¹ Aba niye benze bansembe na a Levi bewela pamozi na Zerubabele mwana wa Sealtiyeli na Yesuwa: Seraya, Yeremiya, Ezara, ² Amariya, Maluki, Hatusi, ³ Sekaniya, Rehumu, na Meremoti. ⁴ Penze Ido, Ginetoni, Abiya, ⁵ Miyamini, Moadiya, Biliga, ⁶ Semaiya, na Yiaribu, Yedaya, ⁷ Salu, Amoki, Hilikiya, na Yedaya. Aba benze basogoleri ba bansembe na okatizyana nao mu masiku ya Yesuwa. ⁸ Alevi benze yesuwa, Binui, Kadimieli, Serebiya, Yuda, na Mataniya enze msogoleri wa nyimbo za ciyamiko, pamozi na bayake. ⁹ Bakibukiya na Uni, na bayao, bepanama colangana nao nthawi ya cipembezo. ¹⁰ Yesuwa enze wisi wa Yoiakimu, Yoiakimu enze wisi wa Eliyasibu, Eliyasibu enze wisi wa Yoiada, ¹¹ Yoiada enze wisi wa Yonatani ndipo Yonatani enze wisi wa Yaduwa. ¹² Mu masiku ya Yoiakimu aba niye benze bansembe, asogoleri ba mabanja: Meraiya enze msogoleri wa Seraiya, Hananiya enze msogoleri wa Yeremiya, ¹³ Mesulamu enze msogoleri wa Ezara, Yehanani enze msogoleri wa Amariya, ¹⁴ Yonatani enze msogoleri wa Maluki, na Yosefe enzemsogoleri wa Sebaniya. ¹⁵ Adina enze msogoleri wa Harimu, Helikai enze msogoleri wa Meremti, ¹⁶ Zekariya enze msogoleri wa Ido, Mesulamu enze msogoleri wa Ginitoni, ¹⁷ Zikiri enze msogoleri wa Abiya. ...wa Miniyamini. Pilitai enze msogoleri wa Moadiya. ¹⁸ Samuwa enze msogoleri wa Biliga, Yehonatani enze msogoleri wa Semaniya, ¹⁹ Matenai enze msogoleri wa Yiaribu, Uzi enze msogoleri wa Yedaiya, ²⁰ Kalayi enze msogoleri wa Salu, Eberi enze msogoleri wa Amoki, ²¹ Hasabiya enze msogoleri wa Hilikiya, Netaneli enze msogoleri wa Yedaya. ²² Mu masiku ya Eliyasimu, mu Levi Eliyasibu, Yoiyada, Yohanani, na Yaduwa belembewa kuba asogoleri ba mabanja, na bansembe bao belembewa mu masiku ba Dariyo mu Perisiya. ²³ Mibadwo ya a Levi, asogoleri ba mabanja belembewa mu buku la macitidwe mpaka mu masiku ya Yohanani mwana wa Eliyasibu. ²⁴ Asogoleri ba a Levi benze Hasabiya, Serebiya, na Yesuwa mwana wa Kadimiyeli, na ayao bepanama molangana nao kupeleka matamando na kupeleka mayamiko, kulondelana dera na dera, mokonkha lamulo la Davite, munthu wa Mulungu. ²⁵ Mataniya, Bakibukiya, Mesulamu, Talimoni, na Akubu benze osunga pa milyango kupanama nolonda pamilyango pa vipinda vosungilamo. ²⁶ Betumikila mu masiku ba Yoakimu mwana wa Yesuwa mwana wa Yozadaki, na mu masiku ba Nehemiya kazembe na Ezara wansembe ndipo mlebi. ²⁷ Pa kupeleka cipua ca Yerusalemu, banthu befuna-funa a Levi kubenzonkhala, kubaleta ku Yerusalemu kuzokondwelera kupeleka na cikondwelero, na mayamiko na kuimba na nsanje, na visekese, na azeze. ²⁸ Boimbira besonkhana pamozi kufuma ku madela yozungulira Yerusalemu na ku minzi yaku a Netofati ²⁹ Bewela soti kufumila ku Beti giligala na kufuma ku minda ya Geba na Azimaveti, pakuti boimba