¹ Pa colemba cosindikizyika penze Nehemiya, olamulila, mwana wa Hakaliya na Zedekaya, ² Seraiya, Azariya, Yeremiya, ³ Pasihuri, Amariya, Malikiya ⁴ Hatusi, Sebaniya, Maluki, ⁵ Harimu, Meremoti, Obadiya, ⁶ Danieli, Ginetoni, Baruki, ⁷ Mesulamu, Abiya, Miyamini, ⁸ Maaziya, Biligai, na Semaiya. Aba benze bansembe. ⁹ Ba Levi benze: Yesuwa mwana wa Azaniya, Binui wa mbanja ya Henadadi, Kadimieli, ¹⁰ na a Levi ayao, Sebaniya, Hodiya, Kelita, Pelaiya, Hanani, ¹¹ Mika, Rehob, Hasabaiya, ¹² Zakari, Serebiya, Sebaniya, ¹³ Hodiya, Bani, na Benuni. ¹⁴ Asogoleri ba banthu benze: Parosi, Pahati-Moabu, Elamu, Zatu, Bani, ¹⁵ Buni, Azigadi, Bebai, ¹⁶ Adoniya, Bigivai, Adini, Ateri, ¹⁷ Ateri, Hezekiya, Azuri, ¹⁸ Hodiya, Hasumi, Bezai, ¹⁹ Harifi, Anatoti, Nebai, ²⁰ Magipiasi, Mesulamu, Hezeri, ²¹ Mesezabeli, Zadoki, Yadua, ²² Pelatiya, Hanani, Ananiya, ²³ Hoseya, Hananiya, Hasubi, ²⁴ Halohesi, Piliha, Sobeki, ²⁵ Rehumu, Hasabina, Maaseya, ²⁶ Ahiya, Hanani, Anani, ²⁷ Maluki, Harimu, na Baana. ²⁸ Monga kwa banthu bayakine, benze ba Levi, wosunga pa milyango, woimba, banchito bamkacisi, na onse bala bezipatula beka ku banthu ba mu malo ya pafupi na kuzipeleka ku cilamulo ca Mulungu, kuikapo na bazinakazi bao, bana bao banalume, na bana bao banakazi, onse bali na kuzindikila na kumvwishiisha, ²⁹ bekumana pamozi naa azinekwao, wolemekezeka, na kulumikizyana na tembelero na cilumbilo pa kuyenda mu cilamulo ca Mulungu, camene epasiiwa na Mose mtumiki wa Mulungu, na kusunga na kumvwila malamulo onse ba Yehova Ambuye wasu na manenelo bake na miyambo yake ³⁰ Telonjeza kuti tikapeleke lini bana basu banakazi ku banthu bamcalo kapena kutola bana bao banakazi kupasa bana basu banalume. ³¹ Telonjeza soti kuti ngati banthu bamcalo baleta vinthu kapena mbeu iliyonse kuzogulisa pa sabata olo siku iliyonse lituba. Caka ciliconse ca seveni tikaleke minda yasu ikapumule, ndipo tikafafanize nkhongole zonse. ³² Tivomelezya soti kupeleka gao limozi la citatu la sekeli caka na caka ku nchit yaku ng'anda ya Mulungu, ³³ kupeleka buledi wa oonekela, na nsembe ya tirigu yosalala, na nsembe zoshoka zapasabata, ponkhala mwezi yacikondwelero na nthawi yoikika yamadyelero, na ya nsembe ituba, na ya nsembe yaucimo kupanga cotetezela ca Israeli, pamozi na ca nchito yonse ya ng'anda ya Mlungu wasu. ³⁴ Bansembe, a Levi, na banthu becita maere ya copeleka ca nkhuni. Maere yenzosankha kuti ni banja lotyani lati lilete nkhuni mu ng'anda ya Mulungu pa nthawi yoikika caka ciliconse, kuti zishokewe pa guwa la Yehova MUlungu wasu, monga cilembewela mu malamulo. ³⁵ Telonjeza kuleta mu ng'anda ya Yehova vipaso voyamba kukula kufuma mu nthaka yasu, ndipo caka ciliconse vipaso voyamba kufuma ku cimuti ciliconse. ³⁶ Bana oyamba kufuma ku bana basu banalume, na ku ng'ombe zasu- kulingana na mwicelembewela mu malamulo- na cibeto coyamba na zufuma ku mbelele tikalete ku ng'anda ya Mulungu wasu, ku bansembe botumikila ku ng'anda ya Mulungu wasu. ³⁷ Tikalete mkate wasu woyamba na nsembe ya tirigu, na cipaso ca cimuti ciliconse na vinyu na mafuta, ku ba nsembe, ku mang'anda yosungilamo ya Mulungu wasu. Tikalete kwa a Levi ca khumi kufuma ku nthaka yasu cifukwa a Levi niye otola ca teni ku maboma kutusebenza. ³⁸ Wansembe, wa mu mbadwe wa Aroni, ofunika kuba na a Levi polandila ca khumi. Alevi aofunika kuleta gao la teni pa ca khumi ku ng'anda ya Yehova Mulungu wasu ku mang'anda yosungila zacuma. ³⁹ Pakuti banthu ba Israeli na mibadwo ya Levi yakoleta zopeleka za tirigu, vinyu walomba, na mafuta ku mang'anda yosungila kwamene vipangizo va malo opatulika vusungiwila na kwamene bansembe botumikila, na olonda milyango, na woimba bonkhala. Tikaisiye lini ng'anda ya Mulungu.