¹ Asogoleri ba Israeli benzokhala mu Yerusalemu, na banthu bosala onse becita maere kuti akalete limozi la gao la teni ikabe mu Yerusalemu, mzinda utuba, na bayakine nainibesala mu mizinda iyakine. ² Moteto banthu bedalisa onse bala bezipeka kunkhala mu Yerusalemu. ³ Aba ni boyang'anila mzinda benzonkhala ku Yerusalemu. Mwakuti, mu mizinda ya Yuda aliyense enzonkhala pa malo bake, kuikapo na a Israeli, bansembe, a levi, banchito bamkacisi, na mibadwe ya banchito ba Solomoni. ⁴ Mu Yerusalemu mwenkhala bayakine ba mibadwe ya Yuda na bayakine ba mibadwe ya Benjamini. Banthu ba Yuda kuikapo: Ataiya mwana wa Uziya mwana wa Zekariya mwana wa Amariya mwana wa Sefatiya mwana wa Mahalaleli, mbadwe wa Perezi. ⁵ Penze Maseya mwana wa Baruki mwana wa Koli-Hoze mwana wa Hazaiya mwana wa Adaiya mwana wa Yoiyaribu mwana wa Zekariya, mumbadwe wa Sela. ⁶ Mibadwe yonse ya Perezi benzonkhala ku Yerusalemu benze 468. Aba benze banalume ba nzelu ndipo bozibishisha. ⁷ Aba benze mibadwe ya Benjamini: Salu mwana wa Mesulamu mwana wa Yoedi mwana wa pedaiya mwana wa Kolaiya mwana wa Maaseiya mwana wa Itiyeli mwana wa Yesaiya, ⁸ na bala benzomukonkha, Gabai na Salai, analume 928. ⁹ Yoeli mwana wa Zikiri enze mkulu wa woyang'anila, ndipo Yuda mwana wa Hasenuwa enze wacibili wolamulila mzinda. ¹⁰ Mu bansembe: Yedaiya mwana wa Yoiyaribu, yakini, ¹¹ Seraiya mwana wa Hilikiya mwana wa Mesulamu mwana wa Zadoki mwana wa Meraiyoti mwana wa Ahitubi, mkulu wa ng'anda ya Mulungu, ¹² na bala benze nao becita nchito ya mng'anda, analume, 822, pamozi na Adaiya mwana wa Yerohamu mwana wa Pelaliya mwana wa Amuzi mwana wa Zekariya mwana wa Pasuhuri mwana wa Malikiya. ¹³ Azinekwao benze bakulu bakulu ba mabanja, 242 analume; ndipo Amasisai mwana wa Azareli mwana wa Azai mwana wa Mesilemoti mwana wa Imeri, ¹⁴ na azinekwao, 128 banalume bamphamvu bankhondo; mkulu wao enze Zabdiyeli mwana wa Hagedolimu. ¹⁵ Mu a Levi: Semaiya mwana wa Hasubi mwana wa Azirikamu mwana wa Hasabiya mwana wa Buni, ¹⁶ na Sabetai na Yozabadi, bamene benze basogoleri ba a Levi ndipo benze basogoleri ba nchito ya panja ya ng'anda ya Mulungu. ¹⁷ Penze Mataniya mwana wa Mika mwana wa Zabidi, wa mbadwo wa Asafu, niye enze mkulu wa woyamba ciyamiko mu pemphero, na Bakubukiya, wacibili pakati pa azinekwao, na Abida mwana wa Samuwa mwana wa Galali mwana wa Yedutuni. ¹⁸ Alevi onse mu mzinda utuba bekwana 284. ¹⁹ Osunga pa milyango: Akubu, Talimoni, na azinekwao, benzolonda pa milyango, 172 analume. ²⁰ Osala ba Israeli na bansmebe na a Levi benze mi mizinda yonse ya Yuda. Aliyense enkhala pa kutundu wa coloba cake. ²¹ Banchito bamkacisi benkhala ku Ofeli, Ziha na Gisipa benze obang'anila beve. ²² Mkulu wa oyang'anila a Levi mu Yerusalemu enze Uzi mwana wa Bani mwana wa hasabiya mwana wa Mataniya mwana wa Mika, mu mbadwo wa Asafu, woimba pa nchito ya mng'anda ya Mulungu. ²³ Penze pansi pa ulamuliro wa mfumu, malamuro okosa bepasiwa kwa oimba monga mwakufunikila pakuya siku. ²⁴ Ndipo Petahiya mwana wa Meshezabeli, wa mbadwo wa Zera mwana wa Yuda, enze ku mbali ya mfumu mu nkhani zonse zokhuzana na banthu. ²⁵ Monga kwa minzi na minda yao, banthu bayakine ba Yuda benkhala ku Kiriyati Arba na minzi yake, na mu Diboni na minzi yake, na mu Yekabizeli na minzi yake, ²⁶ na mu Yesuwa, na Molada Peleti, ²⁷ Hazari Suwa, na Bereseba na minzi yake. ²⁸ Banthu bayakine ba Yuda benkhala ku Zikilaga, Mekona, na minzi yake, ²⁹ Enirimoni, Zora, Yarimuti, ³⁰ Zanowa, Adulimu, na minzi yake, na mu Lakisi minda yake na Azeka na minzi yake. Teto benkhala ku Bereseba mpaka ku cigwa ca Hinomu. ³¹ Mibadwe ya Benjamini yeciyonkhala ku Geba, Mikimasi, Aiya, Beteli na minzi yake, ³² Anatoti, Nobu, Ananiya, ³³ Hazori, Rama, Gitaimu, ³⁴ Hadidi, Zeboimu, Nebalati, ³⁵ Lodi, na Ono, cigwa ca baluso. ³⁶ Bayakine a Levi benzonkhala mu Yuda betumizyiwa ku banthu ba Benjamini.