bezimangila beka minzi kuzunguluka Yerusalemu. ³⁰ Bansembe na a Levi bezitubisha beka, ndipo betubisha soti na banthu, milyango na vipupa. ³¹ Mwakuti netola a Yuda kukwela palulu pa cipupa, na kusankha magulu yabili yakuleni ya boimba kupeleka mayamiko. Umozi eciya ku wendi caku cipupa ca mlyango wakucungu ³² Hosaya na hafu ya asogoleri ba Yuda ebakonkha, ³³ ndipo kufuma beve peluta Azariya, Ezara, Mesulamu, ³⁴ Yuda, Benjamini, Semaya,Yeremiya, ³⁵ na bana bayakine ba bansembe na malupenga, na Zakariya mwana wa Mataniyamwana wa Mikaya mwana wa Zakari mwana wa Asafu. ³⁶ Penze soti azinekwao ba Zakariya, Semaya, Azareli, Milalayi, Gilalayi Maayi, Nataneli, Yuda, Hanani, na voimbila va Davite munthu wa Mulungu. Ezara mlembi enze pasogolo pao. ³⁷ Ku mlyango wa kuciseme bepitilila nakukwela masitepi ba mzinda wa Davite, pa masitepi pa cipupa palulu pa ng'anda ya Davite, mpaka ku mlyango wa manzi kum'mawa. ³⁸ Gulu iyakine ya boimba yeluta mbali iyakine. Nebakonkha pa cipupa pamozi na hafu la gulu la banthu, palulu pa nsanja ya ng'anjo, mpaka ku cipupa ca citando, ³⁹ na palulu pa mlyango wa Efraimu, na mlyango wakale, na ku mlyango wa somba na ku nsanja ya Hananeli na nsanja ya Handiledi, mpaka ka mlyango wa mbelele, ndipo bepamana pa mlyango wa olonda. ⁴⁰ Teto onse magulu abili ya bala bepeleka ciyamiko betola malo bao mu ng'anda ya Mulungu, ndipo netola soti malo bangu pamozi na akulu akulu. ⁴¹ Ndipo bansembe betola malo bao: Eliyakimu, Maaseya, Miniyamini, Mikaya, Eliyoenai, Zekariya, Hananiya, na malupenga, ⁴² soti na Maaseiya, Semaiya, Eliyazara, Uzi, Yohohanani, Malikiya, Elamu, na Ezeri, ndipo boimba bezipanga kumvwika ndipo Yezrahiya enze msogoleri wao. ⁴³ Bepeleka nsembe ikuleni siku ila, na kukondwela, pakuti Mulungu ebapangisha kuti babe na cikondwelelro cikuleni. Soti anakazi na analume bekondwela. Teto cikondwelero ca Yerusalemu cimvwika kutali. ⁴⁴ Pa siku ilo analume besankhiwa kuti asunge vipinda vosungilamo vosonkhesha va vipaso voyamba na limozi la gao khumi, kusonkhanisha kwa beve magao yofunikila pa cilamulo ca bansembena ca a Levi. Aliyense epasiwa kusebenza mu minda ili pafupi na maboma. Pakuti Yuda ekondwela pali bansembe na a Levi benzepanama pamenso pao. ⁴⁵ Becita utumiki wa Mulungu wao, na utumiki wa kutubisha, na woimba nao na oyang'anila pa milyango, mu kusunga lamulo la Davite na Solomoni mwana wake. ⁴⁶ Pakuti kale, mu masiku ya Davite na Asafu, kwenze asogoleri ba woimba, ndipo kwenze nyimbo za matamando na ciyamiko kwa Mulungu. ⁴⁷ Mu masiku ya Zerubabele na mu masiku ba Nehemiya, a Israeli onse bepeleka gao la siku na siku ya woimba na oyang'anila milyango. Beika pambali gao yamene yenze ya aLevi, ndipo a Levi beika pambali gao la mibadwo ya Aroni.