya kulya kufumbwa munyama ujesi infumba nzyanzene ape oyo uselula. ⁴ Nikubanamuya, bamwi banyama balaselula ape bajesi nfumba zyanzene, pele tamwelede kubalya, banyama mbuli nkamela, nkambo zilaselula pele tazikwe nfumba zyanzene. Nkokuti nkamela tazisalali kuli nywebo. ⁵ Anguwe cibinda nkambo ulaselula pele takwe nfumba zyanzene, anguwe tasalali kulinywebo. ⁶ Sulwe, nkambo ulaselula, pele takwe nfumba zyanzene, nkokuti tasalali kuli nywebo. ⁷ Ingulube nikuba kuti ijesi nfumba zyanzene, taiseluli, taisalali kulinywebo. ⁸ Mutalyi kufumbwa nyama yazyo, nanga kujata mitunta yazyo. Taisalali kuli nywebo. ⁹ Banyama bakala mumanzi mbimwelede kulya mbabo beense bajesi tuyambyo amakwa, nikuba bo mulwizi nanga mumilonga. ¹⁰ Pele kuzilenge zyense zipona ezyo zitakwe tuyambyo nanga makwa mulwizi nanga mumilonga, kubikilizya abo benda mumanzi ezilenge zyeense zipona ezyo zili mumanzi-zyelede kutondwa kulinywebo. ¹¹ Mbuli muzitondwa, tamwelede kulya nyama yazyo ape emitunta yazyo yelede kutondwa. ¹² Kufumbwa cikala mumanzi citakwe tuyambyo nanga makwa cilatondwa kuli nywebo. ¹³ Aba mbabayuni mbimutelede kulya-ape tamwelede kulya nkambo balatondwa: ikubi, ape o cingwe, ¹⁴ biimbe, abalubanze nemisyobo misyobo, ¹⁵ o musyobo uli mbuli wa cikwangala, ¹⁶ impowani, sikusiku, nkolenkole, ape abasikakoze be misyobo misyobo. ¹⁷ Ape tamwelede kulya tumba, cibengelele, o siyaswimuumba, ¹⁸ kakukubwi, sifundwe, simusika, ¹⁹ tongola nyangu nyangu, inkolenkole o musyobo wayo umwi, nganga yabayuni, ape o sikampafwa. ²⁰ Bauka bense bali amababa benda amaulu one balatondwa kulinwebo. ²¹ Nikuba namu mulakonzya kulya kufumbwa tuuka tuluka oto tujesi maulu one kuti katujesi maulu ajeseni okusotisya ansi. ²² Mulakonzya kulya kufumbwa musyobo we cikwikwi, nsiwabanda, camusokonya, nanga mpaso. ²³ Pele zyuka zyense zyuluka ezyo zijesi maulu one zyense zilatondwa kulinwebo. ²⁴ Muyoba batasalali kusikila kujolezya ankambo kabanyama aba kuti mwajata mutunta umwi wambabo. ²⁵ Kufumbwa ubweza mutunta umwi wambabo welede kusanzya zizwato zyakwe okukala katasalali kusikila kujolezya. ²⁶ Munyama o munyama ujesi nfumba zyanzene ezyo zitanzene oko nanga utaseluli tasalali kuli nywebo. Kufumbwa uzijata tanosalali. ²⁷ Ambabo abo benda enfumba zyabo akati kabanyama beense benda amaulu ense one, tabasalali kuli nywebo. Kufumbwa ujata mutunta uli namu tanosalali kusikila kujolezya. ²⁸ Kufumbwa ubweza mutunta uli namu welede kusanzya zizwato zyakwe ape abe katasalali kusikila kujolezya. Aba banyama tabanosalali kulinguwe. ²⁹ Kubanyama abo bakokoba ansi aba banyama batanosalali kulinwebo: silufunkwe, sikoswe, kufumbwa musyobo mupati wabasyantombela, ³⁰ syacivuumbo, imbulumusanza, syantombela, kulumusi, ape o siluntambwe. ³¹ Kubanyama beense bakokoba, abanyama batanosalali kulingwebo. Kufumbwa ubajata banofwide tanosalali kusikila kujolezya. ³² Kuti kufumbwa wabo umwi wafwa mponya wawida a cintu cimwi, eco cintu tacinosalali, nanga kuti cipangidwe ecisamu, cisila, itobo nanga saka. Nanga kuti cili buti nanga kuti cibelesigwa nzi, celede kubika mumanzi; tacinosalali kusikila kujolezya kwamana ciyosalala. ³³ Kufumbwa mpoto mukati nanga anze kwawida munyama utasalali, kufumbwa cili mumpoto cilasofwala, mponya mwelede kwipwacola eyo mpoto. ³⁴ Kufumbwa cilyo cikonzya kuligwa pele kacili amanzi kuzwa muli eyi mpoto ili namu tacisalali. Kufumbwa cokunywa cili mu mpoto eyo tacisalali. ³⁵ Kufumbwa eco comutunta wazyo comwi cawida mpawo cilasofwala; kuti na nciko nanga ciyokelo celede kupwacolwa mutupanzi panzi. Nkambo tazisalali ape zyelede kuba kazitasalali kuli nywebo. ³⁶ Kasensa nanga citelezezyo cokutekela manzi cilasyala kacisalede; pele kufumbwa ujata mitunta yazyo tasalali. ³⁷ Kuti kufumbwa cibeela ce mitunta yazyo yawida ambuto kufumbwa yokubyala, ezyo mbuto zicinosalala. ³⁸ Pele kuti manzi abikwa mumbuto, mponya kuti kufumbwa cibela ce mitunta yazyo yawida alimzizyo, nkokuti tazi salali kuli nywebo. ³⁹ Kuti kufumbwa munyama uligwa walifwida nkokuti oyo ujata mutunta ulasofwala kusikila kujolezya. ⁴⁰ Kufumbwa ulya kumitunta eyo welede kusanzya zizwato zyakwe mponya tanosalali kusikila kujolezya. Oyo ubweza mitunta ilinamu uyosanzya zizwato zyakwe okuba utasalali kusikila kujolezya. ⁴¹ Kufumbwa munyama ukokoba ansi ulatondwa taelede kuligwa. ⁴² Kufumbwa cikumbya tumbu, ape kufumbwa cenzya amaulu ense one, nanga zyamaulu manji-abanyama beense abo bakokoba ansi, abo tamwelede kulya, nkambo balatondwa. ⁴³ Tamwelede kulisifwazya abanyama kufumbwa bapona abo bakokoba; mutalisofwazi ambabo, kuti batamusofwazyi. Nkambo ndime mwami leza wenu, amulisalazye nkokuti musalale, nkambo ndilasalala. ⁴⁴ Tamwelede kulisofwazya abanyama kufumbwa abo bofukoola ansi. ⁴⁵ Nkambo ndime mwami, wakamugwisya munyika ya Ijipiti kuti ndibe leza wenu. Ino mponya mwelede kusalala, nkambo ndilasalala. ⁴⁶ Oyu ngo mulawo ijatikizya banyama, bayuini, ezilenge zyeense zipona zyeenda mumanzi, ezilenge zyeense zipona ezyo zikokoba ansi. ⁴⁷ Nkambo kokuti kwanzanya kulelede kuba akati ke zisofwede ape ezisalala, akati ke zintu zipona ezyo zikonzya kuligwa ezintu zipona ezyo zitakonzi ku