¹ Pa siku ilo bebelenga mu buku la Mose mu kumvwilila kwa banthu. Mwepezeka molebewa kuti mu Amoni kapena mu Moabu asapezeke mu msonkhano wa Mulungu, mpaka kale kale. ² Ici cenze cifukwa cakuti baliye lete buledi na manzi ku banthu ba Israeli, koma betuma Balamu kuti abatembele. Moteto, Mulungu wasu esandusha tembelelo kuba daliso. ³ Pabecimvwa lamulo, befumyamo mu Israeli mulwendo aliyense. ⁴ Lomba cikaliye citike ici Eliyasibu wansembe esankhiwa kuba osunga vipinda vosungilamo va Yehova Mulungu wasu. Enze mnekwao wa Tobiya. ⁵ Eliyasibu enkonzela Tobiya Cipinda cosungilamo cikulu, mwane kuvuli benzosungilamo nsembe ya tirigu, zonunkhila, na zipangizo, na limozi mwa magao khumi ya tirigu, vinyu walomba, na mafuta, vamene venzopangiwila kuba va aLevi, woimba, bosunga milyango, na vosonkheshewa va bansembe ⁶ Koma mu nthawi yonse iyi neze lini ku Yerusalemu. Pakuti mu caka ca sate thu ca Aritasasta mfumu ya Babiloni neciya kwa mfumu. Payepitapo nthawi nesenga cilolezo kwa mfumu kuti nibekuya, ⁷ ndipo newelela ku Yerusalemu. Nemvwishisha ciipa cecita Eliyasibu popasa Tobiya vipinda consungilamo mu lubanza la ng'anda la Mulungu. ⁸ Neze okalipa ngako mwakuti netaila zipangizo za ng'anda ya Tobiya panja pa Cipinda cosungilamo. ⁹ Nelamulila kuti cipinda citubishiwe, ndipo newezyelamo ziangizo za ng'anda ya Mulungu, nsembe ya tirigu, na vonunkhilisha. ¹⁰ Nezindikila kuti aliyepeleke kwa aLevi ma gaoo yao, ndipo beutuka, aliyense ku munda wake, a Levi na boimbila becita nchito. ¹¹ Koteti kuti nebauzyatu akuru oyang'annila neciti, "cifukwa ng'anda ya mulungu yalekelelewa?" nebasonkhanisha pamozi na kubaika m'malo mwao. ¹² a ayuda onse beleta la cimozi la magao khumi ya Tirigu, vinyu walomba, na mafuta ku cipinda cosungilamo. ¹³ Nesankha osunga cuma m'manga'nda ba cuma Selemiya wansembe na Zadoki mlembi, kufuma mwa Levi Pedaya. Pafupi na beve penze Hamani mwana mwanalume wa Zakuri mwana mwanalume wa Mataniya, pakuti bebabelengela bokhulupilika. Nchito yao yenze kugabila vopelekewa ku banekwao. ¹⁴ Munikumbukile, Mulungu wangu, pa ici, ndipo musafafanize zabwino zinacita pa ng'anda ya Mulungu na zinchito zake. ¹⁵ Mu masiku ao neona Mu Yuda banthu bokata nchito pa siku la sabata na kuunjika tirigu na kuviika pa abulu, ndipo soti vinyu, mpesa, mkuyu na mtundu wonse wa vinthu volema, vamene vibeleta ku Yerusalemu pa siku la sabata. Nebacenjezya kuti benzocita malonda pa siku ilo. ¹⁶ Banalume baku Turo bonkhala mu Yerusalemu beleta somba na mtundu uliwonse wa vithu, na kuvigulisa pa siku la sabata ku banthu ba Yuda na mumzinda! ¹⁷ Teto nelabizyana nao asogolei ba Yuda, "ni cinthu cotyani ciipa ici cimucita, kuifya sabata? Ko awusu wanu alicite ici? ¹⁸ Ko Mulungu wasu aliye lete ciipa pa seo na pz mzinda? Lomba muletelapo cionongeko pa Israeli poifya sabata." ¹⁹ Pikwefipa tyala pa milyango ya Yerusalemu ikaliyofwika siku la sabata, nelamulila kuti milyango yavaliwe ndipo nakuti yasavuliwe mpaka ikapite siku la sabata. Neika banchito bangu bayakine kuti kusapezeke katundu yoletewa pa siku la sabata. ²⁰ Bogulisa alaonda ba mitundu yonse ya vinthu benkhala kunja kwa Yerusalemu kamozi kapena kabili. ²¹ Koma nebacenjezya, "Nicinji cumunkhalila kunja kwa vipupa? ngati muwezyapo soti, nikaike manja bangu pa mweo!" kufumila pa nthawi iyo baliye weleko soti pa sabata. ²² Ndipo nelamulila a Levi kuti bazitubishe beka, na kuwela kuzolonda pa milyango, kupatula siku la sabata. Munukumbukile soti, Mulungu wangu, na kuba na cifundo pa neo cifukwa ca pangano ikulu imwepanga pali neo. ²³ Mu masiku ao nenona soti a Yuda benze bekwatila anakazi baku Asidodi, Amoni, na Moabu. ²⁴ Pakati na pakati pa bana bao benzolabila citundu caku Asidodi. Paliye enzolabila citundu ca ciyuda, koma citundu tyla ca m'mozi mwa banthu bao. ²⁵ Nesushana nao, nakubatembelera, ndipo nenyata bayakine mwa beve na kunyula sisi zao. nebalengesha kuti balumbile pali Mulungu, kuti, "Mukape lini bana banu banakazi ku bana bao banalume, olo kutola bana bao banakazi kupa bana banu banalume olo mweo mweka. ²⁶ Ko Solomoni mfumu ya Israeli aliye cimwelepo pa anakazi aba? Pa vyalo vonse penzemfumu ngati ni eve, ndipo enzokondewa na Mulungu wake, Ndipo Mulungu emupanga kuba mfumu ya Israeli yonse. Mwakuti, anakazi bake bacilwendo belengesha kuti eve acimwe. ²⁷ Moteto ko seo timwvile mweo na kucita viipa vonse ivi, na kucita ciipa kwa Mulungu wasu pokwatila anakazi bacilwendo? ²⁸ Umozi wa bana banalume ba Yoida mwana wa Elisibu mkulu wansembe ene mpongozi wa Sanibalati waku Horoni. Teto nelengesha kuti autuke amenso pangu. ²⁹ Munikumbukile, Mulungu wangu, pakuti baifya unsembe, na pangano la unsembe na a Levi. ³⁰ Moteto nebatubisha ku ciliconse ca cilwendo, nakuika zinchito za banse,be na a Levi, aliyense pa nchito yake. ³¹ Nepeleka copeleka ca nkhuni a nthawi yake yoikika na ca vipaso voyamba. Munikumbukile, Mulungu wangu, pa zabwino.